ଭୁବନେଶ୍ୱର (ଓଡିଶା ତାଜା ନ୍ୟୁଜ) (ନି. ପ୍ର) :- ଉତ୍କଳ ପ୍ରାଦେଶିକ ମାରୱାଡ଼ୀ ସମ୍ମେଳନ ପକ୍ଷରୁ ସମାଜର ସେହି ପରିବାରମାନଙ୍କୁ ତୁରନ୍ତ ଲାଭ ପାଇଁ ନଗଦ ରାଶି ଆକାରେ 10,000 ଟଙ୍କା ପ୍ରଦାନ କରାଯାଉଛି ଯେଉଁମାନେ ଆର୍ଥିକ ଦୃଷ୍ଟିରୁ ସମ୍ପନ୍ନ ନୁହଁନ୍ତି । ଭୁବନେଶ୍ୱର ଶାଖାର ତତ୍ତ୍ୱାବଧାନରେ ମନୋଜ ବାଜୋରିଆଙ୍କ ଅଧ୍ୟକ୍ଷତାରେ ଲାଭାର୍ଥୀ ସଦସ୍ୟ ଭାବେ ନେହା ଶର୍ମାଙ୍କୁ ଚୟନ କରାଯାଇ ତାଙ୍କୁ 10,000 ଟଙ୍କା ନଗଦ ରାଶି ପ୍ରଦାନ କରାଗଲା ।
ଏହି ଅବସରେ କୈଲାଶ ଅଗ୍ରୱାଲ, ଉପାଧ୍ୟକ୍ଷ, ସୁନୀଲ ଶର୍ମା, ପ୍ରଦୀପ ଚୌଧରୀ, ଅଶୋକ ଶର୍ମା, ଶିବ କୁମାର ଶର୍ମା, ଚତୁର୍ଭୁଜ ସୁନ୍ଦରକା, ରାଜକୁମାର ଗୋସ୍ୱାମୀ ଉପସ୍ଥିତ ଥିଲେ ଏବଂ ଶାଖା ସଚିବ କିଶନ ଖଣ୍ଡେଲୱାଲ, ଅଶୋକ ଅଗ୍ରୱାଲ, ରାଧେଶ୍ୟାମ ଅଗ୍ରୱାଲ, ରାଷ୍ଟ୍ରୀୟ ଅଧ୍ୟକ୍ଷ, ପ୍ରାନ୍ତୀୟ ଅଧ୍ୟକ୍ଷ ତଥା ସମସ୍ତ କାର୍ଯ୍ୟକାରୀ ସଦସ୍ୟମାନଙ୍କର ସମର୍ଥନ ପ୍ରାପ୍ତ ହେଲା । ଆଗାମୀ ସମୟରେ ଉତ୍କଳ ପ୍ରାଦେଶିକ ମାରୱାଡ଼ୀ ସମ୍ମେଳନ ପକ୍ଷରୁ ଶିକ୍ଷା ପାଇଁ 40,000 ଟଙ୍କା ପର୍ଯ୍ୟନ୍ତ ରାଶି ଦେବାର ବ୍ୟବସ୍ଥା ରଖାଯାଇଛି ।
