ପୁରୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ନିଖିଳ ଓଡ଼ିଶା ଠିକାଦାର ମହାସଂଘ ପକ୍ଷରୁ ଗୁରବାର ଅପରାହ୍ନରେ ବିକ୍ଷୋଭ ଶୋଭାଯାତ୍ରା ଓ ଦୀପଦାନ ଅନୁଷ୍ଠିତ ହୋଇଯାଇଛି । ବଳଗଣ୍ଡି ମାଜଣା ଯାଗା ଠାରୁ ଠିକାଦାର ମାନଙ୍କ ଏକ ବିରାଟ ଶୋଭାଯାତ୍ରା ଶ୍ରୀମନ୍ଦିର ସିଂହଦ୍ଵାର ପର୍ଯ୍ୟନ୍ତ ଯାଇଥିଲା । ସରକାର ଠିକାଦାର ମାରଣାନୀତି କୁ ପ୍ରତ୍ଯାହାର ନକଲେ ଫେବୃଆରୀ ୨୦ ତାରିଖ ଠାରୁ ଭୁବନେଶ୍ବର ଲୋୟର ପିଏମଜି ଠାରେ ରାଜ୍ଯର ହଜାର ହଜାର ଠିକାଦାର ସରକାରଙ୍କୁ ଦାବିପତ୍ର ଦେବାସହ ଅନିର୍ଦ୍ଦିଷ୍ଟ କାର୍ଯ୍ୟ ପର୍ଯ୍ୟନ୍ତ କାର୍ଯ୍ୟବନ୍ଦ କରିବେ ବୋଲି ମହାସଂଘ ସୂଚନା ଦେଇଛି ।
ଏହି ଶାନ୍ତିପୂର୍ଣ୍ଣ ପ୍ରତିବାଦ ପଦଯାତ୍ରାରେ ୨ ଶହରୁ ଅଧିକ ଠିକାଦାର ଯୋଗ ଦେଇଥିଲେ । ରାଜ୍ଯ ସରକାର ଠିକାକର୍ଯ୍ଯର ପୂର୍ବ ଟେଣ୍ଡର ନିୟମ, ପଦ୍ଧତି ପରିବର୍ତ୍ତନ କରି ନୂଆ ଢାଞ୍ଚାରେ ଗାଇଡ ଲାଇନ କରିଛନ୍ତି । ଅନଲାଇନ ମାଧ୍ୟମରେ ଜିରୋ ପର୍ସେଣ୍ଟ ରୁ ଅନଲିମିଟେଡ ପର୍ସେଣ୍ଟ ପର୍ଯ୍ୟନ୍ତ ଠିକାଦାର ମାନେ ଯେ କୌଣସି କାର୍ଯ୍ୟ ପାଇଁ ଟେଣ୍ଡର ପକାଇ ପାରିବେ । ପୂର୍ବରୁ ୧୪.୯୯% ଥିବାବେଳେ ଏହାକୁ ସିଡୁଲ୍ଡ ଅଫ ରେଟରେ ସିମୀତ ରଖାଗଲେ କାର୍ଯ୍ୟରମାନ ଠିକ ରହିବ ।
ସଂଘ ନୂତନ ଟେଣ୍ଡର ନୀତିନିୟମକୁ ପୁନଃ ସମୀକ୍ଷା କରିବା ପାଇଁ ସଂଘ ଦାବି କରିଛି । ଆସନ୍ତା କାଲି ଶୁକ୍ରବାର ଠାରୁ ରାଜ୍ଯର ସମସ୍ତ ଠିକାଦାର ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ କାର୍ଯ୍ୟବନ୍ଦ ଆନ୍ଦୋଳନ କରିବା ସହ ଭୁବନେଶ୍ବର ଲୋୟର ପିଏମଜି ଛକଠାରେ ଏକତ୍ରିତ ହୋଇ ସରକାରଙ୍କୁ ଦାବିପତ୍ର ଦେବାସହ ଆଗାମୀ କାର୍ଯ୍ୟପନ୍ଥା ସମ୍ପର୍କରେ ନିଷ୍ପତ୍ତି ନେବେ । ଏହି ପ୍ରତିବାଦ ସଭାରେ ଅଶୋକ କୁମାର ମହାନ୍ତି, ଲୋକନାଥ ପଣ୍ଡା, ବିରେନ୍ଦ୍ର କୁମାର ମହାନ୍ତି ପ୍ରମୁଖଙ୍କ ନେତୃତ୍ବରେ ଏହି ଶୋଭାଯାତ୍ରା ଅନୁଷ୍ଠିତ ହୋଇଥିଲା ।
