ଭୁବନେଶ୍ୱର (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- ନ୍ୟାଶନାଲ ଷ୍ଟକ ଏକ୍ସଚେଞ୍ଜ ଅଫ୍ ଇଣ୍ଡିଆ (ଏନଏସଇ) ପକ୍ଷରୁ ଏକ ପ୍ରମୁଖ ଟେକ୍ନୋଲୋଜି ଅପ୍ଗ୍ରେଡର ଘୋଷଣା କରାଯାଇଛି । ଯାହାକି ଏନଏସଇକୁ ତତ୍କାଳ ପ୍ରଭାବରେ କରେନ୍ସି ଡେରିଭେଟିଭ, କମୋଡିଟି ଡେରିଭେଟିଭ, କ୍ୟାଶ ମାର୍କେଟ ଓ ଇକ୍ୱିଟି ଡେରିଭେଟିଭ ସେଗମେଂଟରେ ନାନୋସେକେଣ୍ଡ ସ୍ପିଡ୍ରେ ଟ୍ରେଡିଙ୍ଗ ଅର୍ଡରଗୁଡିକୁ ସ୍ୱୀକୃତି ଦେବା ପାଇଁ ସକ୍ଷମ କରିଛି ।
ଏହା ପୂର୍ବ ପ୍ରଣାଳୀରେ ନେଉଥିବା ପ୍ରାୟ ୧୦୦ ମାଇକ୍ରୋସେକେଣ୍ଡର ପ୍ରତିକ୍ରିୟା ସମୟରେ ଏକ ବଡ ସୁଧାର ଆଣିଛି, ଯାହା କାରବାର ପ୍ରକ୍ରିୟାକୁ ଅଧିକ ଦ୍ରୁତ, ସୁଗମ ଓ ଦକ୍ଷ କରିଛି । ଏହି ଅପ୍ଗ୍ରେଡେଡ ସିଷ୍ଟମ ସହିତ ଏନଏସଇରେ ପ୍ଲେସ କରାଯାଉଥିବା ପ୍ରତ୍ୟେକ ଅର୍ଡରକୁ ଏବେ ତତ୍କାଳ ସ୍ୱୀକୃତି ଦିଆଯାଉଛି, ଏହା ଟ୍ରେଡରମାନଙ୍କୁ ତତ୍କାଳ ନିଶ୍ଚିତତା ଦେଉଛି ଯେ, ସେମାନଙ୍କର ଅର୍ଡରକୁ ଏକ୍ସଚେଞ୍ଜ ଗ୍ରହଣ କରିଛି ।
ଅର୍ଡର କାର୍ଯ୍ୟକାରୀ ହେବାର ସାଧାରଣ ପ୍ରକ୍ରିୟା, ଗ୍ରହଣ କିମ୍ବା ପ୍ରତ୍ୟାଖ୍ୟାନ ପୂର୍ବ ଭଳି ଜାରି ରହିଥିବା ବେଳେ ତତ୍କାଳ ସ୍ୱୀକୃତି ଅର୍ଡରକୁ ନେଇ ରହିଥିବା ଅନିଶ୍ଚିତତା ଦୂର କରିଛି । ଏହି ପଦକ୍ଷେପ ବଜାର ଅଂଶଗ୍ରହଣକାରୀଙ୍କ ମଧ୍ୟରେ ସ୍ୱଚ୍ଛତା ବୃଦ୍ଧି କରିବା ସହ ଆତ୍ମବିଶ୍ୱାସକୁ ସୁଦୃଢ କରିଛି । ଟ୍ରେଡର ଓ ନିବେଶକମାନେ ଏବେ ବାସ୍ତବ ସମୟରେ ନିଜ ଅର୍ଡର ଟ୍ରାକ କରିପାରିବେ, ଏହା ସେମାନଙ୍କୁ ବିଶେଷ କରି ଦ୍ରୁତ ଗତିଶୀଳ ବଜାର ସ୍ଥିତିରେ ଶୀଘ୍ର ଓ ଅଧିକ ସୂଚିତ ନିଷ୍ପତି ନେବା ପାଇଁ ସକ୍ଷମ କରିବ ।
ଏହି ଫିଚରକୁ ଏକ ସୁଗମ ଟ୍ରାଞ୍ଜିସନ ନିଶ୍ଚିତ କରିବା ପାଇଁ ଗତ ଦୁଇ ବର୍ଷରେ ପର୍ଯ୍ୟାୟକ୍ରମେ କାର୍ଯ୍ୟକାରୀ କରାଯାଇଛି । ଏହାକୁ ପ୍ରଥମେ ଜୁଲାଇ ୨୦୨୫ରେ କରେନ୍ସି ଡେରିଭେଟିଭ୍ସରେ ଆରମ୍ଭ କରାଯାଇଥିବା ବେଳେ ପରେ ଡିସେମ୍ବର ୨୦୨୫ରେ କମୋଡିଟି ଡେରିଭେଟିଭ୍ସରେ କାର୍ଯ୍ୟକାରୀ କରାଯାଇଥିଲା ଏବଂ ବର୍ତମାନ ଏହା କ୍ୟାଶ ମାର୍କେଟ ଓ ଇକ୍ୱିଟି ଡେରିଭେଟିଭ୍ସ ସେଗମେଂଟରେ ସମ୍ପୂର୍ଣ୍ଣ ପରିଚାଳନାକ୍ଷମ ରହିଛି ।
ଏହି ଅପ୍ଗ୍ରେଡ ବିଶ୍ୱସ୍ତରରେ ଏନଏସଇକୁ ବୈଷୟିକ ରୂପେ ସୁବଠାରୁ ଅତ୍ୟାଧୁନିକ ଏକ୍ସଚେଞ୍ଜ ଭାବେ ସ୍ଥାନିତ କରିଛି କାରଣ ଖୁବ୍ କମ ଏକ୍ସଚେଞ୍ଜ ନାନୋସେକେଣ୍ଡ ସ୍ପିଡରେ ଅର୍ଡର ସ୍ୱୀକୃତି ଦେଉଛନ୍ତି । ଏହି ପଦକ୍ଷେପ ଆଡ୍ଭାନ୍ସଡ ଟେକ୍ନୋଲୋଜିରେ ନିବେଶ କରିବା ଓ ଆନ୍ତର୍ଜାତୀୟ ମାନଦଣ୍ଡ ସହ ସମନ୍ୱୟରେ ନିଜ ଟ୍ରେଡିଂ ଭିତିଭୂମିକୁ ସୁଦୃଢ କରିବା ଉପରେ ଏନଏସଇର ନିରନ୍ତର ମହତ୍ୱକୁ ପ୍ରତିଫଳନ କରୁଛି ।
