ରଣପୁର (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- ନୟାଗଡ଼ ଜିଲ୍ଲା ରଣପୁର ଥାନା ରାଜସୁନାଖଳା ଫାଣ୍ଡି ଅଧୀନ ସିନ୍ଦୂରିଆ ଗ୍ରାମରେ ଗତ ଜାନୁଆରୀ୨୬ ତାରିଖ ସନ୍ଧ୍ୟାରେ ବରପାଲ୍ଲୀ ଗ୍ରାମର ବିକାଶ ପ୍ରଧାନ(୨୨)ଙ୍କୁ ହତ୍ୟା କରାଯାଇଥିଲା। ଏହି ହତ୍ୟାକାଣ୍ଡର ରହସ୍ୟ ପୁଲିସ ଉନ୍ମୋଚନ କରିବା ସହ ସଂପୃକ୍ତ ୬ ଜଣ ଅଭିଯୁକ୍ତଙ୍କ ଗିରଫ କରି ଅଦାଲତ ଚାଲାଣକରିଥିବା ଜିଲା ଆରକ୍ଷୀ ଅଧୀକ୍ଷୀ କl ଏସ. ସୁଶ୍ରୀ ସୋମବାର ଅପରାହ୍ନ ୫ଟା ସମୟରେ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ମୃତକଙ୍କ ବଡ଼ଭାଇ ମାନସ ପ୍ରଧାନ(୨୫) ଏହି ହତ୍ୟାକାଣ୍ଡ ସମ୍ପର୍କରେ ଜାନୁଆରୀ ମାସ ୩୧ ତାରିଖରେ ରଣପୁର ଥାନାରେ ଅଭିଯୋଗ କରିଥିଲେ। ପୁଲିସ ଘଟଣାର ଅନୁସନ୍ଧାନ କରି ରଣପୁର ଥାନା ସିନ୍ଦୂରିଆ ଗ୍ରାମର ବ୍ରଜବନ୍ଧୁ ପ୍ରଧାନ(୫୫), ମାନସ ପ୍ରଧାନ(୨୩),ସୁଶାନ୍ତକୁମାର ପ୍ରଧାନ(୨୫) ମନୋଜକୁମାର ପ୍ରଧାନ(୨୦)ସଦାନନ୍ଦ ପ୍ରଧାନ(୨୧) ଓ ନରୋତ୍ତମପ୍ରଧାନ (୪୫)ଙ୍କୁ ଗିରଫ କରି ଅଦାଲତ ଚାଲାଣ କରିଛି । ପ୍ରକାଶ ଯେ ମୃତ ବିକାଶଙ୍କ ସିନ୍ଦୂରିଆଗ୍ରାମର ବ୍ରଜବନ୍ଧୁ ପ୍ରଧାନଙ୍କ ଭାଣିଜୀସହିତ ଦୁଇବର୍ଷ ପୂର୍ବେ ପ୍ରେମ ସମ୍ପର୍କ ଗଢ଼ି ଉଠିଥିଲା।
ସେମାନେ ପ୍ରାୟତଃ ସିନ୍ଦୂରିଆ ଗ୍ରାମ ଏବଂ ନିକଟବର୍ତ୍ତୀଅଞ୍ଚଳରେ ପରସ୍ପରକୁ ଭେଟୁଥିଲେ। ତା ୨୬.୦୧.୨୦୨୬ରିଖ ଦିନ ମୃତ ବିକାଶ ପ୍ରଧାନ ଲଡୁ କିଶୋର ପ୍ରଧାନଙ୍କ କୋଦାଳପଲ୍ଲୀ ଗ୍ରାମରେ ଏକ ବିବାହ ଉତ୍ସବରେ ଯୋଗଦେବାକୁ ଆସିଥିଲା । ସେ ଏକ ସ୍କୁଟିରେ କୁଶପଲ୍ଲାର ଜଣେ ନାବାଳକ ପୁଅ ସହିତ ପ୍ରେମିକାକୁ ଦେଖା କରିବା ପାଇଁ ସିନ୍ଦୁରିଆ ଗ୍ରାମ ନିକଟକୁ ଯାଇଥିଲେ । ବିକାଶ ଏକ ପୋଲ ପାଖରେ ନାବାଳକ ପୁଅକୁ ଅପେକ୍ଷା କରିବାକୁ କହି ସେ ଧାନ କ୍ଷେତ ଦେଇ ପ୍ରେମିକାକୁ ଭେଟିବାକୁ ଯାଇଥିଲା।
ଭେଟିବା ସରିବା ପରେ ମୃତ ବିକାଶ ସେହି ସ୍ଥାନରୁ ଫେରୁବା ବେଳେକୁ ବ୍ରଜବନ୍ଧୁ ପ୍ରଧାନ (ଅଭିଯୁକ୍ତ ବ୍ରଜ ପ୍ରଧାନର ଭାଣିଜୀର ବଡ଼ ବାପା)ଙ୍କ ନଜରକୁ ଆସି ଥିଲା । ଯିଏକି ସେମାନଙ୍କ ସମ୍ପର୍କକୁ ବିରୋଧ କରୁଥିଲା । ବ୍ରଜବନ୍ଧୁ ପ୍ରଧାନ, ସଦାନନ୍ଦ ପ୍ରଧାନ (ସଦେଇ)ଏବଂନରୋତ୍ତମ ପ୍ରଧାନ (ନାରିଆ )ଙ୍କ ସାହାଯ୍ୟରେ ବିକାଶକୁ ଅଟକାଇଥିଲା । ଏପରିକି ଅଭିଯୁକ୍ତ ବ୍ରଜ ଏବଂ ନରୋତ୍ତମଙ୍କ ଦ୍ୱାରା ଝଗଡ଼ା, ଧମକ ଏବଂ ଚାପୁଡ଼ା ମାରା ଯାଇଥିଲା । ଏହାକୁ ଦେଖି ନାବାଳକଟି ନିଜ ଜୀବନ ବଞ୍ଚାଇ ସ୍କୁଟି ନେଇ ସେହି ସ୍ଥାନରୁ ପଳାଇ ଆସିଥିଲା ।
