ଖୋର୍ଦ୍ଧା (ଓଡିଶା ତାଜା ନ୍ୟୁଜ) ନି. ପ୍ର :- ପିତାପଲ୍ଲୀ ସ୍ଥିତ ବିଶ୍ୱାସ ଉଚ୍ଚମାଧ୍ୟମିକ ବିଦ୍ୟାଳୟ ଚଳିତ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ବାର୍ଷିକ ପରୀକ୍ଷା -୨୦୨୬ (ବିଜ୍ଞାନ ସ୍ରୋତ)ରେ ଅଭୂତପୂର୍ବ ସଫଳତା ହାସଲ କରିଅଛି । ପାସ୍ ହାର ଶତ ପ୍ରତିଶତ ଥିବା ବେଳେ ବିଦ୍ୟାଳୟର ଛାତ୍ରୀ ରୋନାଲୀ ସାହୁ ୫୯୨ ନମ୍ବର ରଖି ବିଦ୍ୟାଳୟର ଟପ୍ପର ହେବା ସହ ରାଜ୍ୟରେ ଷଷ୍ଠତମ ସ୍ଥାନ ମଣ୍ଡନ କରିଛନ୍ତି ।
ଏହା ବ୍ୟତୀତ ୨୯ଜଣ ୯୦% ରୁ ଅଧିକ ନମ୍ବର ରଖି ଉତ୍ତୀର୍ଣ୍ଣ ହେବା ସହ ଶତକଡା ୯୫% ପିଲା ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି । ପିଲାମାନଙ୍କର ଏହି ସଫଳତା ପାଇଁ ବିଦ୍ୟାଳୟ ର ଚେୟାରମ୍ୟାନ ଡକ୍ଟର ପ୍ରଜ୍ଞାନ ରଞ୍ଜନ ଘଡ଼େଇ , ସମ୍ପାଦିକା ଡକ୍ଟର ନନ୍ଦିନୀ ଘଡ଼େଇ ସମସ୍ତଙ୍କୁ ଅଭିନନ୍ଦନ ଜଣାଇଛନ୍ତି ।
ଅନୁଷ୍ଠାନର ଅଧକ୍ଷ ପ୍ରଫେସର ଅଶୋକ କୁମାର କର ପିଲାମାନଙ୍କର ନିଷ୍ଠାପର ଉଦ୍ୟମ ,ଅଧ୍ୟାପିକା ଅଧ୍ୟାପକ ମାନଙ୍କର ନିରନ୍ତର ପ୍ରଚେଷ୍ଟା ଯୋଗୁଁ ଏହା ସମ୍ଭବ ହୋଇପାରିଛି ବୋଲି କହିଛନ୍ତି । ୨୦୧୦ ରୁ ଏହି ବିଦ୍ୟାଳୟ ଓଡ଼ିଶାରେ ଉତ୍ତମ ଶିକ୍ଷା ପ୍ରଦାନ କରି ଆସୁଅଛି ।
