ରାଜ୍ୟସଭା ନିର୍ବାଚନ ପାଇଁ ନିଦ ହଜିଯାଇଛି ଦିଲ୍ଲୀପ ରାୟ ଙ୍କ ର – ଚାଲିଛି ଏବେ ଘୋଡ଼ା ବେପାର

ବିଜେଡି ର ଡଃ ଦତ୍ତେଶ୍ୱର ହୋତା ଶୋଇଛନ୍ତି ନିଘୋଡ଼ ନିଦରେ  : ଗାଡି ଚଳାଉଛନ୍ତି ବିଜେଡି ସଭାପତି ନବୀନ ପଟ୍ଟନାୟକ ଓ କଂଗ୍ରେସ ପିସିସି ସଭାପତି ଭକ୍ତ ଚରଣ ଦାସ  l

ଭୁବନେଶ୍ୱର  (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ୨୦୦୨ ମସିହା ରାଜ୍ୟସଭା ନିର୍ବାଚନରେ ସ୍ୱାଧୀନ ପ୍ରାର୍ଥୀ ହେଇଥିଲେ ଦିଲ୍ଲୀପ ରାୟ ! ନିର୍ବାଚନରେ ଜିତିଥିଲେ ! ଆଜି ପର୍ଯ୍ୟନ୍ତ ସେହି ଗୋଟିଏ ଡାଇଲଗ ଓଡିଶା ରାଜନୀତିରେ ବାଜୁଛି ! ଦିଲ୍ଲୀପ ରାୟ ସେତେବେଳର ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ସବୁ ରଣନୀତିକୁ ଚକମା ଦେଇ ନିର୍ବାଚନ ଜିତିଲେ ଓ ନବୀନ ତାଙ୍କୁ ବିଜେଡିରୁ ବହିଷ୍କାର କରି ଯେଉଁ ଭୁଲ କରିଥିଲେ ନିର୍ବାଚନ ଜିତି ଏହାର ଉଚିତ ଜବାବ ଦେଇଥିଲେ ଦିଲ୍ଲୀପ ! କିନ୍ତୁ ବାସ୍ତବରେ ସେ ନିର୍ବାଚନ ଥିଲା ଭିନ୍ନ ପ୍ରକାର l

୨୦୦୨ ମସିହାରେ ଓଡ଼ିଶାରେ ବିଜେଡି ଓ ବିଜେପିର ମେଣ୍ଟ ସରକାର କ୍ଷମତାରେ ଥିଲା ! କଂଗ୍ରେସ ଥିଲା ବିରୋଧୀ ଦଳରେ ! ବିଜେଡି ଜିତିଥିଲା ୬୮ ଆସନରେ ! ବିଜେପି ଜିତିଥିଲା ୩୮ ଆସନ ! କଂଗ୍ରେସ ହାତରେ ଥିଲା  ୨୬ ଆସନ ! ୨୦୦୨ ମସିହା ରାଜ୍ୟସଭା ନିର୍ବାଚନରେ ଗୋଟିଏ ପ୍ରାର୍ଥୀ ଜିତିବା ପାଇଁ ୩୦ ସଂଖ୍ୟା ଦରକାର ଥିଲା ! ଦିଲ୍ଲୀପ ରାୟ ବିଜେଡିର ପ୍ରତିଷ୍ଠାତା ସଦସ୍ୟ ଥିଲେ ! ବିଜୁ ପଟନାୟକଙ୍କର ଅତି ଘନିଷ୍ଠ ଥିଲେ ! ବିଜୁ ବାବୁଙ୍କ ଆଶୀର୍ବାଦରୁ ରାଉଲକେଲା ମୁନିସିପାଲିଟି ଚେୟାରମ୍ୟାନରୁ ରାଜ୍ୟର ଶିଳ୍ପ ମନ୍ତ୍ରୀ ହେଇପାରିଥିଲେ ଦିଲ୍ଲୀପ l

ଏହା ଛଡା ନିଜ ହୋଟେଲ ବ୍ୟବସାୟର ମୂଳଦୁଆ ସେ ବିଜୁ ବାବୁଙ୍କ ଆଶୀର୍ବାଦରେ ପକେଇଥିଲେ ! ତାଙ୍କ ଦ୍ୱାରା ପରିଚାଳିତ ‘ ମେ ଫେୟାର ‘ ହୋଟେଲ ଗ୍ରୁପ ବିଜୁ ବାବୁଙ୍କ ସରକାର ସମୟରେ ଅହେତୁକ ଅନୁକମ୍ପା ହାସଲ କରିଥିଲା ! ଏହା ବାଦ ବିଜୁ ବାବୁଙ୍କ ଆଶୀର୍ବାଦରୁ କେନ୍ଦ୍ରରେ ଅଣ କଂଗ୍ରେସ ସରକାରରେ ମନ୍ତ୍ରୀ ମଧ୍ୟ ହୋଇ ପାରିଥିଲେ ଦିଲ୍ଲୀପ ରାୟ ! କହିବାକୁ ଗଲେ ଦିଲ୍ଲୀପଙ୍କ ରାଜନୈତିକ ଓ ବ୍ୟବସାୟିକ ସଫଳତାର ମୁଖ୍ୟ ବିନ୍ଧାଣି ଥିଲେ ବିଜୁ ପଟନାୟକ l

