ଖୋରଧା-ଜଟଣୀ (ଓଡିଶା ତାଜା ନ୍ୟୁଜ) ନି. ପ୍ର :- ଖୋର୍ଦ୍ଧାରୋଡ ରେଳମଣ୍ଡଳ ଠାରେ ଅବସ୍ଥିତ ଶ୍ରମିକ କଂଗ୍ରେସ କାର୍ଯ୍ୟାଳୟରେ ସଂଘଠନର ତିନି ଜଣ ବରିଷ୍ଠ ନେତା ବାହାନ ଘଢେଇ,ପି ୟାରାନା ଓ ତ୍ରିନାଥ ବେହେରାଙ୍କୁ ନିଜ ରେଳ ବିଭାଗ ଚାକିରି ଜୀବନରୁ ଅବସର ନେଇଥିବାରୁ ତାଙ୍କୁ ଇଷ୍ଟ କୋଷ୍ଟ ରେଲୱେ ଶ୍ରମିକ କଂଗ୍ରେସ ପକ୍ଷରୁ ବିଦାୟ କାଳୀନ ସମ୍ବର୍ଦ୍ଧନା ଦିଆଯାଇଥିଲା । ଶ୍ରମିକ କଂଗ୍ରେସ କାର୍ଯ୍ୟାଳୟ ଠାରେ ଶାଖା ସମ୍ପାଦକ ଏଲ ଡି ମହାନ୍ତିଙ୍କ ସଂଯୋଜନାରେ ଏକ ସଭା ଆୟୋଜନ କରାଯାଇଥିଲା l
ସଭାପତି ମୁସ୍ତାକ ଅଲ୍ଲୀ ସଭାପତିତ୍ୱ କରିଥିଲେlମଣ୍ଡଳ ସଂଯୋଜକ ସୁନୀଲ ଭଞ୍ଜ ମୁଖ୍ୟଅତିଥି ଭାବେ ଯୋଗଦେଇ ତିନି ନେତାଙ୍କୁ ଉତ୍ତରୀୟ ଫୁଲମାଳ ଓ ଉପହାର ପ୍ରଦାନ କରିଥିଲେ l ଅନ୍ୟାନ୍ୟ ଅତିଥିଭାବେ ସହ ସଂଯୋଜକ ନିରଞ୍ଜନ ମିଶ୍ର କେନ୍ଦ୍ରୀୟ ପଦାଧିକାରୀ ଏମ ଗୋପାଳ କ୍ରିଷ୍ଣା ରାଓ,ସୁବ୍ରତ ପଣ୍ଡା, ମହେନ୍ଦ୍ର ମହାନ୍ତି ଯୋଗଦେଇ ଅବସର ପରବର୍ତୀ ସମୟ ନିରୋଗ ନିରାମୟ ଜୀବନଯାପନ ପାଇଁ ଭଗବାନଙ୍କ ନିକଟରେ ପାର୍ଥନା କରିଥିଲେl କାର୍ଯ୍ୟକାରୀ ସଭାପତି ପି ରାଜା ରାଓ,ସୁନୀଲ ପରିଡା,ରାକେଶ ଘଡେଇ,ତନ୍ମୟ ମହାପାତ୍ର, ତ୍ରିଲୋଚନ ମହାନ୍ତି, ରବୀନ୍ଦ୍ର ଗୌଡ଼, ସନ୍ତୋଷ ଖଟେଇ ସମେତ ବହୁ କ୍ୟାଡର ଉପସ୍ଥିତ ଥିଲେ l
