ବାଲିପାଟଣା (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ସ୍କୁଲ ତୋଟାର’ ଅନୁଷ୍ଠିତ ମେଳଣ ଏକ ନିଆରା ପରମ୍ପରା ଏଟେ , ବାଲିପାଟଣା ଅଞ୍ଚଳରେ ପବିତ୍ର ପଞ୍ଚୁ ଦୋଳ ଉତ୍ସବ ମହା ଆଡ଼ମ୍ବରରେ ପାଳନ ହେଉଛି |ଏହି ଦୋଳ ପୂର୍ଣମୀ ଓ ହୋଲି ପର୍ବ ଅଵସରରେ ପୁରପଲ୍ଲୀ ଉତ୍ସବ ମୁଖର ହୋଇ ଉଠିଛି | ସୁସଜ୍ଜିତ ବିମାନରେ ଠାକୁରଙ୍କ ଚଳନ୍ତି ପ୍ରତିମା ଘର ଘର ବୁଲି ଭୋଗ ଖାଉଛନ୍ତି | ଚାଚେରୀ ଭୋଗ ଖିଆ ପରେ ଦୋଳ ପୂର୍ଣ୍ଣିମାରେ ମେଣ୍ଢା କୁଡ଼ିଆ ପୋଡା ହୋଇଥିଲା | ଚନ୍ଦ୍ର ଗ୍ରହଣ ମୋକ୍ଷ ପରେ ରାତିରେ ଦୋଳ ବେଦୀରେ ଝୁଲଣ ଓ ପାଞ୍ଜି ପଢା ଵିଧି ପାଳନ ହୋଇଛି |
ବିଭିନ୍ନ ସ୍ଥାନରେ ପଞ୍ଚୁ ଦୋଳ ମେଳଣ ପ୍ରଥା ପରମ୍ପରାରେ ଵିଧି ମୁତାବକ ପାଳନ ଉତ୍ସବ ଦ୍ଦେଖିବାକୁ ମିଳିଛି | ,ବାଲିପାଟଣା ବ୍ଲକର ସର୍ବ ପୁରାତନ ପମ୍ପାଲୋ ପଞ୍ଚାୟତ ଚଣାହଟ୍ଟା ସ୍ଥିତ ଜନ ବିଦ୍ୟାମନ୍ଦିର ପ୍ରାଙ୍ଗଣରେ ‘ ସ୍କୁଲ ତୋଟା ‘ ମେଳଣ ଏକ ନିଆରା ପ୍ରଥା ଅଦ୍ୟାବଧି ପାଳନ ହୋଇ ଆସୁଛି | ସରାଟ ମୌଜାର ଆରାଧ୍ୟ୍ୟ ବାବା ନୀଳକଣ୍ଠେଶ୍ଵର ମହାଦେବ ଓ ଗୋପୀନାଥ ଦେବ ମେଳଣର ଥାନପତି ଭାବେ ରହିଥିଲାବେଳେ ଅନ୍ୟମାନଙ୍କ ମଧ୍ୟରେ ଅଠାନ୍ତର ରାଧା ଗୋବିନ୍ଦ ଦେବ , କୁଳନ୍ତିରା ବାଗିଲୋ ଗୋପୀନାଥ ଦେବ , କୁଳନ୍ତିରା ଗ୍ରାମ ରାଧାକାନ୍ତ ଦେବ ,
ଚଣାହଟ୍ଟା ରାଧା ଗୋବିନ୍ଦ ଦେବ , କୁଳନ୍ତିରା ଶାସନ ଗୋପୀନାଥ ଦେବଙ୍କ ଚଳନ୍ତି ପ୍ରତିମା ଗୁଡିକ ସୁସଜ୍ଜିତ ବିମାନରେ ବିଜେ ହୋଇ ମେଳଣକୁ ଆସନ୍ତି | ତତ୍କାଳୀନ ଜମିଦାର ପ୍ରଥାରୁ ସ୍କୁଲ ତୋଟା ମେଳଣ ପାଳନ ହୋଇ ଆସୁଅଛି , ଫାଲଗୁନ ମାସ ଶୁକ୍ଲପକ୍ଷ ଦ୍ୱାଦଶୀରେ ପ୍ରସିଦ୍ଧ ଦୋପଟି ମେଳଣ ଅନୁଷ୍ଠିତ ହୋଇଥିଲା | ଚତୁର୍ଦଶୀରେ ଚଣାହଟ୍ଟା ପଟ୍ଟନାୟକ ସାହିର ଦାଣ୍ଡ ମେଳଣ , ହାଟ ମେଳଣ ଏବଂ ଗୁରୁବାର ଦହି କଡ଼ି ମେଳଣ ଅନୁଷ୍ଠିତ ହୋଇଯାଇଛି |
ଏହି ମେଳଣ ଉତ୍ସଵରେ ଠାକୁରଙ୍କୁ ଲୋକମାନେ ଦର୍ଶନ କରିବା ସହ ଗଢିଉଠିଥିବା ବିଭିନ୍ନ ଦୋକାନ ବଜାରରୁ ଜିନିଷ ପତ୍ର କିଣି ଘରକୁ ଆଣିଥିଲେ । ଏହି ବ୍ଲକ ଅନ୍ତର୍ଗତ, କୁଦପାଟଣାର ମା,ବାରଭୂଜା, ଆମଣାକୁଦର ଆମଣେଇ ଠାକୁରାଣୀ,ଗୋକର୍ନେଶ୍ଵର,କପିଳେଶ୍ୱର, ଶୋଭନେଶ୍ୱର ଆଦି ଠାକୁରଙ୍କ ଚଳନ୍ତି ପ୍ରତିମା ଏକ ସୁସଜ୍ଜିତ ବିମାନରେ ଆସି ଗ୍ରାମେ ଗ୍ରାମେ ବୁଲି ଭୋଗ ଖାଇଥିଲେ । ଏହି ସବୁ ଗାଆଁଟିରେ ଠାକୁର ବିମାନ ଘଣ୍ଟି ଘଣ୍ଟା ଶବ୍ଦ ସହ ଗୀତ ଗାଇ ନାଚି ନାଚି ବେହେରା ସେବକମାନେ ଯାଉଥିଲାବେଳେ ଗାଁ ଗୁଡିକ ଆନନ୍ଦରେ ଉତ୍ସବମୁଖର ହୋଇଉଠେ । ଏହି ଦୋଳ ଉତ୍ସବର ପରମ୍ପରା ଗାଁ କୁ ହସାଇ ଥାଏ ।
