ଭୁବନେଶ୍ୱର (ଓଡ଼ିଶା ତାଜା ନ୍ୟୂଜ୍) (ନିପ୍ର) :- ମୃଦୁଗୁଞ୍ଜନଙ୍କ ଆୟୋଜନରେ ଷଷ୍ଠ ସପ୍ତରଙ୍ଗ ସମ୍ମାନ ୨୦୨୬ ରବୀନ୍ଦ୍ର ମଣ୍ଡପ, ଭୁବନେଶ୍ୱରରେ ଆୟୋଜିତ ହୋଇଥିଲା । ସକାଳ ୧୦:୩୦ରୁ ଆରମ୍ଭ ହୋଇଥିବା ଏହି ସାରାଦିନିଆ ସାଂସ୍କୃତିକ କାର୍ଯ୍ୟକ୍ରମ ସନ୍ଧ୍ୟା ୬:୩୦ରୁ ଆରମ୍ଭ ହୋଇଥିବା ଭବ୍ୟ ସନ୍ଧ୍ୟା ସଭା ସହିତ ସମାପ୍ତ ହୋଇଥିଲା, ଯେଉଁଥିରେ ଓଡ଼ିଶାର ଶାସ୍ତ୍ରୀୟ ଓ ଲୋକସଂସ୍କୃତିର ସମୃଦ୍ଧ ପାରମ୍ପର୍ୟ ପ୍ରଦର୍ଶିତ ହୋଇଥିଲା ।
ଏହି ପ୍ରତିଷ୍ଠିତ ସପ୍ତରଙ୍ଗ ସମ୍ମାନ ବିଭିନ୍ନ କଳା ଓ ସାଂସ୍କୃତିକ କ୍ଷେତ୍ରରେ ତାଙ୍କର ଉତ୍କୃଷ୍ଟ ଅବଦାନ ପାଇଁ ପ୍ରଖ୍ୟାତ ବ୍ୟକ୍ତିତ୍ୱମାନଙ୍କୁ ପ୍ରଦାନ କରାଯାଇଥିଲା। ସମ୍ମାନ ପ୍ରାପ୍ତ ବ୍ୟକ୍ତିମାନେ ହେଲେ – ଗୁରୁ ଶ୍ରୀ ପ୍ରଦୀପ କୁମାର ବିଶ୍ୱାଳ (ଥିଏଟର), ଗୁରୁ ସଚିଦାନନ୍ଦ ଦାସ (ମର୍ଦ୍ଦଳ), ଗୁରୁ ସୁକାନ୍ତ କୁମାର କୁଣ୍ଡୁ (ଓଡ଼ିଶୀ କଣ୍ଠ ସଂଗୀତ), ଗୁରୁ ସଦାଶିବ ପ୍ରଧାନ (ଛଉ ନୃତ୍ୟ), ଏବଂ ଗୁରୁ ଶ୍ରୀମତୀ ବାଣୀ ମାଧବ (ଓଡ଼ିଶୀ ନୃତ୍ୟ) ।
ଏହି କାର୍ଯ୍ୟକ୍ରମକୁ ଗରିମାମୟ କରିଥିଲେ ଓଡିଶା ସଙ୍ଗୀତ ନାଟକ ଏକାଡେମୀର ସଚିବ ଡ଼ା. ଚନ୍ଦ୍ରଶେଖର ହୋତା, ପ୍ରସିଦ୍ଧ ଓଡିଶୀ ନୃତ୍ୟ ଗୁରୁ ଡ଼ା. ସ୍ନେହପ୍ରଭା ସାମନ୍ତରାୟ, ଖ୍ୟାତନାମା ମର୍ଦ୍ଦଳ ଶିଳ୍ପୀ ଗୁରୁ ଧନେଶ୍ୱର ସ୍ୱାଇଁ, ଓଡିଶୀ ଗୁରୁ ଓ ଉତ୍କଳ ସଙ୍ଗୀତ ମହାବିଦ୍ୟାଳୟର ପ୍ରଧାନାଚାର୍ଯ୍ୟ ଗୁରୁ ନିରଞ୍ଜନ ରାଉତ, ଗୁରୁ ଡ଼ା. ବିଜୟ ଜେନା ଏବଂ ମୃଦୁଗୁଞ୍ଜନର ଅଧ୍ୟକ୍ଷା ଡ଼ା. ନମିତା କୁମାରୀ ସାରଙ୍ଗୀ।
