ଭୁବନେଶ୍ୱର (ଓଡିଶା ତାଜା ନ୍ୟୁଜ ) ନି. ପ୍ର :- ରାଜଧାନୀ ଭୁବନେଶ୍ୱରରେ ବେଆଇନ ଭାବେ ଭେଣ୍ଡିଙ୍ଗ ଜୋନ ଗଢି ଉଠୁଥିବା ଅଭିଯୋଗକୁ ନେଇ ଏବେ ଚର୍ଚ୍ଚା ଜୋର ଧରିଛି । ବିଶେଷ କରି ୨୯ ନମ୍ବର ୱାର୍ଡ ଅଞ୍ଚଳରେ ଏକ ବିରାଟ ଭେଣ୍ଡିଙ୍ଗ ଜୋନ ନିର୍ମାଣ କାର୍ଯ୍ୟକୁ ନେଇ ସାଧାରଣ ଲୋକଙ୍କ ମଧ୍ୟରେ ଅନେକ ପ୍ରଶ୍ନ ଉଠିଛି । ଯେଉଁଠାରେ ଏକପଟେ ଭୁବନେଶ୍ୱର ମହାନଗର ନିଗମ ଓ ସ୍ମାର୍ଟ ସିଟି ପକ୍ଷରୁ ରାସ୍ତା ଓସାରିଆ କରିବା ସହ ଅବୈଧ ଦଖଲ ଉଚ୍ଛେଦ ଅଭିଯାନ ଚାଲିଛି, ସେଠାରେ ଅନ୍ୟପଟେ ସରକାରୀ ଜମି ଉପରେ ନୂତନ ଭେଣ୍ଡିଙ୍ଗ ଜୋନ ନିର୍ମାଣ କିପରି ହେଉଛି ତାହାକୁ ନେଇ ସନ୍ଦେହ ସୃଷ୍ଟି ହୋଇଛି ।
ସ୍ଥାନୀୟ ଅଞ୍ଚଳବାସୀଙ୍କ କହିବା ଅନୁସାରେ, ରୂପାଲୀ ଛକ ନିକଟରେ ଥିବା ଇଡ଼କୋ ଓ ବିଏସଏନାଲ କାର୍ଯ୍ୟାଳୟ ପଛପଟ ରାସ୍ତାରେ ବ୍ୟାପକ ଭାବେ ଭେଣ୍ଡିଙ୍ଗ ଜୋନ ନିର୍ମାଣ କାର୍ଯ୍ୟ ଚାଲିଛି । ଏହି ସ୍ଥାନଟି ସରକାରୀ ଜମି ହୋଇଥିବା ବେଳେ କେଉଁ ଅନୁମତି ଆଧାରରେ ଏଠାରେ ଏପରି କାର୍ଯ୍ୟ ହେଉଛି, ତାହା ସ୍ପଷ୍ଟ ହୋଇନାହିଁ । ସୂଚନା ଅନୁଯାୟୀ, ଵିଏମସି କମିଶନର ଚଞ୍ଚଳ ରାଣାଙ୍କ ପକ୍ଷରୁ ୨୯ ନମ୍ବର ୱାର୍ଡ ପାଇଁ କୌଣସି ନୂତନ ଭେଣ୍ଡିଙ୍ଗ ଜୋନ ପ୍ରସ୍ତାବ ଅନୁମୋଦିତ ହୋଇନଥିବା କଥା କୁହାଯାଇଛି । ଯଦି ଏହି ସୂଚନା ସତ୍ୟ, ତେବେ ପ୍ରଶ୍ନ ଉଠୁଛି ଯେ ନିର୍ମାଣ କାର୍ଯ୍ୟ କାହା ନିର୍ଦ୍ଦେଶରେ ଓ କାହାର ସହଯୋଗରେ ଚାଲିଛି ?
