କଟକ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- କଟକ ଜିଲ୍ଲା ଆଇନ ସେବା ପ୍ରାଧିକରଣ ଆନୁକୂଲ୍ୟରେ ଏକ ଆଇନ ସଚେତନତା କାର୍ଯ୍ୟକ୍ରମ କଟକର କାଠଯୋଡ଼ି ବିହାର ବସ୍ତିରେ ମହାସମାରୋହରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମାଇଗ୍ରାଣ୍ଟ ଶ୍ରମିକ ଓ ସେମାନଙ୍କର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା । କାଠଯୋଡ଼ି ବିହାର ସାହିର ସଭାପତି ଶ୍ରୀ ଦିଲ୍ଲୀପ କୁମାର ବେହେରାଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶ୍ରୀ ଜଗଦିଶ ଚନ୍ଦ୍ର ଜେନା,
ସଚିବ,ଜିଲ୍ଲା ଆଇନ ସେବା ପ୍ରାଧିକରଣ, କଟକ ଓ ମୂଖ୍ୟ ବକ୍ତା ଭାବେ ଓଡ଼ିଶା ଉଚ୍ଚ ନ୍ୟାୟାଳୟର ବରିଷ୍ଠ ଆଇନଜୀବୀ ଶ୍ରୀ ବିଜୟ କୁମାର ପଣ୍ଡା ଯୋଗଦେଇ ଆଇନ ଅନୁଯାୟୀ ମାଇଗ୍ରାଣ୍ଟ ଶ୍ରମିକମାନଙ୍କୁ ସାହାଯ୍ୟ ଓ ଶ୍ରମିକମାନଙ୍କ ଅଧୂକାର ବିଷୟରେ ସଚେତନ କରାଇବା ସହ ବିଭିନ୍ନ ସରକାରୀ ଯୋଜନା ବିଷୟରେ ଆଲୋକପାତ କରିଥିଲେ।
କାର୍ଯ୍ୟକ୍ରମ ପ୍ରାରମ୍ଭରେ କାଠଯୋଡ଼ି ବିହାର ସାହିର ସମ୍ପାଦିକା ଶ୍ରୀମତୀ ବିମଳା ରଣା ଅତିଥି ପରିଚୟ ପ୍ରଦାନ କରିଥିବା ବେଳେ ସ୍ଥାନୀୟ ଜଳସାଥୀ ଶ୍ରୀମତୀ ସାଗରିକା ବେହେରା ଅଞ୍ଚଳର ଲୋକଙ୍କର ସମସ୍ୟା ବିଷୟରେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମରେ ସ୍ଥାନୀୟ ଅଞ୍ଚଳର ପ୍ରାୟତଃ ୯୦ ଜଣ ସଦସ୍ୟ ଓ ସଦସ୍ୟା ଅଂଶଗ୍ରହଣ କରିଥିଲେ। ଅବଶେଷରେ କାର୍ଯ୍ୟକ୍ରମର ସଫଳତା ଲାଗି ଶ୍ରୀ ଚିନ୍ମୟ ମହାପାତ୍ର ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ ।
