କଟକ (ଓଡିଶା ତାଜା ନ୍ୟୁଜ) ନି. ପ୍ର :- ବିଜୁ ଜନତା ଦଳ, କଟକ ଜିଲ୍ଲା ପକ୍ଷରୁ ଆଜି କଟକ ସ୍ଥିତ ଡ଼ିଜିପି ଅଫିସ୍ ଘେରାଉ କରି ବିଜେପି ସରକାରରେ ରାଜ୍ୟରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ଓ ଅଡଶପୁରର ପୁଅ ସୌମ୍ୟରଞ୍ଜନ ହତ୍ୟାକାଣ୍ଡ ଘଟଣାରେ କିପରି ଭାବେ ସୌମ୍ୟରଞ୍ଜନ ଏବଂ ତାଙ୍କ ପରିବାରକୁ ନ୍ୟାୟ ମିଳିବା ସହିତ ରାଜ୍ୟରେ ବଢି ଚାଲିଥିବା ମହିଳା ହିଂସା ପ୍ରତିବାଦରେ ଆୟୋଜିତ ବିକ୍ଷୋଭ ପ୍ରଦର୍ଶନ ଓ ପ୍ରତିବାଦ, ଘେରାଉ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଏହି ବିକ୍ଷୋଭ ଓ ପ୍ରତିବାଦ କାର୍ଯ୍ୟକ୍ରମରେ ନିଆଳୀ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଡାକ୍ତର ପ୍ରମୋଦ କୁମାର ମଲ୍ଲିକଙ୍କ ସମେତ କଟକ ଜିଲ୍ଲାର ସମସ୍ତ ନିର୍ବାଚନ ମଣ୍ଡଳୀର ବହୁ ବିଜୁ ଜନତା ଦଳର କର୍ମକର୍ତ୍ତାମାନେ ଉପସ୍ଥିତ ରହି ବିଭିନ୍ନ ସ୍ଲୋଗାନ ଦେଇ ବିକ୍ଷୋଭ ପ୍ରଦର୍ଶନ କରିଥିଲେ l ରାଷ୍ଟ୍ରୀୟ ଅପରାଧ ରେକର୍ଡ ବ୍ୟୁରୋ (NCRB)ର ସଦ୍ୟତମ ତଥ୍ୟ ଅନୁସାରେ ସାରା ଦେଶରେ ଜନସଂଖ୍ୟା ଅନୁପାତରେ ସବୁଠାରୁ ଅଧିକ ଗୁରୁତର ଅପରାଧ ଓଡ଼ିଶାରେ ପଞ୍ଜୀକୃତ ହୋଇଛି ।
ମହିଳା ହିଂସା କ୍ଷେତ୍ରରେ ଆମ ରାଜ୍ୟରେ ପ୍ରତି ଏକ ଲକ୍ଷ ମହିଳାଙ୍କ ମଧ୍ୟରୁ ୧୧୮.୩ ଜଣ ମହିଳା ଗୁରୁତର ଅପରାଧର ଶିକାର ହୋଇଛନ୍ତି ଯାହାର ହାର ଦେଶରେ ଦ୍ଵିତୀୟ ସର୍ବବୃହତ ବୋଲି କୁହାଯାଏ । ଶେଷରେ ରାଜ୍ୟର ବିଭିନ୍ନ ସମସ୍ୟା ଏବଂ ଅଡଶପୁର ମଉଜପୁରର ପୁଅ ସୌମ୍ୟରଞ୍ଜନ ସ୍ବାଇଁଙ୍କ ବର୍ବରଚିତ ହତ୍ୟାକାଣ୍ଡ ଘଟଣାର ସମସ୍ତ ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନେଇ ରାଜ୍ୟ ପୋଲିସ ମହାନିର୍ଦ୍ଦେଶକଙ୍କ ନିକଟରେ ଏକ ଦାବୀ ପତ୍ର ପ୍ରଦାନ କରଯାଇଛି ।
