ପୁରୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ମହିଳା ମାନଙ୍କ ଅଶ୍ଳୀଳ ଭିଡିଓ ଭାଇରାଲ କରିଦେବ ଓ ପୋଲିସ ଇନ୍ସପେକ୍ଟର ପରିଚୟ ଦେଇ ଅନଲାଇନ ଏକ୍ସପର୍ଟ ଠକକୁ ପୁରୀ ସାଇବର ଥାନା ବୁଧବାର ଗିରଫ କରି କୋର୍ଟଚାଲାଣ କରିଛି । ଏହି ବ୍ଲାକମେଲ ଜଣକ ବାଲେଶ୍ବର ଜିଲ୍ଲା ବାଲିଆପାଳ ଥାନା ଅନ୍ତର୍ଗତ ମୁଣ୍ଡାଣି ଗ୍ରାମର ପୂର୍ଣ୍ଣଚନ୍ଦ୍ର ଜେନାଙ୍କ ୪୫ ବର୍ଷୀୟ ପୁତ୍ର ମାନସ ରଞ୍ଜନ ଜେନା । ୨୦୨୩ ମସିହାରେ ପିପିଲି ର ଇତିଶ୍ରୀଙ୍କ ଠାରୁ ୧ ଲକ୍ଷ ୩୪ ହଜାର ଟଙ୍କା ଧମକାଇ ଫୋନ ପେ ମାଧ୍ୟମରେ ନେଇଯାଇଥିଲା । ନିଜକୁ ଜଣେ ପୁରୀର ଇନ୍ସପେକ୍ଟର ବୋଲି ପରିଚୟ ଦେଇଥିଲା ।
ଇତିଶ୍ରୀଙ୍କୁ ଧମକ ଦେଇଥିଲେ ଯେ ତୁମେ ଯଦି ୨ଲକ୍ଷ ୭୦ହଜାର ଟଙ୍କା ନଦେବ ତେବେ ତୁମର ଅଶ୍ଳୀଳ ଭିଡିଓ ଭାଇରାଲ କରିଦେବି । ଇତିଶ୍ରୀ ଭୟରେ ତାଙ୍କୁ ଫୋନ ପେ ଟ୍ରାନ୍ସଫର କରିଥିଲେ । ଘଟଣା ସେପ୍ଟେମ୍ବର ୫/୨୦୨୩ ମସିହାରେ ଘଟିଥିଲା । ସେହି ମାସ ସେପ୍ଟେମ୍ବର ୧୪ ତାରିଖରେ ଇତିଶ୍ରୀ ସାଇବର ଥାନାରେ ଅଭିଯୋଗ କରିଥିଲେ । ଏ ସମ୍ପର୍କରେ ସାଇବର ଥାନାରେ ୧୬/୨୩ରେ ମାମଲା ରୁଜୁ ହୋଇ ତଦନ୍ତ ଚାଲିଥିଲା । ଏ ସମ୍ପର୍କରେ ପୋଲିସ କୁ କିଛି ସୁରାକ ମିଳିଥିଲା । ଯୁବକ ଜଣକ ମହିଳା ମାନଙ୍କୁ ଭୟ ଦେଖାଇ ଟଙ୍କା ଅନଲାଇନରେ ନେଇ ଯାଉଥିଲା ।
ପୂର୍ବରୁ ଜଣେ ମହିଳା ଏହି ଠକର ଶିକାର ହୋଇଥିଲେ । ତାକୁ ଭୟ ଦେଖାଇ ତା ନାମରେ ଏକ ବ୍ଯାଙ୍କ ଆକାଉଣ୍ଟ ଖୋଲିଥିଲା । ସେହି ବ୍ଯାଙ୍କ ଆକାଉଣ୍ଟକୁ ଇତିଶ୍ରୀଙ୍କ ଟଙ୍କା ଯାଇଥିଲା । ପୋଲିସ ସତର୍କତାର ସହ ତଦନ୍ତ କରି ଏହି ଠକ ଯୁବକକୁ ଧରିଥିଲେ । ଅଭିଯୁକ୍ତ ଠକ ଯୁବକଙ୍କ ଠାରୁ ୫ଟି ମୋବାଇଲ ଫୋନ, ୪ଟି ଏଟିଏମ କାର୍ଡ, ୧ଟି ବ୍ଯାଙ୍କ ପାସବୁକ, ୧ଟି ଚେକବୁକ୍ ଓ ୩୪ଟି ସିମକାର୍ଡ ପୋଲିସ ଜବତ କରିଛି । ଯୁବକ ଜଣକ ବି.ଟେକ୍ ପଢିଥିବାରୁ ଅନଲାଇନ ଠକେଇ କରିବା ଏକ୍ସପର୍ଟ ଥିଲା । ତା ନାମରେ ୭ ଟି ମାମଲା ରହିଛି । ବହୁଥର ମଧ୍ଯ ସେ ଜେଲ ଯାଇଛି ।
ତା ନାମରେ ବଲାଙ୍ଗୀର ସାଇବର ଥାନା, ଭୁବନେଶ୍ୱର ସାଇବର ଥାନା, ବାଲେଶ୍ବର ସାଇବର ଥାନାରେ ୩ଟି ମାମଲା ଓ ବ୍ରହ୍ମପୁର ସାଇବର ଥାନାରେ ୧ଟି ମାମଲା ଓ ଟମକା ଥାନାରେ ୧ଟି ମାମଲା ରହିଛି । ଯୁବକ ଜଣକ କେବଳ ମହିଳା ମାନଙ୍କୁ ଟାର୍ଗେଟ କରୁଥିଲା । ମହିଳା ମାନଙ୍କ ଅଶ୍ଳିଳ ଭିଡିଓ ନଥିଲେ ମଧ୍ଯ ସେ ଅଶ୍ଳୀଳ ଭିଡିଓ ଅଛି କହି ଧମକାଉ ଥିଲା । ପୋଲିସ ଇନ୍ସପେକ୍ଟର ବୋଲି କହୁଥିବା ବେଳେ ତାର କୌଣସି ପ୍ରମାଣ ପୋଲିସ ପାଇପାରି ନାହିଁ ବୋଲି ବୁଧବାର ଅପରାହ୍ନରେ ପୁରୀ ଏସପି ପ୍ରତୀକ ସିଂ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
