ପୁରୀ (ଓଡିଶା ତାଜାନ୍ୟୁଜ) (ନି. ପ୍ର) :- ପୁରୀ ବଳିଆପଣ୍ଡା ଥାନା ଅଞ୍ଚଳର ମନୋରମା ହୋଟେଲ ମାଲିକ ପବିତ୍ର ନାୟକଙ୍କୁ ଚନ୍ଦନ ପଲାଇ ନାମକ ଅସାମାଜିକ ଯୁବକ ଗୁଳି କରି ମାରିବା ପରେ ସେଠାରୁ ଖସି ଯାଇଥିଲା । ବଳିଆପଣ୍ଡା ଥାନା ପୋଲିସ ଖବରପାଇ ମଙ୍ଗଳାଘାଟ ଷ୍ଟର୍ଲିଙ୍ଗ ରାସ୍ତାର ଓଁକାରେଶ୍ଵର ମନ୍ଦିର ନିକଟରେ ପୋଲିସକୁ ଦେଖି ଚନ୍ଦନ ଫାଏରିଂଙ୍ଗ କରିଥିଲା । ପୋଲିସ ଏକ୍ସଚେଞ୍ଜ ଅଫ ଫାଏରିଂଙ୍ଗ କରିବାରୁ ଚନ୍ଦନ ଗୋଡରେ ଗୁଳି ବାଜିବାରୁ ଚନ୍ଦନ ସେଠାରେ ପଡିଯାଇଥିଲା ।
ପୋଲିସ ଆହତ ଚନ୍ଦନକୁ ଉଦ୍ଧାର କରି ଜିଲ୍ଲା ମୁଖ୍ଯ ଚିକିତ୍ସାଳୟକୁ ନେଇ ପ୍ରାଥମିକ ଚିକିତ୍ସା କରିବାପରେ କଟକ ବଡ ମେଡିକାଲକୁ ସ୍ଥାନାନ୍ତରିତ କରିଛି । ଏହି ଖବର ପ୍ରଚାରିତ ହେବାରେ ମେଡିକାଲରେ ଲୋକଙ୍କ ଗହଳି ଓ ଉତ୍ତେଜନା ଲାଗିରହିବାରୁ ସେଠାରେ ବ୍ଯାପକ ପୋଲିସ ମୁତୟନ କରାଯାଇଛି । ଏସପି ପ୍ରତୀକ ସିଂଙ୍କ ନିର୍ଦ୍ଦେଶକ୍ରମେ ବିଭିନ୍ନ ଥାନା ପୋଲିସକୁ ନେଇ ଅନ୍ଯ ଜଣେ ଖସିଯାଇ ଥିବା ଅଭିଯୁକ୍ତକୁ ପୋଲିସ ଖୋଜୁଛି ।
ପୁରୀ ଏକ ଆଧ୍ୟାତ୍ମିକ ପର୍ଯ୍ୟଟନ ସ୍ଥଳୀ । ହୋଟେଲ ବ୍ଯବସାୟ, ଜାଗାବାଡି କାରବାର, ମଠ , ଦେବୋତ୍ତର ଓ ସରକାରୀ ଜମିକୁ ବାହୁବଳି ମାନେ ବେନିୟମ ଭାବେ ବିକ୍ରି କରି କୋଟି କୋଟି ଟଙ୍କା ରୋଜଗାର କରୁଛନ୍ତି । ନିଶା ବେପାରୀ ଓ ବନ୍ଧୁକ ବେପାରୀ ପୁରୀରେ ସକ୍ରିୟ ରହି ସେମାନଙ୍କ କାରବାର ଚଳାଇଥିବା ଶୁଣାଯାଉଛି । ହତ୍ଯା ଓ ଏନକାଉଣ୍ଟର ପରେ ପୁରୀରେ ଏହି ଘଟଣାକୁ ନେଇ ଚର୍ଚ୍ଚା ଯୋର ଧରିଛି ।
