ପୁରୀ (ଓଡିଶା ତାଜା ନ୍ୟୁଜ ) ନି. ପ୍ର :- ପୁରୀ- କୋଣାର୍କ ରାସ୍ତାର ବାଲିଗୁଆଳି ଠାରେ ନିର୍ମାଣା ହୋଇଛି ସ୍ବାମୀ ନାରାୟଣ ମନ୍ଦିର । ପାଚେରୀ କୁ ଲାଗି ରହିଛି ବାଲୁଖଣ୍ଡ ଅଭୟାରଣ୍ୟ ଓ ଇକୋ ସେନସିଟିଭ ଜୋନ । ଏହା ସତ୍ତ୍ବେ କିପରି ନିର୍ମାଣ ହେଲା ମନ୍ଦିର ଓ ପାଚେରୀ । ସେ ସମ୍ପର୍କରେ ଏନଜିଟିରେ ସଞ୍ଜୀବ କୁମାର ମହାନ୍ତି ଓ ସନ୍ତୋଷ କୁମାର ମହାନ୍ତି ମାମଲା ରୁଜୁ କରିଥିଲେ । ଏ ସମ୍ପର୍କରେ ରାଜ୍ଯ ପରିବେଶ ପ୍ରଭାବ ମୂଲ୍ଯାୟନ (ସିୟା ) ଓଡ଼ିଶା ପକ୍ଷରୁ ଜାତୀୟ ଗ୍ରୀନ ଟ୍ରିବୁନାଲ୍ (ଏନଜିଟି), ପୂର୍ବାଞ୍ଚଳ ବେଞ୍ଚ, କୋଲକାତା ଠାରେ ଏକ ସତ୍ଯପାଠ ଦାଖଲ କରିଛନ୍ତି ।
ସ୍ୱାମୀ ନାରାୟଣ ଟ୍ରଷ୍ଟ ପରିବେଶ ମଞ୍ଜୁରି ନ ପାଇ ନିର୍ମାଣ କାର୍ଯ୍ୟ କରିଛି । ଆବେଦନକାରୀଙ୍କ ପକ୍ଷରୁ ହାଇକୋର୍ଟର ଆଇନଜୀବୀ ଶ୍ରୀଅଖଣ୍ଡ ମାମଲା ପରିଚାଳନା କରୁଛନ୍ତି । ସିୟାର କାଉଣ୍ଟର ଆପିଡେଭିଟ ରେ ପରିବେଶ ଆଇନ ଓ ନିୟମାବଳୀ ଉଲ୍ଲେଖ କରାଯାଇଛି । ଏହା ପରିବେଶ ପ୍ରଭାବ ମୂଲ୍ଯାୟନ ଇୟା ନିୟମାବଳୀର ଉଲ୍ଲଘଂନ କରୁଛି । ପରିବେଶ ସୁରକ୍ଷା ଆଇନକୁ ଅମାନ୍ଯ କରି କୌଣସି ପ୍ରକଳ୍ପ କାର୍ଯ୍ଯ କରିବା ଗଣତାନ୍ତ୍ରିକ ବ୍ଯବସ୍ଥାର ପରପନ୍ଥୀ ଓ ପରିବେଶ ସୁରକ୍ଷା ନୀତିକୁ କୁଠାରଘାତ କରୁଛି । ଆବେଦନକାରୀ ପରିବେଶ ଆଇନ ଉଲ୍ଲଂଘନକାରୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଆବେଦନ କରିଛନ୍ତି ।
