ରଣପୁର ବ୍ଲକ (ଓଡିଶା ତାଜା ନ୍ୟୁଜ ) ନି. ପ୍ର :- ଚଳିତ ବର୍ଷର ମାଟ୍ରିକ୍ (AHSC) ପରୀକ୍ଷାର ଫଳ ଘୋଷଣା ପରେ ରଣପୁର ବ୍ଲକର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ଉଲ୍ଲେଖନୀୟ ସଫଳତା ଅର୍ଜନ କରିଛନ୍ତି । ଏହି ଫଳାଫଳରେ ବ୍ଲକର ୧୬ ଜଣ ଛାତ୍ରଛାତ୍ରୀ ଏ-୧ ଗ୍ରେଡ୍ ସହ ଉତ୍କୃଷ୍ଟ ମାର୍କ ହାସଲ କରି ରଣପୁରର ଗୌରବ ବଢ଼ାଇଛନ୍ତି ।
ଏହି ସଫଳତା ମଧ୍ୟରୁ ରଣପୁର ଏନଏସି ପାଇଁ ବିଶେଷ ଗୌରବ ଆଣିଛନ୍ତି ରଣପୁର ବିସି ହାଇସ୍କୁଲର ଛାତ୍ରୀ ସାଗରିକା ନାୟକ। ସେ ପରୀକ୍ଷାରେ ୫୪୨ ମାର୍କ ରଖି କୃତିତ୍ୱ ହାସଲ କରିଛନ୍ତି l ସାଗରିକା ରଣପୁର ଏନଏସିର ୭ ନମ୍ବର ୱାର୍ଡ କଦମ୍ବ ସାହିର ଅଭିମନ୍ୟୁ ନାୟକ ଓ ମମତା ନାୟକଙ୍କ ସୁପୁତ୍ରୀ ଅଟନ୍ତି ।
ନିଜ ସଫଳତାର ଶ୍ରେୟ ସାଗରିକା ବିଦ୍ୟାଳୟର ସମସ୍ତ ଶିକ୍ଷକ-ଶିକ୍ଷୟିତ୍ରୀଙ୍କ ପଠନଶୈଳୀ, ପିତାମାତାଙ୍କ ଆଶୀର୍ବାଦ ଏବଂ ନିଜର କଠିନ ପରିଶ୍ରମ ଓ ଦୃଢ଼ ମନୋବଳକୁ ଦେଇଛନ୍ତି । ଏହି ସଫଳତା ପାଇଁ ରଣପୁର ବ୍ଲକ ଶିକ୍ଷା ଅଧିକାରୀ ପିଣ୍ଟୁ କୁମାର ପ୍ରଧାନ,
ସହକାରୀ ବ୍ଲକ ଶିକ୍ଷା ଅଧିକାରିଣୀ ଲକ୍ଷ୍ମୀ ଦେଇ, ଶିକ୍ଷକମଣ୍ଡଳୀ, ଅଭିଭାବକ ଓ ଶିକ୍ଷା ବିଭାଗର କର୍ମଚାରୀମାନେ ସାଗରିକାଙ୍କୁ ଅଭିନନ୍ଦନ ଜଣାଇଛନ୍ତି । ସେହିଭଳି ଓମ୍ ପ୍ରକାଶ ଚୌଧୁରୀ ମଧ୍ୟ ୫୪୧ ମାର୍କ ରଖି ସମସ୍ତଙ୍କ ପାଇଁ ଗୌରବ ଆଣି ଦେଇଛନ୍ତି । ରଣପୁର ବ୍ଲକର ଏଭଳି ଉତ୍କୃଷ୍ଟ ଫଳାଫଳ ଅଞ୍ଚଳର ଶିକ୍ଷା କ୍ଷେତ୍ରରେ ଏକ ନୂତନ ମାଇଲଷ୍ଟୋନ୍ ଭାବେ ପରିଗଣିତ ହେଉଛି ।
