ବେଲପଡ଼ା (ଓଡ଼ିଶା ତାଜା ନ୍ୟୂଜ୍) (ନିପ୍ର) :- “ସର୍ବଶିକ୍ଷା ଅଭିଯାନ ଅନ୍ତର୍ଗତ ” ସଭିଏଁ ପଢନ୍ତୁ ସଭିଏଁ ବଢନ୍ତୁ ” ଯୋଜନା ରେ ଆଜି ବେଲପଡ଼ା ବ୍ଲକ୍ ଅନ୍ତର୍ଗତ ବିଛୁବାହାଲି ଉଚ୍ଚ ପ୍ରାଥମିକ ବିଦ୍ୟାଳୟ ରେ ନୂତନ ଶିକ୍ଷା ବର୍ଷ ପ୍ରାରମ୍ଭ ରେ , ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଭୋଳେଶ୍ବର ତାଣ୍ଡି ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ୧୨୧ ଜଣ ଛାତ୍ର ଛାତ୍ରୀ ଙ୍କୁ ନୂତନ ପୁସ୍ତକ ବଣ୍ଟନ କରାଯାଇଅଛି l
ଏହି ବଣ୍ଟନ କାର୍ଯକ୍ରମରେ ଅନ୍ୟମାନଙ୍କ ମଧ୍ୟରେ ସହକାରୀ ଶିକ୍ଷକ ପାହାନ୍ତ କୁମ୍ଭାର, ଶିକ୍ଷୟତ୍ରୀ ଗୋଦାବରୀ ମାଝୀ, ସଂଯୁକ୍ତା କିଶାନ,ମଧୁମିତା ବାବୁ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ l ସୂଚନା ଥାଉକି ଜାତି, ଧର୍ମ , ବର୍ଣ୍ଣ, ଲିଙ୍ଗ ନିର୍ବିଶେଷରେ ସମସ୍ତଙ୍କୁ ସରକାରୀ ବିଦ୍ୟାଳୟ ମାନଙ୍କରେ ମାଗଣା ଶିକ୍ଷା ଯୋଗାଇଦେବା ପାଇଁ ସରକାର ଏହି କାର୍ଯକ୍ରମ ଦୀର୍ଘ ତିନି ଦଶନ୍ଧି ରୁ କାର୍ୟାନ୍ଵିତ କରୁଛନ୍ତି ,
କାରଣ ଶିକ୍ଷ୍ୟା ହେଉଛି ଯେକୌଣସି ରାଷ୍ଟ୍ରର ଅର୍ଥନୈତିକ, ସାମାଜିକ, ରାଜନୈତିକ ଉଥାନର ମେରୁଦଣ୍ଡ l ମାଗଣା ପୁସ୍ତକ ଓ ପୋଷାକ ,ମାଗଣା ଶିକ୍ଷା ଦେବାଦ୍ୱାରା ବିଶେଷ କରି ଗ୍ରାମାଞ୍ଚଳ ରେ ଥିବା ଅନୁନତ ,ଆଦିବାସୀ,ହରିଜନ ଓ ଗରିବ ପିଲାଙ୍କୁ ଆଗକୁ ବଢ଼ାଇ ପାରିବ ବୋଲି ଶ୍ରୀଯୁକ୍ତ ତାଣ୍ଡି ତାଙ୍କ ବକ୍ତବ୍ୟରେ ପ୍ରକାଶ କରିଥିଲେ l ଛାତ୍ର ଛାତ୍ରୀ ମାନେ ମଧ୍ୟ ନୂତନ ପୁସ୍ତକ ପାଇ ବହୁତ ଉତ୍ସାହିତ ଥିବା ପରିଲକ୍ଷିତ ହୋଇଥିଲା l
