କଟକ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ବିଡାନାସୀ ଥାନା ଆନୁକୂଲ୍ୟରେ ଆଜି ବିଡାନାସୀ ସ୍ଥିତ ରଶ୍ମି ପାଲେସରେ ବରିଷ୍ଠ ନାଗରିକ ମାନଙ୍କ ପାଇଁ ଏକ ସୁରକ୍ଷା ସଚେତନତା ସଭା ଆୟୋଜିତ ହୋଇଥିଲା l ଥାନା ମୁଖ୍ୟ ଶ୍ରୀ ଅସିତ ବଳବନ୍ତରାୟଙ୍କ ପୌରାହିତ୍ୟରେ ଏବଂ ଏ. ସି. ପି. ଶ୍ରୀ ଏସ. ଏସ. ଚକ୍ରବର୍ତ୍ତୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ବାଇମୁଣ୍ଡି ବରିଷ୍ଠ ନାଗରିକ ସଙ୍ଘ ସହିତ ବିଭିନ୍ନ ସଂଘର କର୍ମକର୍ତ୍ତା ଓ ଶତାଧିକ ବରିଷ୍ଠ ନାଗରିକ ଯୋଗ ଦେଇଥିଲେ l
ଏ. ସି. ପି. ଶ୍ରୀ ଚକ୍ରବର୍ତ୍ତୀ ଉପସ୍ଥିତ ବରିଷ୍ଠ ନାଗରିକ ମାନଙ୍କୁ ସ୍ୱାଗତ କରି ଯେ କୌଣସି ସମସ୍ୟା କିମ୍ବା ଆପତ୍କାଳୀନ ପରିସ୍ଥିତିରେ ପୋଲିସ ସହ ସଂଯୋଗ ରଖି ସହାୟତା ନେବାକୁ ଅନୁରୋଧ କରିଥିଲେ l ଆଲୋଚନା ସଭାରେ ବରିଷ୍ଠ ନାଗରିକମାନେ ପରିବାର ଓ ସମାଜରେ ସେମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟା ବିଷୟରେ ମତାମତ ପ୍ରକାଶ କରିଥିଲେ l ଏହି ଅବସରରେ ସାଇବର ଥାନାର ଅଧିକାରୀ ଶ୍ରୀ ଦେବୀ ପ୍ରସାଦ ସାହୁ ସାଇବର ଠକେଇର ବିଭିନ୍ନ ପ୍ରକାର ବିଷୟରେ ଉଦାହରଣ ସହ ଆଲୋଚନା କରି ବରିଷ୍ଠ ନାଗରିକ ମାନେ କିପରି ସତର୍କ ରହି ଏପରି ଠକେଇରୁ ନିଜକୁ ସୁରକ୍ଷିତ ରଖିପାରିବେ, ସେ ବିଷୟରେ ସଚେତନ କରିଥିଲେ l
ଥାନା ମୁଖ୍ୟ ଅଧିକାରୀ ଶ୍ରୀ ବଳବନ୍ତରାୟ, ନୋଡାଲ ଅଫିସର ଶ୍ରୀ କମଳାକାନ୍ତ ନାୟକ ଏବଂ ଅନ୍ୟ ପୋଲିସ ଅଧିକାରୀ ମନର ନିଜ ମୋବଇଲ ନମ୍ବର ପ୍ରଦାନକରି ବରିଷ୍ଠ ନାଗରିକ ମାନଙ୍କୁ ବିନା ଦ୍ୱିଧାରେ ସମ୍ପର୍କ କରିବାକୁ ଅନୁରୋଧ କରିଥିଲେ l ଶେଷରେ ବରିଷ୍ଠ ପୋଲିସ ଅଧିକାରୀ ଧନ୍ୟବାଦ ଜଣାଇ ସଭାର ସମାପନ କରିଥିଲେ ବିଡାନାସୀ ଥାନା ଆନୁକୂଲ୍ୟରେ ବରିଷ୍ଠ ନାଗରିକ ମାନଙ୍କ ପାଇଁ ଏକ ସୁରକ୍ଷା ସଚେତନତା ସଭା ଆୟୋଜିତ କରିଥିବାରୁ ବାଇମୁଣ୍ଡି ବରିଷ୍ଠ ନାଗରିକ ସଙ୍ଘର ଉପସଭାପତି ନିବାସ ଚନ୍ଦ୍ର ମିଶ୍ର ପୁଲିସ ଅଧିକାରୀଙ୍କୁ ଗଣ ମାଧ୍ୟମ ଦ୍ବାରା ଅଶେଷ ଅଶେଷ ଅଭିନନ୍ଦନ, ଶୁଭେଛା ଜଣାଇଛନ୍ତି ।