ସମସ୍ତ ଅତିଥିମାନେ ମୃଦୁଗୁଞ୍ଜନର ସାଂସ୍କୃତିକ ପ୍ରଚେଷ୍ଟାକୁ ପ୍ରସଂସା କରିଥିଲେ। ଡ଼ା. ଚନ୍ଦ୍ରଶେଖର ହୋତା କହିଥିଲେ, “ମୃଦୁଗୁଞ୍ଜନ ନିରନ୍ତର ଭାବେ ପ୍ରତିଭାକୁ ପ୍ରୋତ୍ସାହନ ଦେଇ ସାର୍ଥକ ସାଂସ୍କୃତିକ ମଞ୍ଚ ସୃଷ୍ଟି କରୁଛି ।”ଡ଼ା. ସ୍ନେହପ୍ରଭା ସାମନ୍ତରାୟ କହିଥିଲେ, “ଶିଳ୍ପୀ ଓ ଆୟୋଜକମାନଙ୍କର ନିଷ୍ଠା ଓଡିଶାର କଳାତ୍ମକ ପରମ୍ପରାର ସତ୍ୟ ସ୍ୱରୂପକୁ ପ୍ରକାଶ କରେ।”
ଗୁରୁ ଧନେଶ୍ୱର ସ୍ୱାଇଁ ମତ ପ୍ରକାଶ କରିଥିଲେ, “ଏପରି ପ୍ରୟାସ ଯୁବ ଶିଳ୍ପୀମାନଙ୍କୁ ପ୍ରେରିତ କରି ଆମ ପରମ୍ପରାକୁ ଅବିଚ୍ଛିନ୍ନ ରଖେ ” ଗୁରୁ ନିରଞ୍ଜନ ରାଉତ କହିଥିଲେ, “ସଙ୍ଗୀତ ଓ ନୃତ୍ୟ ଓଡିଶାର ସଂସ୍କୃତିକ ଚିହ୍ନ, ଏପରି ମଞ୍ଚ ଏହାକୁ ଆଗକୁ ଯିବାରେ ସାହାର୍ଯ୍ୟ କରୁଛି।” ଗୁରୁ ଡ଼ା. ବିଜୟ ଜେନା କହିଥିଲେ, “ଯୁବ ଓ ଉଦୟମାନ ଶିଳ୍ପୀମାନଙ୍କୁ ଅବସର ଦେବା ଶାସ୍ତ୍ରୀୟ କଳାର ଉନ୍ନତି ପାଇଁ ଆବଶ୍ୟକ ସପ୍ତରଙ୍ଗ ବାସ୍ତବରେ ଖୁବ୍ ପ୍ରଶଂସନୀୟ ।”
ଡ଼ା. ନମିତା କୁମାରୀ ସାରଙ୍ଗୀ କହିଥିଲେ, “ସପ୍ତରଙ୍ଗ ସମ୍ମାନ ବିଭିନ୍ନ କଳାରେ ଶ୍ରେଷ୍ଠତାକୁ ସମ୍ମାନ ଦେବାରେ ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟରେ ପରିଣତ ହୋଇଛି।” ସନ୍ଧ୍ୟାର ସାଂସ୍କୃତିକ କାର୍ଯ୍ୟକ୍ରମରେ ବାଣୀ ମାଧବଙ୍କର ଓଡିଶୀ ନୃତ୍ୟ ପରିବେଷଣରେ ‘ଋତୁ ନାୟିକା’ ଗ୍ରୀଷ୍ମ ଓ ବର୍ଷାର ଭାବକୁ ସୁନ୍ଦର ଭାବେ ପ୍ରକାଶ କରିଥିଲା। ସସ୍ମିତା ବେହେରା ଓ ମୋନାଲିସା ଦାସଙ୍କର ଯୁଗଳ ଓଡିଶୀ ନୃତ୍ୟ ‘ଜଗତ ଜନନୀ ଦେବୀ’ ଦର୍ଶକମାନଙ୍କୁ ମନୋମୁଗ୍ଧ କରିଥିଲା।
