ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଭୁବନେଶ୍ୱରରେ ଓଡିଶା ସରକାରଙ୍କ ଗୃହ, ଶିଳ୍ପ ଓ ଆଇଆଣ୍ଡପିଆର ବିଭାଗର ଅତିରିକ୍ତ ମୁଖ୍ୟ ସଚିବ, ଆଇଏଏସ ଶ୍ରୀ ହେମନ୍ତ ଶର୍ମା ସିଆଇଆଇ ଓଡିଶା ମାଇନିଙ୍ଗ ଆଣ୍ଡ କନ୍ଷ୍ଟ୍ରକ୍ଶନ ଇକ୍ୱିପମେଂଟ ଏକ୍ସପୋ (ଓଏମସିଇ) ୨୦୨୬ର ପ୍ରଥମ ସଂସ୍କରଣର ଉଦ୍ଘାଟନ କରିଛନ୍ତି । ଏହା ସହିତ ଏହି ଅବସରରେ ସିଆଇଆଇ ଟ୍ରେଡ ଫେୟାର କାଉନସିଲ ଅଧ୍ୟକ୍ଷ ବି ଥିଆଗରଜନ ଏବଂ ସିଆଇଆଇ ଓଡ଼ିଶା ରାଜ୍ୟ ପରିଷଦ ଅଧ୍ୟକ୍ଷ ଶ୍ରୀ ଅନିଲ କୁମାର ସିଂ ପ୍ରମୁଖ ମଧ୍ୟ ଉପସ୍ଥିତ ରହିଛନ୍ତି । ଏହି କାର୍ଯ୍ୟକ୍ରମ ପୂର୍ବ ଭାରତରେ ଖଣି ଓ ନିର୍ମାଣ ଉପକରଣ କ୍ଷେତ୍ର ପାଇଁ ଏକ ଗୁରୁତ୍ୱପୂର୍ଣ୍ଣ ସଫଳତାକୁ ଚିହ୍ନିତ କରୁଛି । ଭାରତୀୟ ଶିଳ୍ପ ମହାସଂଘ (ସିଆଇଆଇ) ଦ୍ୱାରା ଆୟୋଜିତ ଏହି ତିନିଦିନିଆ ଏକ୍ସପୋ ଉଦ୍ଭାବନଗୁଡିକୁ ପ୍ରଦର୍ଶିତ କରିବା, ସହଭାଗିତା ବିକଶିତ କରିବା ଓ ସ୍ଥାୟୀ ଅଭିବୃଦ୍ଧିକୁ ପ୍ରୋତ୍ସାହିତ କରିବା ପାଇଁ ଶିଳ୍ପର ପ୍ରମୁଖ ହିତାଧିକାରୀମାନଙ୍କୁ ଏକତ୍ରିତ କରିଛି ।
ଉଦ୍ଘାଟନୀ ଅବସରରେ ଓଡିଶା ସରକାରଙ୍କ ଗୃହ, ଶିଳ୍ପ ଓ ଆଇଆଣ୍ଡପିଆର ବିଭାଗର ଅତିରିକ୍ତ ମୁଖ୍ୟ ସଚିବ, ଆଇଏଏସ ଶ୍ରୀ ହେମନ୍ତ ଶର୍ମା ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି । ।ଉଦ୍ଘାଟନ ପରେ ବିଶିଷ୍ଟ ବ୍ୟକ୍ତିମାନେ ପ୍ରଦର୍ଶନୀ ବୁଲି ଦେଖିଛନ୍ତି, ପ୍ରଦର୍ଶକଙ୍କ ସହ ଆଲୋଚନା କରିଛନ୍ତି ଏବଂ ଅଗ୍ରଣୀ ଆନ୍ତର୍ଜାତୀୟ ଓ ଭାରତୀୟ କମ୍ପାନୀଗୁଡିକ ଦ୍ୱାରା ଉପସ୍ଥାପନା କରାଯାଇଥିବା ଅତ୍ୟାଧୁନିକ ଯନ୍ତ୍ରପାତି, ଟେକ୍ନୋଲୋଜି ଓ ଅଭିନବ ସମାଧାନଗୁଡିକର ଲାଇଭ ପ୍ରଦର୍ଶନୀ ଦେଖିଛନ୍ତି । ଏହି ପ୍ରଦର୍ଶନୀ ଉଦ୍ଘାଟିତ ହେବା ପରେ ସିଆଇଆଇ ଅଧିକାରୀଙ୍କ ସମେତ, ରାଜ୍ୟ ଗୃହ, ଶିଳ୍ପ ଓ ଆଇଆଣ୍ଡପିଆର ବିଭାଗର ଅତିରିକ୍ତ ମୁଖ୍ୟ ସଚିବଙ୍କ ଅଧ୍ୟକ୍ଷତାରେ ଏକ ସ୍ୱତନ୍ତ୍ର ସିଇଓ ରାଉଣ୍ଡଟେବୁଲ ବୈଠକ ଆୟୋଜିତ ହୋଇଯାଇଛି ।
