ଭାପୁର (ଓଡିଶା ତାଜା ନ୍ୟୁଜ) ନି. ପ୍ର :- ସବୁ ଅଞ୍ଚଳକୁ ଗମନାଗମନ ସୁବିଧା ଓ ଅପହଞ୍ଚ ଇଲାକାକୁ ବସ୍ ସେବା ଯୋଗାଇ ଦେବାକୁ ରାଜ୍ୟ ସରକାର ଯେଉଁ ପଦକ୍ଷେପ ଗ୍ରହଣ କରିଛନ୍ତି ସେଥିରେ ଆଉ ଗୋଟିଏ ପାଦ ଆଗକୁ ବଢ଼ାଇଛନ୍ତି ଖଣ୍ଡପଡ଼ା ବିଧାୟକ ଇଂ. ଦୁଷ୍ମନ୍ତ କୁମାର ସ୍ୱାଇଁ. ବୁଧବାର ଦିନ ସକାଳେ ଭାପୁର ବ୍ଲକ ପରିସରରେ ମୁଖ୍ୟମନ୍ତ୍ରୀ ବସ୍ ସେବାକୁ ପତାକା ହଲାଇ ଶୁଭଉଦ୍ଘାଟନ କରିଛନ୍ତି ଖଣ୍ଡପଡ଼ା ବିଧାୟକ ଶ୍ରୀ ସ୍ୱାଇଁ. ଏହି ଅବସରରେ ଭାପୁର ଗୋଷ୍ଟୀ ଉନ୍ନୟନ ଅଧିକାରୀ ସାରଦା ପ୍ରସନ୍ନ ପଣ୍ଡା, ସାଂସଦଙ୍କ ଜିଲ୍ଲା ପ୍ରତିନିଧି ଗୟାଧର ପରିଡା, ୧୯ ନମ୍ବର ଜୋନ ଜିଲ୍ଲା ପରିଷଦ ସଭ୍ୟ ସୁଶାନ୍ତ କୁମାର ସାହୁ, ଆତ୍ମାର ଅଧ୍ୟକ୍ଷ ଶଶୀଭୁଷଣ ରାଉତରାୟ, ଭାପୁର ବ୍ଲକର ଜନପ୍ରତିନିଧି ଓ ପ୍ରଶାସନିକ ଅଧିକାରୀ ମାନେ ଉପସ୍ଥିତ ଥିଲେ. ବିଧାୟକ,
ସମସ୍ତ ଜନପ୍ରତିନିଧି, ବ୍ଲକ ପ୍ରଶାସନ ଅଧିକାରୀ ମାନେ ଉକ୍ତ ବସ୍ରେ ଖଣ୍ଡପଡ଼ା ପର୍ଯ୍ୟନ୍ତ ଯାତାୟାତ କରିଥିଲେ. ଉକ୍ତ ବସ୍ଟି ଭାପୁର ଠାରୁ ଫତେଗଡ଼-କଳାପଥର-ବୈଦେଶ୍ଵର, କରବର-ପଦ୍ମାବତୀ-ବିଜିପୁର-କାଚେରାସାହି-ବାହାଡା ଦେଇ ଖଣ୍ଡପଡ଼ା ପର୍ଯ୍ୟନ୍ତ ଚାଲିବ. ଯାହାଫଳରେ ଭାପୁର-କଳାପଥର ଓ ଖଣ୍ଡପଡ଼ା ଜନସାଧାରଣ ମାନଙ୍କର ଗମନାଗମନରେ ସୁବିଧା ହୋଇପାରିବ ବୋଲି ବିଧାୟକ ଶ୍ରୀ ସ୍ୱାଇଁ କହିଛନ୍ତି. ଭାପୁର ବ୍ଲକରେ ମୁଖ୍ୟମନ୍ତ୍ରୀ ବସ୍ ସେବା ଶୁଭାରମ୍ଭ ହୋଇଥିବାରୁ ବିଧାୟକ ଶ୍ରୀ ସ୍ୱାଇଁ ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଥିଲେ.
