ଭୁବନେଶ୍ଵର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଆମର ଦୀର୍ଘ ଦିନର ଦାବିକୁ ସ୍ବୀକାର କରି ଜାତୀୟ ସ୍ବାସ୍ଥ୍ୟ ମିଶନ ତଥା ରାଜ୍ୟ ସରକାରଙ୍କ ଅଧିନସ୍ଥ ଭ୍ରମ୍ୟମାଣ ସ୍ବାସ୍ଥ୍ୟ ଦଳ ର କାର୍ଯ୍ୟରତ ଚୁକ୍ତିଭିତ୍ତିକ ଆୟୁଷ ଡାକ୍ତରମାନଙ୍କ ଦରମା ବୃଦ୍ଧି ପାଇଁ ଗୃହୀତ ଐତିହାସିକ ନିଷ୍ପତ୍ତି ନିମନ୍ତେ ଆମେ ରାଜ୍ୟର ମାନ୍ୟବର ମୁଖ୍ୟମନ୍ତ୍ରୀଙ୍କୁ ହୃଦୟରୁ ଅଭିନନ୍ଦନ ଓ କୃତଜ୍ଞତା ଜଣାଉଛୁ । ଏହା ସହିତ ସ୍ବାସ୍ଥ୍ୟ ମନ୍ତ୍ରୀ, ସ୍ବାସ୍ଥ୍ୟ ବିଭାଗୀୟ ସଚିବ, ସ୍ବାସ୍ଥ୍ୟ ମିଶନ ନିର୍ଦ୍ଦେଶିକା, ଆୟୁଷ ନିର୍ଦ୍ଦେଶିକା, ଅର୍ଥ ବିଭାଗୀୟ ସଚିବ,ଆଇନ ବିଭାଗ ସଚିବ ଓ ଏ ସମ୍ପର୍କିତ ବ୍ୟକତିବିଶେଷଙ୍କୁ ଆୟୁଷ ଡାକ୍ତରଙ୍କ ତରଫରୁ ଅଶେଷ ଅଶେଷ ଧନ୍ୟବାଦ ଓ କୃତଜ୍ଞତା ଜଣାଉଛୁ । ଏହି ସିଦ୍ଧାନ୍ତ ଆମ ସମସ୍ତ ଆୟୁଷ ଡାକ୍ତରମାନଙ୍କ ମନରେ ନୂଆ ଆଶା, ସମ୍ମାନ ଓ ଉତ୍ସାହ ସୃଷ୍ଟି କରିଛି ।
ମୁଖ୍ୟମନ୍ତ୍ରୀଙ୍କ ଏହି ସମୟୋଚିତ ଓ ସହାନୁଭୂତିପୂର୍ଣ୍ଣ ପଦକ୍ଷେପ ତାଙ୍କର ସ୍ବାସ୍ଥ୍ୟ ସେବା ପ୍ରତି ଗଭୀର ଅନୁଭୂଟି ଓ ଡାକ୍ତରମାନଙ୍କ ପ୍ରତି ସମ୍ମାନକୁ ପ୍ରକାଶ କରୁଛି। ରାଜ୍ୟର ଗ୍ରାମୀଣ ଓ ଦୁର୍ଗମ ଅଞ୍ଚଳରେ ସେବା ଦେଉଥିବା ଆୟୁଷ ଡାକ୍ତରମାନଙ୍କ ଅବଦାନକୁ ଏଭଳି ଭାବେ ମୂଲ୍ୟାୟନ କରିବା ଆମ ପାଇଁ ଏକ ବଡ଼ ସମ୍ମାନର ବିଷୟ। ଏହା କେବଳ ଦରମା ବୃଦ୍ଧି ନୁହେଁ, ବରଂ ଆମର ସେବା ଓ ସମର୍ପଣ ପ୍ରତି ସରକାରଙ୍କ ନିଷ୍ଠାପୂର୍ଣ୍ଣ ସ୍ବୀକୃତି I ବର୍ଷକାଳ ଧରି ଗ୍ରାମ ଓ ଦୁର୍ଗମ ଅଞ୍ଚଳରେ ନିଷ୍ଠା ଓ ସମର୍ପଣର ସହିତ ସେବା ଦେଇଆସୁଥିବା ଆମ ପାଇଁ ଏହି ପଦକ୍ଷେପ ଏକ ବଡ଼ ପ୍ରେରଣା । ଏହା ଆମର ମନୋବଳକୁ ବଢ଼ାଇ ଆମକୁ ଆହୁରି ଅଧିକ ଦାୟିତ୍ବବୋଧ ଓ ସମର୍ପଣ ସହିତ ରାଜ୍ୟବାସୀଙ୍କୁ ସେବା କରିବାକୁ ପ୍ରେରିତ କରିବ । ମୁଖ୍ୟମନ୍ତ୍ରୀଙ୍କ ଏହି ଦୃଢ଼ ଓ ମାନବିକ ନେତୃତ୍ବ ପ୍ରତି ଆମେ ଗଭୀର ସମ୍ମାନ ପ୍ରକାଶ କରୁଛୁ ।
ସେହି ସହିତ, ଆମର ନମ୍ର ଅନୁରୋଧ ଯେ ଭବିଷ୍ୟତରେ ଆୟୁଷ ଡାକ୍ତରମାନଙ୍କ ଦୀର୍ଘଦିନର ଆଉ ଏକ ପ୍ରମୁଖ ଦାବି – ଚାକିରିର ନିୟମିତିକରଣ – ପ୍ରତି ମଧ୍ୟ ସରକାର ସହାନୁଭୂତିଶୀଳ ଭାବରେ ବିଚାର କରିବେ । ଆମର ଆଶା, ଏହି ପଦକ୍ଷେପ ମାଧ୍ଯମରେ ଆୟୂଷ ଡାକ୍ତରମାନଙ୍କ ସୁରକ୍ଷିତ ଭବିଷ୍ୟତ ନିଶ୍ଚିତ ହେବ ଏବଂ ରାଜ୍ୟର ସ୍ବାସ୍ଥ୍ୟ ସେବା ଆହୁରି ଶକ୍ତିଶାଳୀ ପୁନର୍ବାର ମାନ୍ୟବର ମୁଖ୍ୟମନ୍ତ୍ରୀ, ସ୍ବାସ୍ଥ୍ୟ ମନ୍ତ୍ରୀ, ସ୍ବାସ୍ଥ୍ୟ ବିଭାଗୀୟ ସଚିବ, ସ୍ବାସ୍ଥ୍ୟ ମିଶନ ନିର୍ଦ୍ଦେଶିକା, ଆୟୁଷ ନିର୍ଦ୍ଦେଶିକା,ଅର୍ଥ ବିଭାଗୀୟ ସଟିବ, ଆଇନ ବିଭାଗ ସଚିବ ଓ ଏ ସମ୍ପର୍କିତ ବ୍ୟକ୍ତିବିଶେଷଙ୍କୁ ଆମର ଅନ୍ତରିକ ଧନ୍ୟବାଦ ଓ କୃତଜ୍ଞତା ଜଣାଉଛୁ ।
