ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଖୋର୍ଦ୍ଧାଜିଲ୍ଲା ବୋଲଗଡ଼ ବ୍ଲକରେ ଗତ ୧ମାସ ଧରି ବିଡିଓ ଓ ଜନପ୍ରତିନିଧିଙ୍କ ମଧ୍ୟରେ ବିବାଦ ଲାଗି ରହିଛି । ଏହାର ବିସ୍ଫୋରକ ପରିସ୍ଥିତି ଦେଖିବାକୁ ମିଳିଥିଲା ଚଳିତ ମାସ ୧୮ ତାରିଖ ଦିନ । ବ୍ଲକ ସମ୍ମୁଖରେ ୯ ଦିନ ଧରି ଅହୋରାତ୍ର ଗଣଧାରଣ ଦିଆଯାଇଥିଲା । ୧୮ତାରିଖ ଦିନ ଜିଲ୍ଲା ପ୍ରଶାସନ ଏହି ଆନ୍ଦୋଳନକୁ ଅଣଦେଖା କରିବାରୁ ବାଧ୍ୟହୋଇ ବିଜେଡି ଦଳର ଶତାଧିକ କର୍ମୀ ବ୍ଲକ କାର୍ଯ୍ୟଳୟ ଅଫିସରେ ଧସେଇ ପଶି ବିଡିଓଙ୍କ ସରକାରୀ ଗାଡ଼ି ଭଙ୍ଗାରୁଜା କରିବା ସହିତ ବିଡିଓଙ୍କୁ ଅଶ୍ଳୀଳ ଭାଷାରେ ଗାଳି ଗୁଲଜ କରିବା,
ଧମକଦବl ଏବଂ ମାନସିକସ୍ତରରେ ତାଙ୍କୁ କାର୍ଯ୍ୟକରାଇ ନ ଦେବାର ପରିସ୍ଥିତି ସୃଷ୍ଟି କରିଥିଲେ । ଏହାକୁ ନେଇ ଘଟଣାଦିନ ବିଡିଓ ବୋଲଗଡ଼ ଥାନାରେ ୩୧ଜଣଙ୍କ ନାମରେ ସିସିଟିଭି ଫୁଟେଜକୁ ଆଧାରକରି ଏତଲା ଦେଇଥିଲେ l କେସ ନଂ ୬୭/୨୬ରେ ୧୧ଟି ଦଫାରେ ଏତଲାକୁ ଭିତିକରି ବୋଲଗଡ଼ ଥାନା ପୋଲିସ ଏବଂ ଖୋର୍ଦ୍ଧା ଏସଡିପିଓଙ୍କ ନେତୃତ୍ୱରେ ଏକ ଟିମ ଧାରଣାସ୍ଥଳରୁ ୧୩ଜଣ ସରପଞ୍ଚ, ସମିତି ସଭ୍ୟ ଓ ଜିଲ୍ଲାପରି ଷଦ ସଭ୍ୟଙ୍କୁ ରାତାରାତି ଉଠାଇନେଇ ସେମାନଙ୍କୁ ବ୍ୟକ୍ତିଗତ ମୁଚାଲିକାରେ ଛାଡିବା ସହିତ ଆନ୍ଦୋଳନସ୍ଥଳରେ ଥିବା ଟେଣ୍ଟକୁ ଅପସାରଣ କରାଯାଇ ଆନ୍ଦୋଳନର ସମାପ୍ତି ଘଟାଇଥିଲା । ଏହାପରେ ଆକ୍ସିମୋଟରେ ଆସିଥିଲା ।
ବୋଲଗଡ଼ ଥାନା ପୋଲିସ ବିଭିନ୍ନ ଦିନରେ ଏହି ଭଙ୍ଗାରୁଜା ଘଟଣାରେ ସପୃକ୍ତ ଥିବା ୪ଜଣଙ୍କୁ ଗିରଫ କରି ଖୋରଧା କୋର୍ଟକୁ ଚାଲାଣ କରାଯାଇଥିଲ। । ଯାହାଫଳରେ ଆନ୍ଦୋଳନକାରୀ ଜନପ୍ରତି ନିଧିମାନଙ୍କ ମନରେ କୋକୁଆ ଭୟ ସୃଷ୍ଟି ହୋଇଥିଲା । ଏଥରେ ସଂପୃକ୍ତ ଥିବା ବ୍ଲକ ଅଧ୍ୟକ୍ଷା ହୁଲ୍ଲାସ ପ୍ରଧାନ, ଜିଲ୍ଲାପରିଷଦ ସଭ୍ୟ ସୁନନ୍ଦିତା ସାହୁ, ମାଣିବନ୍ଧ ସରପଞ୍ଚ ସୁନନ୍ଦିତା ବରାଳ, ସାଗର ଗୁଆଁ ସରପଞ୍ଚ ରମାମଣୀ ଦେଇ, ଅସରଳାସରପଞ୍ଚ ଶୁଭଲକ୍ଷ୍ମୀ ସୁନ୍ଦ ରାୟ,ଗୋଡ଼ିଆପଲ୍ଲୀ ସମିତିସଭ୍ୟ ରଞ୍ଜନ କୁମାର ପଣ୍ଡା ,
ବେଗୁନିଆ ବ୍ଲକର ବେଗୁନିଆ ସରପଞ୍ଚ ସତ୍ୟନାରାୟଣ ପ୍ରଧାନ ଓରଫ ବାବାଜୀ, ପୂର୍ବତନ ସମିତିସଭ୍ୟ ବୀର ଦାସ, ଗୋଲକ ରାଉତରାୟ, ବଂଶୀଧର ସାହୁ ଓରଫ ଟିଟୁଆ, ପୂର୍ବତନ ସରପଞ୍ଚ ସନ୍ତୋଷ କୁମାର ବେହେରା ଓରଫ ଅନନ୍ତଙ୍କ ସମେତ ୨୭ଜଣ ବିଜେଡି ଦଳର ନେତା ଓ କର୍ମ ୨୫ତାରିଖ ସନ୍ଧ୍ୟାରେ ବୋଲଗଡ଼ ଥାନାରେ ପହଞ୍ଚି ଆତ୍ମସମର୍ପଣ କରିଥିଲେ । ଏହି ଘଟଣାର ତଦନ୍ତକାରୀ ଅଧିକାରୀ ଥିବା ବୋଲଗଡ଼ ଥାନା ଅଧିକାରୀ ସୁକାନ୍ତ ଦଳାଇ ସେମାନଙ୍କୁ ବେଲ ପ୍ରଦାନ କରିଥିଲେ । ଆଗାମୀ ଦିନରେ କୌଣସି ବିଶୃଙ୍ଖଳା ନ କରିବା ପାଇଁ ସେମାନଙ୍କୁ ତାଗିଦ କରି ଛାଡି ଦିଆଯାଇଛି ।