ନିଜ ଅଭିଭାଷଣରେ ଆଇଏଏସ, ଶ୍ରୀ ହେମନ୍ତ ଶର୍ମା ଶିଳ୍ପ ବିକାଶ ଓ ନିବେଶ ପାଇଁ ଏକ ସମାବେଶୀ ଇକୋସିଷ୍ଟମ ଗଠନ କରିବା କ୍ଷେତ୍ରରେ ଓଡିଶା ସରକାରଙ୍କ ପ୍ରତିବଦ୍ଧତାକୁ ରେଖାଙ୍କିତ କରିଛନ୍ତି । ସେ ଏକ କେନ୍ଦ୍ରିତ ବି୨ବି ପ୍ଲାଟଫର୍ମର ଆୟୋଜନ କରିବା ପାଇଁ ସିଆଇଆଇ ଦ୍ୱାରା ଗ୍ରହଣ କରାଯାଇଥିବା ପଦକ୍ଷେପକୁ ପ୍ରଶଂସା କରିଛନ୍ତି, ଯାହା ଉତ୍ପାଦନକାରୀ, ନୀତିନିର୍ମାତା ଓ ଉପଭୋକ୍ତାଙ୍କୁ ଗୋଟିଏ ଛାତ ତଳେ ଏକାଠି କରିଛି ।
ଏହି ରାଉଣ୍ଡଟେବୁଲ ବୈଠକ ଶିଳ୍ପର ବିଶିଷ୍ଟ ବ୍ୟକ୍ତିଙ୍କ ପାଇଁ ପ୍ରମୁଖ ଆହ୍ୱାନ, ନୀତିଗତ ସମର୍ଥନ, ବୈଷୟିକ ଗ୍ରହଣୀୟତା ଏବଂ ଅଂଚଳରେ ଖଣି ଓ ନିର୍ମାଣ ଉପକରଣ ଇକୋସିଷ୍ଟମକୁ ମଜବୁତ କରିବା ପାଇଁ ସୁଯୋଗଗୁଡିକ ଉପରେ ଏକ ଗଠନମୂଳକ ଆଲୋଚନା ପାଇଁ ଏକ ଉଚ୍ଚସ୍ତରୀୟ ଆଲୋଚନା ଭାବେ କାର୍ଯ୍ୟ କରିଛି । ଆଲୋଚନାଗୁଡିକ ବ୍ୟବସାୟ କରିବାର ସହଜତାକୁ ଉନ୍ନତ କରିବା, ସ୍ଥାୟୀ ଖନନ ଅଭ୍ୟାସକୁ ପ୍ରୋତ୍ସାହିତ କରିବା, ଦକ୍ଷତା ବିକାଶ ଓ ଭିତିଭୂମି ଅଭିବୃଦ୍ଧି ଉପରେ କେନ୍ଦ୍ରୀଭୂତ ଥିଲା ।
ଓଏମସିଇ ୨୦୨୬ରେ ୧୫୦ରୁ ଅଧିକ ପ୍ରଦର୍ଶକ ଅଂଶଗ୍ରହଣ କରିଛନ୍ତି ଏବଂ ୧୦,୦୦୦ରୁ ଅଧିକ ବ୍ୟବସାୟିକ ପରିଦର୍ଶକଙ୍କୁ ଏହା ଆକର୍ଷିତ କରିଛି । ଏହି ଏକ୍ସପୋ ଖଣି, ନିର୍ମାଣ ଓ ଭୂତିଭୂମି କ୍ଷେତ୍ରରୁ ଅଗ୍ରଣୀ ସଂସ୍ଥାଗୁଡିକର ଉପକରଣ, ଟେକ୍ନୋଲୋଜି ଓ ସମାଧାନଗୁଡିକର ଏକ ବିସ୍ତୃତ ଶୃଙ୍ଖଳାକୁ ପ୍ରଦର୍ଶିତ କରିଛି । ଏହା ସହ ଅବସ୍ଥିତ ଓଡିଶା ମେଟାଲ ଏକ୍ସପୋ ୨୦୨୬ ଧାତୁ ଓ ସମ୍ବନ୍ଧିତ ଶିଳ୍ପରୁ ହିତାଧିକାରୀଙ୍କୁ ଏକତ୍ରିତ କରି ଏହି ପ୍ଲାଟଫର୍ମକୁ ଆହୁରି ସମୃଦ୍ଧ କରିଛି ।
ଏହି କାର୍ଯ୍ୟକ୍ରମ ବି୨ବି ଓ ବି୨ଜି ବୈଠକ, ବୈଷୟିକ ଅଧିବେଶନ ଓ ନେଟ୍ୱର୍କିଙ୍ଗ ସୁଯୋଗ ସହିତ ପରବର୍ତୀ ଦୁଇ ଦିନ ପାଇଁ ଜାରି ରହିବ, ଯାହା ଏହି କ୍ଷେତ୍ରରେ ସହଭାଗିତା, ଉଦ୍ଭାବନ ଓ ନିବେଶକୁ ପ୍ରୋତ୍ସାହିତ କରିବା ପାଇଁ ଲକ୍ଷ୍ୟ ରଖିଛି । ଓଏମସିଇ ୨୦୨୬ ଏକ ପ୍ରମୁଖ ଆଂଚଳିକ ପ୍ଲାଟଫର୍ମରେ ପରିଣତ ହେବା ପାଇଁ ପ୍ରସ୍ତୁତ ରହିଛି, ଯାହା ଶିଳ୍ପ ଅଭିବୃଦ୍ଧି ଭାବେ ଏକ କେନ୍ଦ୍ର ଭାବେ ଓଡିଶାର ସ୍ଥିତିକୁ ମଜବୁତ କରିବ ଏବଂ ଟେକ୍ନୋଲୋଜି-ଚାଳିତ ଓ ସ୍ଥାୟୀ ଅଭ୍ୟାସଗୁଡିକ ମାଧ୍ୟମରେ ଖଣି ଓ ଭିତିଭୂମି କ୍ଷେତ୍ରରେ ବିକାଶର ପରବର୍ତୀ ପର୍ଯ୍ୟାୟକୁ ସକ୍ଷମ କରିବ ।
