ପୁରୀ ( ଓଡିଶା ତାଜାନ୍ୟୁଜ ) ନି. ପ୍ର :- ତାଳବଣିଆ ଥାନା ପକ୍ଷରୁ ପାଟ୍ରୋଲିଂ ଚାଲିଥିବା ବେଳେ ନିର୍ଭର ସୁତରୁ ଖବର ମିଳିଲା ଯେ ହୁଳୁହୁଳିଆ ବ୍ରିଜ ନିକଟରେ ଦୁଇ ଜଣ ଯୁବକ ଲୁହା ରଡ ଦେଖାଇ ବାଇକ ଆରୋହୀଙ୍କ ଠାରୁ ଟଙ୍କା ଛଡାଇ ନେଉଛନ୍ତି ଓ ଆତଙ୍କରାଜ ସୃଷ୍ଟି କରୁଛନ୍ତି । ଏହି ସମୟରେ ପିସିଆର ଭ୍ଯାନ ସେଠାରେ ପହଞ୍ଚିଥିଲା । ସବ ଇନ୍ସପେକ୍ଟର ଜି.ସି ଘଡ଼େଇ ସେମାନଙ୍କୁ ଧରିବା ପାଇଁ ଚେଷ୍ଟା କରିଥିଲେ । ଲୁହା ରଡରେ ପୋଲିସକୁ ପିଟିବା ପାଇଁ ଉଦ୍ୟମ କରୁଥିବା ବେଳେ ସବଇନ୍ସପେକ୍ଟରଙ୍କ ବାମ ହାତରେ ବାଜିଥିଲା । ପୋଲିସକୁ ମଧ୍ଯ ଅଶ୍ଲୀଳ ଭାଷାରେ ଗାଳିଗୁଲଜ କରିଥିଲେ ।
ପରେ ଘଟଣା ସ୍ଥଳରୁ ଦୁଇ ଯୁବକ ମଟର ସାଇକେଲ ଯୋଗେ ଖସିଯାଇଥିଲେ । ପରେ ପୋଲିସ ବହୁ ଚେଷ୍ଟାକରି ଦୁଇ ଭାଇଙ୍କୁ କାବୁ କରିଥିଲେ । ଏ ସମ୍ପର୍କରେ ତାଳବଣିଆ ଥାନାରେ ୧୬୮/୨୬ ରେ ମାମଲା ରୁଜୁ କରି ପୋଲିସ ଦୁଇ ଭାଇଙ୍କୁ ଗିରଫ କରିଥିଲା । ଦୁଇ ଅଭିଯୁକ୍ତ ଯୁବକ ହେଲେ ନବକଳେବର ରୋଡ ର ନୁଆସାହି ର ଦୁଇଭାଇ ବାବୁଲା ଭୋଇ(୪୩) ଓ କାବୁ ଭୋଇ (୩୪) କୁ ଗିରଫ କରି ବୁଧବାର ଅପରାହ୍ନରେ କୋର୍ଟଚାଲାଣ କରିଛି । ସେମାନଙ୍କ ଠାରୁ ୧ ଟି ଲୁହା ରଡ, ଗୋଟିଏ ହୋଣ୍ଡା ମୋଟର ସାଇକେଲ ଓ ୫୭୯ ନଗଦ ଟଙ୍କା ଜବତ କରାଯାଇଛି ।