ତେଣୁ ବିଜୁ ପଟନାୟକଙ୍କ ଶେଷ ସମୟରେ ଦିଲ୍ଲୀପ ରାୟ ତାଙ୍କ ଦେଖା ଶୁଣା କରିବା ସ୍ୱାଭାବିକ  ! ସମୟକ୍ରମେ ବିଜୁ ବାବୁଙ୍କ ଅନ୍ତେ ବିଜୁ ଜନତା ଦଳ ଗଠନ ହେଲା ! ଦଳ ବିଜେପି ସହିତ ମେଣ୍ଟ କରି ଓଡ଼ିଶାରେ କ୍ଷମତାକୁ ଆସିଲା ! ସେହି ସମୟରେ ଦିଲ୍ଲୀପ ନିଜକୁ ଜଣେ ଅଣ କଂଗ୍ରେସ ନେତା ହିସାବରେ ଜାତୀୟ ସ୍ତରରେ ପ୍ରତିଷ୍ଠା କରି ସାରିଥିଲେ l

ବିଜେପିର ଅନେକ ଜାତୀୟସ୍ତରର ନେତାଙ୍କ ସହିତ ତାଙ୍କର ସୁ ସମ୍ପର୍କ ଥିଲା ! ବିଜେପି କେନ୍ଦ୍ରୀୟ ନେତାଙ୍କ ସହଯୋଗରେ ଓଡ଼ିଶାରେ ଅଣକଂଗ୍ରେସ ଆଞ୍ଚଳିକ ଦଳ ଗଠନ ହେଲା !  ମାତ୍ର ବିଡମ୍ବନା ମେଣ୍ଟ ସରକାର ଗଠନର ଦୁଇ ବର୍ଷ ପରେ ନବୀନ ଓ ଦିଲ୍ଲୀପଙ୍କ ମଧ୍ୟରେ ମତାନ୍ତର ହେଲା ଓ ନବୀନଙ୍କ ଅନୁରୋଧ କ୍ରମେ ସେ କେନ୍ଦ୍ର ମନ୍ତ୍ରୀମଣ୍ଡଳରୁ ବିଦା ହେବା ସହିତ ବିଜୁ ଜନତା ଦଳରୁ ବି ବହିଷ୍କାର ହେଲେ l

ଏହି ଘଟଣାର କିଛି ମାସ ପରେ ରାଜ୍ୟସଭା ନିର୍ବାଚନ ହେଲା ! ଦିଲ୍ଲୀପ ରାୟ ସ୍ୱାଧୀନ ପ୍ରାର୍ଥୀ ଭାବରେ ମୈଦାନକୁ ଓଲ୍ହାଇଲେ ! ଲଢେଇ ଦିଲ୍ଲୀପ ରାୟ ଓ ନବୀନ ପଟନାୟକଙ୍କ ମଧ୍ୟରେ ହେଲା ! ଦିଲ୍ଲୀପ ନିର୍ବାଚନରେ ଜିତିଲେ ! ଏହାର କାରଣ ଥିଲା ଅନେକ ! ଦିଲ୍ଲୀପ ରାୟ ବିଜେଡିର ପ୍ରତିଷ୍ଠାତା ସଦସ୍ୟ ଥିଲେ ! ୨୦୦୦ ମସିହାରେ ପ୍ରଥମ ଥର ପାଇଁ ମେଣ୍ଟ ସରକାର ସାଧାରଣ ନିର୍ବାଚନ ଲଢୁଥିଲା l

ଅନେକ ବିଧାୟକ ପ୍ରାର୍ଥୀଙ୍କୁ (ଉଭୟ ବିଜେଡି ଓ ବିଜେପି ) ଦିଲ୍ଲୀପ ନିର୍ବାଚନ ଲଢ଼ିବା ପାଇଁ ଆର୍ଥିକ ସହାୟତା ଦେଇଥିଲେ ! କେନ୍ଦ୍ର ବିଜେପି ନେତାଙ୍କ ସମର୍ଥନ ମଧ୍ୟ ଦିଲ୍ଲୀପଙ୍କ ସହିତ ଥିଲା ! କଂଗ୍ରେସର ବିଧାୟକ ସଂଖ୍ୟା ଥିଲା ୨୭ ! ସେଥିରୁ ମଧ୍ୟ କିଛି ବିଧାୟକ ଦିଲ୍ଲୀପଙ୍କୁ ସମର୍ଥନ କଲେ ! ତେଣୁ ଦେଖିବାକୁ ଗଲେ ତିନି ଦଳର ସମର୍ଥନ ଓ ସହାନୁଭୂତି ପାଇ ଦିଲ୍ଲୀପ ରାୟ ୨୦୦୨ ମସିହା ରାଜ୍ୟସଭା ନିର୍ବାଚନ ଜିତିଥିଲେ l

