କଟକ (ଓଡିଶା ତାଜା ନ୍ୟୁଜ ) ନି. ପ୍ର :- ରାଜ୍ୟରେ ବହୁ ଚର୍ଚ୍ଚିତ ରାଜଧାନୀ ଉପକଣ୍ଠ ବାଲିଅନ୍ତା ଥାନା ଅନ୍ତର୍ଗତ ରାମଚନ୍ଦ୍ରପୁର ଗ୍ରାମ ନିକଟରେ ଜିଆରପି କନେଷ୍ଟବଳ ସୌମ୍ୟରଂଜନ ସ୍ବାଇଁଙ୍କୁ ପୋଲିସ୍ ଉପସ୍ଥିତିରେ ଯେଉଁ ଭଳି ଭାବେ ନୃଶଂସ ଭାବେ ପିଟି ପିଟି ହତ୍ୟା କରାଗଲା ତାହାକୁ ସବୁ ମହଲରେ ନିନ୍ଦା କରାଯାଇଛି ।
ସୌମ୍ୟରଞ୍ଜନ ସ୍ବାଇଁଙ୍କ ମୃତ ନିଜ ଗ୍ରାମ ଓଲଟପୁର ଥାନା ଅନ୍ତର୍ଗତ ମଉଜପୁର ଗ୍ରାମ ନିକଟରେ ପହଁଚିବା ପରେ,ଏହାର ନ୍ୟାୟ ଏଵଂ ଅପରାଧୀମାନଙ୍କୁ ତୁରନ୍ତ ଗିରଫ କରିବା ଦାବିରେ ଆଜି ମଉଜପୁର ଗ୍ରାମର ଶହ ଶହ ସଂଖ୍ୟାର ଲୋକମାନେ ଫୁଲନଖରା ନିଆଳି ୬୦ ନମ୍ୱର ରାଜ୍ୟ ରାଜପଥକୁ ଟାୟାର ଜାଳି ଦୀର୍ଘ ସମୟ ଧରି ବନ୍ଦ କରିଥିଲେ ।
କିନ୍ତୁ ସାଧାରଣ ଏବଂ ଜରୁରୀ କାଳୀନ ଗାଡ଼ିଗୁଡିକୁନ ନ ଅଟକାଇ ଛାଡି ଦେଇଥିଲେ। ମୃତ ଦେହକୁ ମଉଜପୁର ଛକ ନିକଟରେ ରଖି ନ୍ୟାୟ ଓ ନିରପେକ୍ଷ ଦାବୀରେ ଶହ ଶହ ଲୋକ ରାସ୍ତାକୁ ଓହ୍ଲାଇ ଥିବାବେଳେ ଯାତାୟତ୍ ସମ୍ପୂର୍ଣ୍ଣ ବନ୍ଦ ହୋଇଯାଇଥିଲା । ମୃତ ସୌମ୍ୟରଞ୍ଜନଙ୍କ ପରିବାର ଲୋକେ ଅଭିଯୋଗ କରିଛନ୍ତି ଯେ ପୁଲିସ ଉପସ୍ଥିତରେ କିଭଳି ଭାବେ ଶୌମ୍ୟଙ୍କୁ ଅତି ନୃଶଂସ ଭାବେ ଗୋଡ ହାତକୁ ବାନ୍ଧି ପିଟି ପିଟି ମାରି ଦିଆଗଲା ।
ଏହି ଘଟଣାରେ ଜଡିତଥିବା ଦୁଇ ଜଣ ଯୁବତୀଙ୍କୁ ତୁରନ୍ତ ଗିରଫ କରିବା ପାଇଁ ଦାବୀ କରିଥିଲେ । ସୌମ୍ୟରଂଜନ ତାଙ୍କ ପରିବାରର ଏକ ମାତ୍ର ରୋଜଗାରିଆ ପୁଅ ଥିଲା । ଏଣୁ ଅସହାୟ ପରିବାର ପିତାମାତାଙ୍କୁ କିଏ ଚଳାଇବ, ତେଣୁ ପରିବାର ଭରଣ ପୋଷଣ ପାଇଁ ୫ କୋଟି ଟଙ୍କା ସହାୟତା ଏବଂ ଏହି ଅପରାଧୀ କାର୍ଯ୍ୟରେ ଜଡ଼ିତ ଥିବା ଅଭିଯୁକ୍ତମାନଙ୍କୁ କଠରରୁ କଠୋରତମ୍ ଦଣ୍ଡ ଦେବାକୁ ଗ୍ରାମବାସୀ ଦାବୀ କରିଛନ୍ତି ।
