କଟକ (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- କଟକ ସଦର ଥାନା ଅନ୍ତର୍ଗତ ବ୍ରାହ୍ମଣଝରିଲୋ ଠାରେ ଥିବା ଏକ ଚୋରା ଗ୍ୟାସ ଗୋଦାମ ଘର ଉପରେ ପୋଲିସ ଆଜି ସକାଳୁ ଚଢାଉ କରିବା ସହିତ,ଶହରୁ ଉର୍ଦ୍ଧ୍ବ ଗ୍ୟାସ ସିଲିଣ୍ଡର ଜବତ କରି ୨ ଜଣଙ୍କୁ ଅଟକ ରଖି , ଗୋଦାମ ଘରକୁ ସିଲ୍ କରିଛି ସଦର ପୋଲିସ। ପ୍ରକାଶ ଯେ ଫୁଲନଖରା ନିଆଳି ୬୦ ନମ୍ବର ରାଜ୍ୟ ରାଜ୍ୟ ପଥର ବ୍ରାହ୍ମଣ ଝରିଲୋ ନିକଟ ପାର୍ଶ୍ୱରେ ଖୁଲମ୍ ଖୁଲା ଚାଲିଥିଲା ଚୋରା ଗ୍ୟାସ କାରବାର ।
ଆଜି ସକାଳୁ ଖବର ପାଇ ସଦର ପୋଲିସ ଚୋରା ଗ୍ୟାସ ଗୋଦାମ ଘର ଉପରେ ଚଢ଼ାଉ କରି ଘରୁ ସହେରୁ ଉର୍ଦ୍ଧ୍ ଗ୍ୟାସ ସିଲିଣ୍ଡର ଜବତ କରିଛି । ଏଠାରେ ଜାଲିଆତି କରି ଗ୍ୟାସ ଭର୍ତି ସିଲିଣ୍ଡର ରୁ ଫାଙ୍କା ସିଲିଣ୍ଡରକୁ ଟ୍ରାନ୍ସଫର କରାଯାଉଥିଲା ଗ୍ୟାସ । ଏହି ଚୋରା ଗ୍ୟାସ ସିଲିଣ୍ଡରରେ ବ୍ୟବହୃତ ମେସିନ, ଏବଂ ପାଇପକୁ ପୋଲିସ ଜବତ କରିବା ସହ ଗୋଦାମକୁ ସିଲ୍ କରିଚ୍ଛି । ଗତ ଦୁଇ ଦିନ ତଳେ ଏହି ସଦର ଥାନା ଅଞ୍ଚଳର ଗଙ୍ଗେଶ୍ୱର୍ ଅଞ୍ଚଳରୁ ସଦର ପୋଲିସ ଚଢାଉ କରି ୫୫୨ ଟି ଚୋରା ଗ୍ୟାସ ସିଲିଣ୍ଡର୍ ଜବତ କରିଥିବାବେଳେ ଆଉ ଏକ ଚୋରା ଗ୍ୟାସ ଗୋଦାମ ଠାବ ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି ।
ସରକାର ତଥା ପ୍ରଶାସନ ଯେତେ ସଜାଗ ରହିଲେ ମଧ୍ୟ ମୁନାଫା ଖୋର୍ ବ୍ୟବସାୟୀ ମାନେ ବିଭିନ୍ନ ଉଦ୍ୟମରେ ଚୋରା ବ୍ୟବସାୟ ଜାରି ରଖି ଛନ୍ତି। ଯାହାକୁ ନେଇ ସାଧାରଣରେ ଅସନ୍ତୋଷ ଦେଖା ଦେବା ସହ ଅଭିଯୁକ୍ତ ଚୋରା ବ୍ୟବସାୟୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟନୁଷ୍ଠାନ ପାଇଁ ଦାବି ହେଉଛି । ଏହି ସଦର ଥାନା ଅଞ୍ଚଳରେ ବ୍ୟାପକ ଚୋରା ଗ୍ୟାସ ସିଲିଣ୍ଡର କାରବାର ଚାଲିଥିବାରୁ ଘରୋଇ ଏଵଂ ବ୍ୟବସାୟୀ ସିଲିଣ୍ଡର ଗୁଡିକର କୂତ୍ରିମ ଅଭାବ ଦେଖା ଦେଇଛି , ଲୋକମାନେ ଗ୍ୟାସ ସିଲିଣ୍ଡର ନ ପାଇ ନାହିଁ ନ ଥିବାର ଦୁଃଖ ଭୋଗୁଛନ୍ତି ।
ଏହି ଚୋରା ବ୍ୟବସାୟୀମାନେ ଉକ୍ତ ଚୋରା ଗୋଦାମରୁ ବିଳମ୍ୱିତ ରାତିରେ ଗାଡି ଦ୍ବାରା ବିଭିନ୍ନ ଅଞ୍ଚଳକୁ ସିଲିଣ୍ଡର ପଠାଉଥିଲେ, ଏବଂ ଅଧିକ ଲାଭବାନ ହେଉଥିଲେ ବୋଲି ସ୍ଥାନୀୟରେ କୁହାଯାଇଛି , । ଆଜି କଟକ ପୋଲିସ ଏସିପି (ଜୋନ ୪) ଅମିତାଭ ମହାପାତ୍ର ଏଵଂ ବାରଙ୍ଗର ଯୋଗାଣ ଅଧିକାରିଣୀ ଜୟନ୍ତୀ ହରିଚନ୍ଦନ ଘଟଣା ସ୍ଥଳରେ ପହଞ୍ଚି, ବନ୍ଦଥିବା ଘରକୁ ଖୋଲାଯାଇ ସିଲିଣ୍ଡରକୁ ଗଣତି କରିଥିଲେ। ଅଟକ ରଖାଯାଇଥିବା ଦୁଇ ଅଭିଯୁକ୍ତଙ୍କୁ ଘଟଣା ସ୍ଥଳକୁ ଅଣାଯାଇ ଡେମୋ କରାଯାଇ ତଦନ୍ତ ଚାଲିଛି।
ପୋଲିସ୍ ଉକ୍ତ ଘରୁ ଜବତ ହୋଇଥିବା ତିନିଟି ଗାଡ଼ି ସହ ଶହେରୁ ଉର୍ଦ୍ଧ୍ବ ଗ୍ୟାସ ସିଲିଣ୍ଡର ଜବତ କରିଛି । ଜବତ ହୋଇଥିବା ଚୋରା ସିଲିଣ୍ଡରକୁ ଗାଡିରେ ଲୋଡ୍ କରାଯାଇ ସରକାରୀ ଗୋଦାମକୁ ପଠାଯାଇଛି । ଆଉ ମଧ୍ୟ ଉକ୍କ୍ତ ଘରକୁ ସିଲ୍ କରାଯାଇଛି । କଟକ ସଦର ଅଞ୍ଚଳରେ ଚାଲିଥିବା ଚୋରା ଗ୍ୟାସ ସିଲିଣ୍ଡର ବିକ୍ରିକୁ ବନ୍ଦ କରି ସମ୍ପୃକ୍ତ ଚୋରା ଚାଲାଣ କାରି ବ୍ୟବସାୟୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଭିନ୍ନ ମହଲରେ ଦାବୀ କରାଯାଇଅଛି ।