ଦୀର୍ଘ ୨୪ ବର୍ଷ ପରେ ଦିଲ୍ଲୀପ ପୁଣି ରାଜ୍ୟସଭା ମୈଦାନରେ ! ଏଥର ମଧ୍ୟ ମୁଖ୍ୟ ପ୍ରତିଦ୍ବନ୍ଦୀ  ନବୀନ ପଟନାୟକ ! ଫରକ ଏତିକି ନବୀନ ଏବେ ବିରୋଧୀ ଦଳରେ ବସିଛନ୍ତି ! ଶାସକ ବିଜେପିର ସମର୍ଥନରେ ମୈଦାନକୁ ଓଲ୍ହାଇଛନ୍ତି ଦିଲ୍ଲୀପ ! ବିଜେପିର ୨୨ ବିଧାୟକଙ୍କ ସମର୍ଥନ ତାଙ୍କ ସହିତ ଅଛି ! ଦୁଇ ବିଜେଡି ବହିସ୍କୃତ ଅରବିନ୍ଦ ମହାପାତ୍ର ଓ ସନାତନ ମହାକୁଡ଼ ତାଙ୍କୁ ସମର୍ଥନ ଦେବେ ବୋଲି ଆକଳନ ଚାଲିଛି ! ଏହାବାଦ ବିଜେଡି ଓ କଂଗ୍ରେସ ଭିତରେ ଫାଟ କରି ବଳକା ବିଧାୟକଙ୍କ ସମର୍ଥନ ହାସଲ କରିବା ଚକକରରେ ଥିଲେ ସେ l

କିନ୍ତୁ ନାମାଙ୍କନର  ଦିନ କେଇଟା ପରେ ତାଙ୍କ ଆଶା ନିରାଶା ଆଡକୁ ଗତି କରୁଛି ବୋଲି ରାଜନୀତି ମହଲରେ ଚର୍ଚ୍ଚା ଜୋର ଧରିଲାଣି ! କଂଗ୍ରେସର ୧୪ ବିଧାୟକଙ୍କ ସହିତ ରାହୁଲ ଗାନ୍ଧୀଙ୍କ ଅଫିସ ଯୋଗାଯୋଗରେ ରହିଛି ! ଦେଶର ଏପରି ଘଡ଼ିସନ୍ଧି ମୁହୂର୍ତରେ ବିଜେପି ବିରୁଦ୍ଧରେ ଏକାଠି ରହିବାକୁ ପରାମର୍ଶ ଦିଆ ଯାଇଛି ! କିଛି ଅସନ୍ତୁଷ୍ଟଙ୍କ ସହିତ ରାହୁଲ ଗାନ୍ଧୀ ସିଧାସଳଖ କଥା ମଧ୍ୟ ହେଇଛନ୍ତି l

ଏପଟେ ଖାସ ବିଜେପିଙ୍କୁ ପାନେ ଚଖାଇବା ପାଇଁ ବିଜେଡିର ପୁରା ଟିମ ଏକାଠି ହେଇଛି ! ସାଧାରଣ ନିର୍ବାଚନରେ ଯେପରି ନିର୍ବାଚନ ଜିତିଛି ବିଜେପି ସେଥିପାଇଁ ଉଚିତ ଶିକ୍ଷା ଦେବା ପାଇଁ ସୁପ୍ରିମୋ ନବୀନଙ୍କ ପଛରେ ପୁରା ଦଳ ! ଶେଷ ମୁହୂର୍ତ୍ତରେ ଯଦି ଅରବିନ୍ଦ ମହାପାତ୍ର ଓ ସନାତନ ମହାକୁଡ଼ଙ୍କ ଉପରୁ ନିଲମ୍ବନ ଉଠାଇ ଦଳରେ ସାମିଲ କରନ୍ତି ନବୀନ ତେବେ ଦିଲ୍ଲୀପ ‘ ନା ଏ କୂଳକୁ ହେବେ ନା ସେ କୂଳକୁ’!  ରାଜନୈତିକ ଭବିଷ୍ୟତ ଏକ ପ୍ରକାର ସମାପ୍ତ ହେଇଯିବ ଏଥିରେ ସନ୍ଦେହ ନାହିଁ l