ଏହି ଆନ୍ଦୋଳନରେ ପୂର୍ବତନ ବିଧାୟକ ପ୍ରଫେସର ଡାକ୍ତର ପ୍ରମୋଦ କୁମାର ମଲ୍ଲିକ, ସମାଜସେବୀ ଚଷାପୁଅ ତୃପ୍ତିରଞ୍ଜନ ବେହେରାଙ୍କ ସମେତ ବହୁ ରାଜନୈତିକ ବ୍ୟକ୍ତି ବିଶେଷ, ବୁଦ୍ଧିଜିବୀ ପ୍ରମୁଖ ଏହି ଆନ୍ଦୋଳନକୁ ସମର୍ଥନ କରିବା ସହ ସୌମ୍ୟଙ୍କ ପରିବାରକୁ ୫ କୋଟି ଟଙ୍କା ସହାୟତା ପ୍ରଦାନ ସହ ଏହି ନୃଶଂସ ହତ୍ୟା ଘଟଣାରେ ଜଡିତ ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବାକୁ ଦାବି କରିଥିଲେ ।
ସ୍ଥିତି ନିୟନ୍ତ୍ରଣ ପାଇଁ ଓଲଟପୁର ଥାନା ପୋଲିସ ସହ ବହୁ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା । ଦୀର୍ଘ ଘଣ୍ଟା ଧରି ଏହି ରାସ୍ତା ରୋକ କରାଯାଇଥିଲା । ଆଲୋଚନା ପରେ ରେଡକ୍ରସ ପାଣ୍ଠିରୁ ୩୦ ହଜାର ଟଙ୍କା ପ୍ରଦାନ କରିବା ପାଇଁ ପ୍ରତିଶ୍ରୁତି ମିଳିବା ସହ ବାଲିଅନ୍ତା ଥାନାରେ ଅଟକ ଥିବା ଶୌମ୍ୟଙ୍କ ସାଙ୍ଗ ଓମ୍ ପ୍ରକାଶଙ୍କୁ ତୁରନ୍ତ ଛାଡ଼ିବା ପାଇଁ ପୋଲିସ ସମ୍ମତ ପ୍ରକାଶ କରିବା ପରେ ଆନ୍ଦୋଳନ ଶାନ୍ତ ପଡିଥିଲା ।
ଏହି ରାସ୍ତା ରୋକ ସ୍ଥଳୀରେ କଟକ ଗ୍ରାମାଞ୍ଚଳ ଆଡିସନାଲ ଏସପି , ଏବଂ ଏସଡିପିଓ ବିଜୟ କୁମାର ମଲ୍ଲିକ, କଣ୍ଟାପଡ଼ା ଆଡିସିନାଲ ତହସିଲଦାର କ୍ରିଷ୍ଣା ପାଢ଼ୀ , କଣ୍ଟାପଡ଼ା ଆଇଆଇସିଙ୍କ ସମେତ ବହୁ ପ୍ରସାଶନିକ ଅଧିକାରୀ ଉପସ୍ଥିତ ରହିଥିଲେ । ଯଦି ଅପରାଧୀମାନଙ୍କୁ ତୁରନ୍ତ ଗିରଫ କରା ନ ଯାଏ ତେବେ ମୃତ ଗ୍ରାମବାସୀଙ୍କ ପକ୍ଷରୁ ପୁଣି ଆନ୍ଦୋଳନାତ୍ମକ ପନ୍ଥା ଗ୍ରହଣ କରାଯିବ ବୋଲି ସତର୍କ ତା କରାଇ ଦିଆଯାଇଛି ।
