ବୋଲଗଡ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ବୋଲଗଡ ଶିକ୍ଷା ବ୍ଲକ ଅନ୍ତର୍ଗତ ଟାଙ୍ଗୀସାହି ସ୍ଥିତ ରଘୁନାଥ ଉଚ୍ଚ ବିଦ୍ୟାଳୟର ପୁରାତନ ଛାତ୍ର ଜନ୍ମେଜୟ ମାଝୀଙ୍କ ଆବାହକତ୍ୱରେ ୨୦୦୯ ମସିହା ମାଟ୍ରିକ ବ୍ୟାଚର ବନ୍ଧୁମିଳନ ରବିବାର ଦିନ ପଞ୍ଚୁକୋଟ ସ୍ଥିତ ମା’ ରାମଚଣ୍ଡୀ ଶକ୍ତି ପୀଠ ଯାତ୍ରାପଡ଼ିଆ ପରିସରରେ ଅନୁଷ୍ଠିତ ହୋଇଯାଇଅଛି I ଏହି ବନ୍ଧୁମିଳ କାର୍ଯ୍ୟକ୍ରମର ପ୍ରାରମ୍ଭରେ ସ୍ବର୍ଗତ ପୁରାତନ ଛାତ୍ର ଛାତ୍ରୀମାନଙ୍କର ଅମର ଆତ୍ମାର ସଦ୍ଗତି ନିମନ୍ତେ ସମସ୍ତେ ୨ମିନିଟ ନିରବ ପ୍ରାର୍ଥନା କରିଥିଲେ I
ଏହି ବନ୍ଧୁମିଳନ ଉତ୍ସବରେ ପୁରାତନ ଛାତ୍ର ଛାତ୍ରୀ ଓ ସେମାନଙ୍କର ପରିବାର ବର୍ଗ ଯୋଗଦେଇ ପରସ୍ପର ମଧ୍ୟରେ ଭାବର ଆଦାନ ପ୍ରଦାନ କରି ଅତୀତର ଅଭୁଲା ସ୍ମୃତିକୁ ମନେ ପକାଇ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ ପରିବେଷଣ କରିଥିଲେ I ଏହି ବନ୍ଧୁମିଳନ କାର୍ଯ୍ୟକ୍ରମରେ ପୁରାତନ ଛାତ୍ର ଉମାକାନ୍ତ ବେହେରା,ପ୍ରକାଶ ଚନ୍ଦ୍ର ପ୍ରଧାନ ଓ ଜଗନ୍ନାଥ ନାୟକ ପ୍ରମୁଖ ସଂଯୋଜନା କରିଥିଲେ I
ସମସ୍ତ କାର୍ଯ୍ୟକ୍ରମକୁ କରୁଣାକର ବିଶ୍ୱାଳ,ସନ୍ତୋଷ କୁମାର ମାଝୀ,ସନ୍ତୋଷ ସାମନ୍ତରାୟ, ସନ୍ଦୀପ କୁମାର ମାନସିଂହ, ଗିରିଧାରୀ ସ୍ୱାଇଁ,ବାପି ସାମନ୍ତରାୟ, ପ୍ରଭାତ କୁମାର ପାଟ୍ଟଶାଣୀ,ସ୍ନେହଲତା ମାଝୀ,ଲିଜାମୟୀ ପ୍ରଧାନ ଜ୍ୟୋତି ପାଟ୍ଟଶାଣି,ସୌଦାମିନୀ ମାଝୀ,ନିରୁପମା ପ୍ରଧାନ ପ୍ରମୁଖ ସହଯୋଗ କରି ପରିଚାଳନା କରିଥିଲେ I ପରିଶେଷରେ ପ୍ରଦ୍ୟୁମ୍ନ କୁମାର ସୁବୁଦ୍ଧି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ I
