ବେଗୁନିଆ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଗଡମାଣିତିର ଗ୍ରାମବାସୀ ଗଡମାଣୀତିର ବିଟ ହାଉସ୍ ସମ୍ମୁଖରେ ଧାରଣା ଦେଇଛନ୍ତି । ଗତକାଲି ଗଡମାଣିତିର ଗ୍ରାମର ଜଣେ ଯୁବକ ଦୁର୍ଘଟଣାରେ ପ୍ରାଣ ହରାଇବା ପରେ ଆଜି ଗ୍ରାମବାସୀ ମାନେ ବିଟ୍ ହାଉସ୍ ସମ୍ମୁଖରେ ଟାୟାର ଜାଳି ଧାରଣା ଦେବା ସହ ରାସ୍ତାରୋକ କରିଛନ୍ତି ।
ସୂଚନା ଅନୁଯାୟୀ ଗତ କାଲି ପରିଛଳ ବଜାର ନିକଟରେ ଗୋଟିଏ ଆଇଚର୍ ଗାଡ଼ି ଗଡମାଣିତିର ଗ୍ରାମର ଚନ୍ଦ୍ର ଶେଖର ବିଶ୍ଵାଳ ନାମକ ଜଣେ ଯୁବକକୁ ଧକ୍କା ଦେଇଥିଲା । ତେବେ ଦୁର୍ଘଟଣାରେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଆଜି ଉଙ୍କ୍ତ ଘଟଣାକୁ କେନ୍ଦ୍ରକରି ଯୁବକର ମୃତ ଶରୀରକୁ ଧରି କ୍ଷତି ପୂରଣ ଦାବିରେ ରାସ୍ତାରୋକ କରିଛନ୍ତି ସରପଞ୍ଚଙ୍କ ସମେତ ଗ୍ରାମବାସୀ ।
ଖବର ପାଇ ବେଗୁନିଆ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ , ତେବେ ସ୍ଥାନୀୟ ଲୋକ କିଛି ନ ଶୁଣିବାରୁ ଘଟଣାସ୍ଥଳରେ ପହଞ୍ଚିଥିଲେ ବେଗୁନିଆ ତହସିଲଦାର । ପରେ ଲୋକଙ୍କୁ ବୁଝାଶୁଝା ସହିତ ରେଡ୍ କ୍ରସ୍ ପାଣ୍ଠିରୁ ଦଶ ହଜାର ଟଙ୍କା ରାଶି ପ୍ରଦାନ କରିଥିଲେ । ଅନ୍ୟପଟେ ସ୍ଥାନୀୟ ସରପଞ୍ଚ ମଧ୍ୟ ଉକ୍ତ ପରିବାର ଲୋକଙ୍କୁ ଦଶ ହଜାର ଟଙ୍କା ପ୍ରଦାନ କରିଥିଲେ । ପରେ ରାସ୍ତା ରୋକ୍ ହଟିଥିଲା ।
