କଟକ (ଓଡିଶା ତାଜା ନ୍ୟୁଜ ) ନି. ପ୍ର :- ପବିତ୍ର ଗଣପର୍ବ ରଜ। ଓଡ଼ିଶାର ଏହି ଗଣପର୍ବ ପ୍ରତିଟି ଗଳିକନ୍ଦିରେ ମହାସମାରୋହରେ ପାଳିତ ହେଉଥିବା ବେଳେ କଟକର ଚାନ୍ଦିନୀଚୌକ ଦରଜୀସାହିର ଅଗ୍ରଣୀ ସାମାଜିକ ଅନୁଷ୍ଠାନ ରାଧାମାଧବ ଗଣପତି ଗୃପ ଏକ ନିଆରା ଢଙ୍ଗରେ ଏହି ରଜୋତ୍ସବକୁ ପାଳନ କରିଛି। ଓଡ଼ିଶାର ବିଶିଷ୍ଟ ଶିଶୁ ଚିକିତ୍ସାଳୟ “ଶିଶୁ ଭବନ” କୁ ଚିକିତ୍ସା ଲାଗି ଆସିଥୂବା ଶିଶୁମାନଙ୍କର ଅଭିଭାବକ ମାନଙ୍କୁ ମାଗଣାରେ ଖାଦ୍ୟ ପରିବେଷଣ କରି ସେହିମାନଙ୍କ ସହିତ ରଜୋତ୍ସବ ର ମଜା ନେଇଛନ୍ତି ଏହି ଗୃପର ସଦସ୍ୟମାନେ।
କଟକକୁ ସର୍ବଶ୍ରେଷ୍ଠ ବୋଲି ପ୍ରମାଣିତ କରିବାର ପରିକଳ୍ପନାକୁ ଆଧାର କରି ରଜ ପର୍ବର ପ୍ରଥମ ଦିନରେ ପ୍ରାୟ ୧୫୦୦ ଲୋକଙ୍କୁ ମାଗଣାରେ ଖାଦ୍ୟ ଖାଇବାକୁ ଦେଇ ଏକ ଉଦାହରଣ ସୃଷ୍ଟି କରିଛନ୍ତି ଏହି ଅନୁଷ୍ଠାନ ର କର୍ମକର୍ତ୍ତା ଓ ସଦସ୍ୟମାନେ। ଗଣମାଧ୍ୟମ ର ପ୍ରଶ୍ନରେ ଏମିତି ଏହି କାର୍ଯ୍ୟକ୍ରମ ଚାଲିବ ଓ ଆଗାମୀ ଦିନରେ ଏହାକୁ ପରିବର୍ଦ୍ଧିତ କରାଯିବ ବୋଲି କର୍ମକର୍ତ୍ତାମାନେ ମତ ପ୍ରକାଶ କରିଛନ୍ତି। ଅନୁଷ୍ଠାନର ଏଭଳି ପ୍ରଶଂସନୀୟ କାର୍ଯ୍ୟକ୍ରମ ତଥା ଉଦ୍ୟମକୁ ବିଭିନ୍ନ ମହଲରେ ସ୍ଵାଗତ କରାଯାଇଛି ।