ମୃଦୁଗୁଞ୍ଜନଙ୍କର ଗୋଷ୍ଠୀ ନୃତ୍ୟ ‘ଶିବ ଓମ୍’ ଓ ଉତ୍କଳ ସଙ୍ଗୀତ ମହାବିଦ୍ୟାଳୟର ‘ଶକ୍ତି’ ପ ମଧ୍ୟ ବିଶେଷ ଆକର୍ଷଣ ଥିଲା । ସେହିପରି ମୃଦୁଗୁଞ୍ଜନର ସମ୍ବଲପୁରୀ ଦଳ ତାଙ୍କର ଲୋକନୃତ୍ୟ ଦ୍ୱାରା ମଞ୍ଚକୁ ରଙ୍ଗୀନ କରିଥିଲେ।ଏହି ଅବସରରେ ସଂପାଦିକା ରାଜଶ୍ରୀ ମହାପାତ୍ର କହିଥିଲେ ଯେ, ଏହି ଉତ୍ସବର ଲକ୍ଷ୍ୟ ଉଦୟମାନ ଶିଳ୍ପୀମାନଙ୍କୁ ମଞ୍ଚ ପ୍ରଦାନ କରିବା ସହ ଯେମାନେ କଳାକ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିଛନ୍ତି ସେମାନଙ୍କୁ ସମ୍ମାନିତ କରିବା।
ଏହି ପ୍ରୟାସ ଶାନ୍ତି, ସମନ୍ୱୟ ଓ ସାଂସ୍କୃତିକ ସମୃଦ୍ଧିକୁ ପ୍ରୋତ୍ସାହନ ଦେଇଆସୁଛି। ଏହି କାର୍ଯ୍ୟକ୍ରମକୁ ଡ଼ା. ନମିତା କୁମାରୀ ସାରଙ୍ଗୀ, ଅଧ୍ୟକ୍ଷତା କରିଥିଲେ, ଗୁରୁ ରାଜେଶ୍ରୀ ମହାପାତ୍ର, ଏହାକୁ ସଫଳତାର ସହ ଅନୁଷ୍ଠାନ କରିଥିଲେ। ମିଡିଆ ଓ ବ୍ରାଣ୍ଡ ଭିଜିବିଲିଟି କିରଣ କାବ୍ୟ ଦ୍ୱାରା ପରିଚାଳିତ ହୋଇଥିଲା। କାର୍ଯ୍ୟକ୍ରମଟିକୁ ବିଶ୍ୱଜିତ ବାଲିଆରସିଂହ ସୁନ୍ଦର ଭାବରେ ସଂଚାଳନ କରିଥିଲେ। ଏହି ଅବସରରେ କଳାପ୍ରେମୀ, ସାଂସ୍କୃତିକ ରସିକ ଓ ମିଡିଆ ପ୍ରତିନିଧିମାନଙ୍କର ଉତ୍ସାହଭରା ସ୍ୱାଗତ ଦେଖାଯାଇଥିଲା, ଯାହା ସପ୍ତରଙ୍ଗର ଯାତ୍ରାରେ ଆଉ ଗୋଟିଏ ସଫଳ ଅଧ୍ୟାୟ ସୃଷ୍ଟି କରିଥିଲା ।