ସେହି ସମୟରେ, ସୁଶୁନ୍ତ ପ୍ରଧାନ (ଗାଜି), ମାନସ ପ୍ରଧାନ ଏବଂ ମନୋଜ ପ୍ରଧାନ ଏକ ବାଇକରେ ଘଟଣାସ୍ଥଳରେ ପହଞ୍ଚି ଥିଲେ। ବ୍ରଜବନ୍ଧୁ ଓ ନରୋତ୍ତମଙ୍କ ନିର୍ଦ୍ଦେଶ ଅନୁସାରେ, ସଦେଇ, ଚୁଇନ୍ ଏବଂ ମାନ ମୃତ ବିକାଶ ପ୍ରଧାନଙ୍କ ହାତକୁ ଗାମୁଛାରେ ବାନ୍ଧି ରାସ୍ତା ପାର୍ଶ୍ୱ ଜଙ୍ଗଲକୁ ଟାଣି ନେଇଥିଲା। ସେଠାରୁ ବ୍ରଜ, ନାରିଆଙ୍କ ଓ ଗାଜି ବିବାହ ପାର୍ଟିକୁ ଯାଇଥିଲେ ଏବଂ ଅଧ ଘଣ୍ଟା ମଧ୍ୟରେ ଘଟଣାସ୍ଥଳକୁ ଫେରି ଆସିଥିଲେ। ପରେ ଗାଜି ଘଟଣାସ୍ଥଳ ନିକଟରୁ ଏକ ବାଉଁଶ ଲାଠି ସଂଗ୍ରହ କରି ବିକାଶଙ୍କ ପଛ ପାର୍ଶ୍ୱ ମୁଣ୍ଡକୁ ଶକ୍ତ ଆଘାତ କରିଥିଲା ।
ଯାହା ଫଳରେ ବିକାଶ ଘଟଣାସ୍ଥଳରେ ତଳେ ପଡ଼ିଯାଇଥିଲା। ବ୍ରଜ ଗାଜିଙ୍କ ଠାରୁ ବାଉଁଶ ଲାଠି ନେଇ ସେହି ଲାଠିରେ ବିକାଶକୁ ମଧ୍ୟ ଆକ୍ରମଣ କରିଥିଲା । ତେବେ ବିକାଶ ଚେତାଶୂନ୍ୟ ହୋଇଯାଇଥିଲା । ଅଭିଯୁକ୍ତ ଗାଜି, ନାରିଆ, ବ୍ରଜ, ମାନ ବିକାଶଙ୍କ ଶରୀରକୁ ତାଙ୍କ ହାତ ଏବଂ ଗୋଡ଼କୁ ଧରି ଉଠାଇ ନେଇଥିଲେ । ମୃତକଙ୍କ ପଛ ପାର୍ଶ୍ୱ ପକେଟରେ ମୋବାଇଲ୍ ଫୋନ୍ ରଖି ବିକାଶଙ୍କ ମୃତଦେହକୁ କାନିଆ ନାଳାରେ ଫିଙ୍ଗି ଦେଇଥିଲେ । ସମସ୍ତ ଅଭିଯୁକ୍ତମାନେ ସେଠାରୁ ନିଜ ନିଜ ଘରକୁ ଚାଲିଯାଇଥିଲେ। ନାବାଳକଟି କିଛି ଦିନ ଧରି ଅଭିଯୁକ୍ତମାନଙ୍କ ଭୟରେ କାହାରିକୁ କିଛି ଜଣାଇ ନଥିଲା ।
କିନ୍ତୁ ତଦନ୍ତ ସମୟରେ ପୋଲିସ ସମ୍ମୁଖରେ ସମ୍ପୂର୍ଣ ଘଟଣା ବର୍ଣ୍ଣନା କରିଥିଲା । ସେଠାରେ ଅଭିଯୁକ୍ତମାନଙ୍କୁ ପଚରାଉଚରା କରିବା ପରେ ସେମାନେ ହତ୍ୟା କରି ନାଳରେ ଫିଙ୍ଗି ଦେଇଥିବା ସ୍ୱୀକାର କରିଥିଲେ । ରଣପୁର ଥାନା ଅଧିକାରୀ ଆଶିଷ ଦେବ ସାହୁ ଘଟଣାର ଅନୁସନ୍ଧାନ କରି ଦୁଇମାସ ଭିତରେ ଏହି ହତ୍ୟା ଘଟଣାର ରହସ୍ୟ ଉନ୍ମୋଚନ ସହିତ ଅପରାଧ କରା ଯାଇଥିବା ଅସ୍ତ୍ର ଏବଂ ଚପଲ ଉଦ୍ଧାର କରିଥିଲେ ! ଆଜିର ଏହି ସାମ୍ବାଦିକ ସମ୍ମିଳନୀରେ ଅତିରିକ୍ତ ଏସ.ପି ସୁବାସ ପଣ୍ଡା, ଡିଏସପି ନିହାର ରଞ୍ଜନ ମହାନ୍ତି, ରଣପୁର ଥାନାଧିକାରୀ ଆଶିଷଦେବ ସାହୁ ପ୍ରମୁଖ ଉପସ୍ଥିତଥିଲେ !