ସ୍ଥାନୀୟ ଲୋକମାନଙ୍କ ଅଭିଯୋଗ ହେଉଛି, ଜନସାଧାରଣଙ୍କ ସୁବିଧା ଓ ରାସ୍ତା ସୁରକ୍ଷାକୁ ଅଣଦେଖା କରି କିଛି ପ୍ରଭାବଶାଳୀ ବ୍ୟକ୍ତିଙ୍କ ସ୍ୱାର୍ଥରେ ଏହି ଭେଣ୍ଡିଙ୍ଗ ଜୋନ ଗଢି ଉଠୁଛି । ଏହା ପଛରେ କୌଣସି ଆର୍ଥିକ କାରବାର କିମ୍ବା ଭିତରିଆ ବୁଝାମଣା ରହିଛି କି ନାହିଁ, ତାହାର ତଦନ୍ତ ଆବଶ୍ୟକ ବୋଲି ଦାବି ହେଉଛି । ତେବେ ଏହି ଅଭିଯୋଗଗୁଡ଼ିକର ସ୍ୱାଧୀନ ଯାଞ୍ଚ ହୋଇନାହିଁ ଏବଂ ସମ୍ପୃକ୍ତ କର୍ପୋରେଟର କିମ୍ବା ଅନ୍ୟ ଅଧିକାରୀଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିନାହିଁ । ତେଣୁ କୌଣସି ବ୍ୟକ୍ତି ବିରୋଧରେ ଦୁର୍ନୀତି କିମ୍ବା ଅର୍ଥ ନେବା ଭଳି ଅଭିଯୋଗର ସତ୍ୟତା ତଦନ୍ତ ପରେ ହିଁ ସ୍ପଷ୍ଟ ହୋଇପାରିବ ।
-
କାହିଁକି ଏଭଳି କିଏ ଓ କାହିଁକି ଏପରି ଅନୁମତି ଦେଲେ କାହା ବଳରେ ବଳିୟାନ ଏ ଭୁବନେଶ୍ୱର ୨୯ ୱାର୍ଡ କର୍ପୋରେଟର ତାହା ସବୁଠାରୁ ପ୍ରଶ୍ନ ବାଚୀ l
-
ଵିଏମସି କମିଶନର ଚଞ୍ଚଳ ରାଣାଙ୍କ ପକ୍ଷରୁ ୨୯ ନମ୍ବର ୱାର୍ଡ ପାଇଁ କୌଣସି ନୂତନ ଭେଣ୍ଡିଙ୍ଗ ଜୋନ ପ୍ରସ୍ତାବ ଅନୁମୋଦିତ ହୋଇନଥିବା କଥା କୁହାଯାଇଛି ।
-
ଯଦି ଏହି ସୂଚନା ସତ୍ୟ, ତେବେ ପ୍ରଶ୍ନ ଉଠୁଛି ଯେ ନିର୍ମାଣ କାର୍ଯ୍ୟ କାହା ନିର୍ଦ୍ଦେଶରେ ଓ କାହାର ସହଯୋଗରେ ଚାଲିଛି ?
-
କାହା ସ୍ୱାର୍ଥ ରେ କେତେ ଅର୍ଥ କାରବାର ରେ ସଂକୁଚିତ ରାସ୍ତାରେ ଭେଣ୍ଡିଙ୍ଗ ଜୋନ ତିଆରି କରାଯାଉଛି l
କେବଳ ଆଖିଠାର ରାସ୍ତାରେ ଯଦି କୌଣସି କେବିନ ରହୁଛି ତାହେଲେ ଦାଉସାଝି ତାକୁ ଗୁଣ୍ଡ ଗୁଣ୍ଡ ନକଲା ପର୍ଯ୍ୟନ୍ତ ଵିଏମସି, ସ୍ମାର୍ଟ ସିଟି କିମ୍ବା ବିଡିଏ ଛାଡେନାହିଁ | ଆଜି ଏପ୍ରକାର ର ଦୃଶ୍ୟ ଦେଖିଲେ ଲାଗୁଛି ଆଇନକୁ ଆଖିଠାର ମାରିଲାଭଳି | କାହିଁକି ଏଭଳି କିଏ ଓ କାହିଁକି ଏପରି ଅନୁମତି ଦେଲେ କାହା ବଳରେ ବଳିୟାନ ଏ ଭୁବନେଶ୍ୱର ୨୯ ୱାର୍ଡ କର୍ପୋରେଟର ତାହା ସବୁଠାରୁ ପ୍ରଶ୍ନ ବାଚୀ | ଯେତେବେଳେ କାହାରି ଅନୁମୋଦିତ ହୋଇନାହିଁ ଭେଣ୍ଡିଙ୍ଗ ଜୋନ ପାଇଁ ତାହେଲେ କେଉଁ ଉଦେଶ୍ୟ ରେ କାହା ସ୍ୱାର୍ଥ ରେ କେତେ ଅର୍ଥ କାରବାର ରେ ସଂକୁଚିତ ରାସ୍ତାରେ ଭେଣ୍ଡିଙ୍ଗ ଜୋନ ତିଆରି କରାଯାଉଛି | ନାମକୁ ମାତ୍ର ଆଜି ଉଛେଦ କରାଗଲା ଏଦୃଶ୍ୟ ରୁ କଣ ଲାଗୁଛି ସଭିଙ୍କ ପ୍ରଶ୍ନ |
ବର୍ତ୍ତମାନ ସାଧାରଣ ଲୋକଙ୍କ ଦାବି ହେଉଛି ଯେ ଵିଏମସି , ସ୍ମାର୍ଟ ସିଟି ଓ ସମ୍ପୃକ୍ତ ବିଭାଗ ଏହି ନିର୍ମାଣ କାର୍ଯ୍ୟର ବୈଧତା ଯାଞ୍ଚ କରି ତୁରନ୍ତ ସ୍ପଷ୍ଟୀକରଣ ଦିଅନ୍ତୁ । ଯଦି କୌଣସି ନିୟମ ଉଲ୍ଲଂଘନ ହୋଇଥାଏ, ତେବେ ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯାଉ । ରାଜଧାନୀରେ ନିୟମ ଓ ସ୍ୱଚ୍ଛ ପ୍ରଶାସନ ବଜାୟ ରଖିବା ପାଇଁ ଏହି ଘଟଣାର ନିରପେକ୍ଷ ତଦନ୍ତ ଏବେ ସମୟର ଦାବି ହୋଇପଡ଼ିଛି ।
