ପୁରୀ (ଓଡିଶା ତାଜାନ୍ୟୁଜ ) ନି. ପ୍ର :- ଶ୍ରୀମନ୍ଦିର କାର୍ଯ୍ୟାଳୟ ସଭାକକ୍ଷ ଠାରେ ଗତକାଲି ରଥ ମୁଖ୍ୟ ମହାରଣା,କମାର, ରୂପକାର,ଭୋଇ ସର୍ଦ୍ଦାର ଓ ଅଧିକାରୀଙ୍କ ସହିତ ରଥ ନିର୍ମାଣ ଅଗ୍ରଗତି ସମୀକ୍ଷା କରିଛନ୍ତି ମୁଖ୍ୟ ପ୍ରଶାସକ।ପରମ୍ପରା ଅନୁସାରେ ରଥ ନିର୍ମାଣ କାର୍ଯ୍ୟ ଚାଲୁ ରହିଥିବା ରଥ ନିର୍ମାଣ ସଂପୃକ୍ତ ସେବକ ଓ ଅଧିକାରୀ ମାନେ ମୁଖ୍ୟ ପ୍ରଶାସକଙ୍କୁ ଅବଗତ କରାଇଥିଲେ ।
ନିର୍ମାଣ କାର୍ଯ୍ୟର ଅଗ୍ରଗତି ଉପରେ ମୁଖ୍ୟ ପ୍ରଶାସକ ସନ୍ତୋଷ ପ୍ରକାଶ କରିବା ସହ ନିର୍ମାଣ ହୋଇ ସାରିଥିବା ରଥାଂଶ ଗୁଡ଼ିକ ପ୍ରବଳ ରୌଦ୍ର ତାପରୁ ସୁରକ୍ଷା ଦେବା ପାଇଁ ଆବଶ୍ୟକ ବ୍ୟବସ୍ଥା ଗ୍ରହଣ କରିବାକୁ ପରାମର୍ଶ ଦେଇଥିଲେ । ଯଥା ସମୟରେ ରଥ ଦଉଡ଼ି ଇତ୍ୟାଦି ଆବଶ୍ୟକ ଜିନିସତ୍ ସଂଗ୍ରହ ଉପରେ ମୁଖ୍ୟ ପ୍ରଶାସକ ଗୁରୁତ୍ୱ ଆରୋପ କରି ନିୟମିତ ବ୍ୟବଧାନରେ ରଥ ନିର୍ମାଣ କମିଟି ରଥଖଳା ପରିଦର୍ଶନ କରି ରଥ ନିର୍ମାଣ ତ୍ରୁଟିଶୂନ୍ୟ କରିବାକୁ ପରାମର୍ଶ ଦେଇଥିଲେ ମୁଖ୍ୟ ପ୍ରଶାସକ ।
