ଭୁବନେଶ୍ୱର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ବ୍ରହ୍ମା କୁମାରୀସ୍ ଇଉନିଟ୍–୯, ଭୁବନେଶ୍ୱର ପକ୍ଷରୁ ଏକ ଆନ୍ତର୍ଧର୍ମୀୟ ସମ୍ମିଳନୀ ସଫଳତାର ସହ ଆୟୋଜିତ ହୋଇଥିଲା। ବିଭିନ୍ନ ଧର୍ମ ଓ ସଂସ୍ଥାର ମୁଖ୍ୟବ୍ୟକ୍ତି, ଟ୍ରଷ୍ଟି, ସନ୍ନ୍ୟାସୀ, ପୁଜାରୀ, ଫାଦର ଓ ଆଧ୍ୟାତ୍ମିକ ପ୍ରତିନିଧିମାନେ ଏଥିରେ ଯୋଗଦେଇ ଧର୍ମୀୟ ସମନ୍ୱୟ ଓ ସାମ୍ପ୍ରଦାୟିକ ସମ୍ମିଳନର ସନ୍ଦେଶ ଦେଇଥିଲେ।
ସମ୍ମିଳନୀର ପ୍ରଧାନ ଆକର୍ଷଣ ଥିଲେ ବିଚିତ୍ରାନନ୍ଦ ମହାରାଜ, ବିଶ୍ୱ ଶାନ୍ତି ଆଧ୍ୟାତ୍ମିକ ଯୋଗ ଆଶ୍ରମର ସ୍ଥାପକ। ୧୦୯ ବର୍ଷ ବୟସରେ ମଧ୍ୟ ତାଙ୍କର ତୀକ୍ଷ୍ଣ ସ୍ମୃତିଶକ୍ତି ଓ ସ୍ପଷ୍ଟ ଚିନ୍ତାଧାରା ସମାଜ ପାଇଁ ଏକ ଆଦର୍ଶ ଭାବେ ପ୍ରତିପାଦିତ ହୋଇଥିଲା। ସେ ଶାନ୍ତି, ନୈତିକ ମୂଲ୍ୟବୋଧ ଓ ଆଧ୍ୟାତ୍ମିକ ସଚେତନତାର ଆବଶ୍ୟକତା ଉପରେ ଜୋର ଦେଇଥିଲେ।
ସମ୍ମିଳନୀରେ ଯୋଗଦେଇଥିବା ବିଶିଷ୍ଟ ଅତିଥିମାନେ :-
• ଡା. ହାସନ ଖାନ – ଅଧିବକ୍ତା
• ସୌରେନ୍ଦ୍ର ମହାପାତ୍ର – ଟ୍ରଷ୍ଟି, ବୁଦ୍ଧ ମନ୍ଦିର
• ଫାଦର ଅଜୟ – କାଥଲିକ ଚର୍ଚ୍ଚ
• ଶଙ୍କର ମାଝି – ବହାଇ ଧର୍ମ
• ଉନ୍ତେ ଜୟମଙ୍ଗଳ – ବୌଦ୍ଧ ପ୍ରତିନିଧି
• ଅମୂଲ୍ୟ ଚନ୍ଦ୍ର ଦାସ – ଆର୍ୟ ସମାଜ
• ସନ୍ନ୍ୟାସିନୀ ଋତଜାନନ୍ଦା – ଚିନ୍ମୟ ମିଶନ
• ରମେଶ ଗିରି – ମଧ୍ୟ ପ୍ରଦେଶ ରୁ ଆସିଥିବା ଆଧ୍ୟାତ୍ମିକ ପ୍ରତିନିଧି
• ଶେଷୁ ବାବୁ – ଟ୍ରଷ୍ଟି, ତିରୁପତି ତିରୁମାଳା ମନ୍ଦିର
• ଜୟନ୍ତ ପଟ୍ଟନାୟକ – ସାଇ ମନ୍ଦିର ଟ୍ରଷ୍ଟି
• ଅଭୟ କୁମାର ପରିଡା – ସତ୍ସଙ୍ଗ ବିହାର ପ୍ରତିନିଧି
ବକ୍ତାମାନେ ଧର୍ମୀୟ ସମନ୍ୱୟ, ନୈତିକ ଜୀବନ ଓ ସମୁହୀୟ ଦାୟିତ୍ୱବୋଧ ମାଧ୍ୟମରେ ଶାନ୍ତିମୟ ସମାଜ ଗଢ଼ି ତୋଳିବାର ଆବଶ୍ୟକତା ଉପରେ ଆଲୋକ ପାତ କରିଥିଲେ । ଏହି ସମ୍ମିଳନୀ ଭିନ୍ନ ଧର୍ମମତ ମଧ୍ୟରେ ଆପସୀ ବୁଝାପଡ଼ା ବୃଦ୍ଧି କରିବା ସହ ସାମ୍ପ୍ରଦାୟିକ ସମ୍ମିଳନ ଓ ବିଶ୍ୱ ଶାନ୍ତିର ସନ୍ଦେଶ ପ୍ରସାର କରିଲା ।
ସମାପନରେ ସମସ୍ତେ ମିଳି ମାନବ ସେବା, ସମ୍ମିଳନ ଓ ଶାନ୍ତି ପାଇଁ ସଂକଳ୍ପ ଗ୍ରହଣ କରିଥିଲେ । ବ୍ରହ୍ମାକୁମାରୀ ଗୀତା ଦିଦିଙ୍କ ସୁନ୍ଦର ଓ ସୁଚାରୁ ସଞ୍ଚାଳନାରେ କାର୍ଯ୍ୟକ୍ରମଟି ସଫଳତାର ସହ ଆୟୋଜିତ ହୋଇଥିଲା । ଆପଣଙ୍କ ଦେବୀ ଭାଉଣୀ ଗୀତା ଦିଦି .
