କୋରାଇ (ଓଡିଶା ତାଜା ନ୍ୟୁଜ) ନି. ପ୍ର :- କୋରାଇ ବ୍ଳକ ଅନ୍ତର୍ଗତ ଶଙ୍ଖଚିଲା ସ୍ଥିତ ଜିଲା ସଂପର୍କ ବରିଷ୍ଠ ନାଗରିକ ସଂଘର ବାର୍ଷିକ ଉତ୍ସବ ସ୍ଥାନୀୟ ହିଙ୍ଗୁଳା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ସୋମବାର ଅନୁଷ୍ଠିତ ହୋଇଥିଲା । ସଂଘର ସଭାପତି ଚକ୍ରଧର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ମୁଖ୍ୟଅତିଥି ଭାବେ ଯାଜପୁର ଅତିରିକ୍ତ ଆରକ୍ଷୀ ଅଧ୍ୟକ୍ଷକ ସିତିକଣ୍ଠ କାନୁନଗୋ ଯୋଗଦେଇ ବୃଦ୍ଧ ବାପା-ମଆଙ୍କ ଉତ୍ତର ଦାୟିତ୍ବ ପୁଅ-ଝିଅମାନେ ବହନ କରିବା ଉଚିତ ।
ଚାକିରୀ କିମ୍ବା କାର୍ଯ୍ୟଭାରର ଆଳ ଦେଖାଇ ବୃଦ୍ଧାଶ୍ରମରେ ବାପା-ମାଆଙ୍କୁ ଛାଡିବା ଅମାନବିକତା ବୋଲି ଶ୍ରୀ କାନୁନଗୋ ବକ୍ତବ୍ୟ ପ୍ରସଙ୍ଗରେ କହିଥିଲେ । ସମ୍ମାନିତ ଅତିଥି ଭାବେ ଯାଜପୁର ଜିଲା ସାମାଜିକ ସୁରକ୍ଷା ଅଧିକାରିଣୀ ଜାନକୀ ହେମ୍ବ୍ରମ, କେଜିଆଇ ଶିକ୍ଷା ଟ୍ରଷ୍ଟର ଅଧ୍ୟକ୍ଷ ଡକ୍ଟର ଆଲେକ୍ଜାଣ୍ଡାର ଦାସ, ବିଶିଷ୍ଠ ସମାଜ ସେବୀ ଅକ୍ଷୟ କୁମାର କର, ବ୍ୟାସନଗର ବରିଷ୍ଠ ନାଗରିକ ସଂଘର ସଂପାଦକ ଚନ୍ଦ୍ର ମଣି ସାମଲ,
ସୁକିନ୍ଦା-ଦାନଗଦି-କଳିଙ୍ଗନଗର ବରିଷ୍ଠ ନାଗରିକ ସଂଘ ସଭାପତି କଳାକାର ସ୍ବାଇଁ, ଅନ୍ନପୂର୍ଣ୍ଣା ବରିଷ୍ଠ ନାଗରିକ ସଂଘ ସଭାପତି ଦୀନବନ୍ଧୁ ବିଶ୍ବାଳ, ସମ୍ପାଦକ ଦେବବ୍ରତ ଚକ୍ର ପ୍ରମୁଖ ଯୋଗ ଦେଇ ବରିଷ୍ଠମାନେ ସାମଜର ପରିପକ୍ବ ତଥା ଦକ୍ଷବ୍ୟକ୍ତି; ତାଙ୍କ ପରାମର୍ଶ ନେଇ କାର୍ଯ୍ୟକଲେ ସମସ୍ୟା ଉପୁଯିନଥାଏ ବୋଲି ମତବ୍ୟକ୍ତ କରିଥିଲେ ।
ଏହି ଅବସରରେ ସଂଘ ପକ୍ଷରୁ ବରିଷ୍ଠ ସାମ୍ବାଦିକ ମଳୟ କୁମାର ମଲ୍ଲିକ, ସାମ୍ବାଦିକ ଭାଗିରଥି ବାରିକ, ସାମ୍ବାଦିକ ବିରଂଚି ନାରାୟଣ ଖୁଟିଆ, ଶତାୟୁ ନାଗରିକ ଗିରିଧାରୀ ବାରିକ, ଶତାୟୁ ମହିଳା ହାରାମଣୀ ମାଝୀ ପ୍ରମୁଖଙ୍କୁ ଅତିଥିଙ୍କ ଦ୍ବାରା ସମ୍ବର୍ଦ୍ଧିତ କରାଯାଇଥିଲା । ସଭା ପ୍ରାରମ୍ଭରେ ଜାତୀୟ ସଙ୍ଗୀତ ଗାନ ସହିତ ହିଙ୍ଗୁଳା ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀମାନଙ୍କ ଦ୍ଵାରା ସ୍ଵାଗତନୃତ୍ୟ ପରିବେଷଣ କରା ଯାଇଥିଲା ।
ସଂଘର ଉପସଭାପତି ବେଣୁଧର ଗୁରୁ ଅତିଥ୍ୟ ପରିଚୟ ଓ କୋଷାଧକ୍ଷ ଗୋପାଳ ଚନ୍ଦ୍ର ଦାସ ସ୍ବାଗତ ଭାଷଣ ଦେଇଥିଲା ବେଳେ ସମ୍ପାଦକ ଉପେନ୍ଦ୍ର କୁମାର ସ୍ବାଇଁ ବାର୍ଷିକ ବିବରଣୀ ପାଠ କରିଥିଲେ । କାର୍ଯ୍ୟକ୍ରମକୁ ବିମ୍ବାଧର ସାହୁ, ବଳରାମ ବାରିକ, ଭାରତ ଚନ୍ଦ୍ର ମଲ୍ଲିକ, କୀର୍ତନ ବିହାରୀ ସାହୁ, ଅଚ୍ୟୁତା ନନ୍ଦ ସାହୁ, ନିରଞ୍ଜନ ସାହୁ,
ଭୀମ ଚରଣ ସାହୁ, ଗୌରାଙ୍ଗ ବେହେରା, ତ୍ରିଲୋଚନ ବିଶ୍ବାଳ, ରାଜେନ୍ଦ୍ର ପୃଷ୍ଟି, ପୂର୍ଣ୍ଣଚନ୍ଦ୍ର ଦାସ, ବିନୋଦ କୁମାର ପାଢ଼ୀ ପ୍ରମୁଖ ସଂଘର ସମସ୍ତ ସଦସ୍ୟଙ୍କ ସମେତ ହିଙ୍ଗୁଳା ଉଚ୍ଚମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ପର୍ଶୁରାମ ମଲ୍ଲିକଙ୍କ ସହ ସମସ୍ତ ଅଧ୍ୟାପକ/ଅଧ୍ୟାପିକା ଓ କର୍ମଚାରୀ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।
