କଟକ (ଓଡିଶା ତାଜା ନ୍ୟୁଜ) ନି. ପ୍ର :- କଟକ ଜିଲ୍ଲା ଅବକାରୀ ବିଭାଗକୁ ମିଳିଛି ଏକ ସଫଳତା। କଟକ ଜିଲ୍ଲାରେ ସମ୍ପୂର୍ଣ୍ଣ ଚୋରା ମଦ କାରବାରକୁ ପ୍ରତିହତ କରିବାକୁ ସଙ୍କଳ୍ପ ନେଇଥୂବା ଓଡ଼ିଶା ଅବକାରୀ ବିଭାଗର ସୁଦକ୍ଷ ଅଧିକାରୀ ତଥା କଟକ ଜିଲ୍ଲା ଅବକାରୀ ଅଧିକ୍ଷକ ଶ୍ରୀ କରୁଣା ଶଙ୍କର ତ୍ବିଓ୍ବାରୀ। ଆଜି ଅବକାରୀ ଅଧୀକ୍ଷକ ଶ୍ରୀ ତିୱାରୀ ଚୋରା ମଦ ତିଆରି ର ବିଶ୍ବସ୍ତ ସୂତ୍ରରୁ ଖବର ପାଇ ବିହିତ ପଦକ୍ଷେପ ନେବାକୁ ଆଠଗଡ ଅବକାରୀ ନିରୀକ୍ଷକ ଶ୍ରୀ ରବିନାରାୟଣ ପଧାନଙ୍କୁ ନିର୍ଦ୍ଦେଶ ଦେଇଥିଲେ।
ଆଠଗଡ଼ ଅବକାରୀ ନିରୀକ୍ଷକ ଶ୍ରୀ ପଧାନ ତୁରନ୍ତ କଟକ ଜିଲ୍ଲା ଭ୍ରାମ୍ୟମାଣ ୟୁନିଟ୍ ଅବକାରୀ ନିରୀକ୍ଷକ ଶ୍ରୀ ବି. ବି.ବର୍ମା ଏବଂ ଆଠଗଡ଼ ଥାନା ଅଧିକାରିଣୀ ସୁଶ୍ରୀ ସୁମତି ମହାନ୍ତିଙ୍କ ସହ ଆଠଗଡ଼ ଥାନା ଅନ୍ତର୍ଗତ କୋରଙ୍ଗା ଗ୍ରାମ ଏବଂ ନିକଟସ୍ଥ କାଜୁ ଜଙ୍ଗଲରେ ଏକ ମିଳିତ ଚଢାଉ କରିଥିଲେ। ଉକ୍ତ ଚଡାଉରେ ସର୍ବମୋଟ ୨୬୯୫ ଲିଟର ଦେଶୀ ମଦ ସହ ୨୧ହଜାର ୪୯୦ ଲିଟର ମଦ ପ୍ରସ୍ତୁତ ନିମନ୍ତେ ବ୍ୟବହୃତ ହେଉଥିବା ଗୁଡ ପୋଚ ଉଦ୍ଧାର କରାଯାଇ ଘଟଣା ସ୍ଥଳରେ ନଷ୍ଟ କରାଯିବା ସହ ୬ ଗୋଟି ମାମଲା ରୁଜୁ କରା ଯାଇଛି।
ଏହି ଚଢାଉ କାର୍ଯ୍ୟକ୍ରମରେ ଆଠଗଡ଼ ଅବକାରୀ ନିରୀକ୍ଷକ ଶ୍ରୀ ପଧାନଙ୍କ ସହ ଶ୍ରୀ ବି. ବି.ବର୍ମା, ଅବକାରୀ ନିରୀକ୍ଷକ, କଟକ ଜିଲ୍ଲା ଭ୍ରାମ୍ୟମାଣ ଦଳ,ସୁଶ୍ରୀ ସୁମତି ମହାନ୍ତି ,ଭାରପ୍ରାପ୍ତ ଆରକ୍ଷୀ ନିରୀକ୍ଷୀକା ଆଠଗଡ ଥାନା, ଶ୍ରୀ ବାପି ସାହୁ,ଭାରପ୍ରାପ୍ତ ଅବକାରୀ ଅଧିକାରୀ,ବାଙ୍କୀ ଅବକାରୀ ଥାନା,ନରସିଂହପୁର ଅବକାରୀ ଥାନା ର ସମସ୍ତ ଅବକାରୀ ଅଧୂକାରୀ ଓ କର୍ମଚାରୀ ତଥା ଆଠଗଡ଼ ଥାନାର ଅଧିକାରୀ ଓ କର୍ମଚାରୀମାନେ ସାମିଲ ହୋଇଥିଲେ ।
