ପୁରୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ ପୁରୀ ସଦର ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ମାରାଥନ ଉଦଘାଟନ କରିଛନ୍ତି । ତଳଜଙ୍ଘ ଗ୍ରାମପଞ୍ଚାୟତର ମଳିକ,ଭୋଇସାହି, ମଶାଣି ମହାବୀରର ପୁନରୁଦ୍ଧାର ପାଇଁ ଫଳକ ଉନ୍ମୋଚନ କରିଥିଲେ । ତଳଜଙ୍ଘ ହାଇସ୍କୁଲ ଓ ମାଇନର ସ୍କୁଲରେ ଗରମ ଓ ଥଣ୍ଡା ପାଣି ପିଇବା ପାଇଁ ଆକ୍ବାୱା ଗାର୍ଡ ର ଶୁଭ ଉଦଘାଟନ କରିଥିଲେ ।
ନଇକୂଳ ସାହି କ୍ଲବ ଘରର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ଗାଦି ସାହିର ଗାଦିବ୍ରହ୍ମ ରୋଷେଇ ଘର ନିମନ୍ତେ ଶିଳାନ୍ୟାସ କରିଥିଲେ । କଳିଙ୍ଗ ର ଲଢୁଆ ପରମ୍ପରା ପାଇକଆଖଡ଼ା ବଞ୍ଚାଇବାକୁ ଯାଇ ପାଇକ ଆଖଡ଼ା ଗୃହର ଶିଳାନ୍ୟାସ କରିଥିଲେ । ଚୈତନ୍ୟ ମହାପ୍ରଭୁଙ୍କ ଆଶ୍ରୟସ୍ଥଳ ର ଶୁଭ ଉଦଘାଟନ କରିଥିଲେ ।
ମା ଜାଗୁଳାଇ କ୍ଳବ ର ଶୌଚାଳୟର ଭିତ୍ତି ପ୍ରସ୍ତର ସ୍ଥାପନ କରିଥିଲେ । କାଠପୋଲ ଠାରୁ ତଳଜଙ୍ଘ ରାସ୍ତାର ପୁନଃଉଦ୍ଧାର, ନଦୀବନ୍ଧର ସୁରକ୍ଷା ,ତୁଳସୀ ଚଉରା ଠାରୁ ତଳଜଙ୍ଘ ରାସ୍ତାର ଉନ୍ନତି କରଣ, ଅମ୍ପତରା ସାହିକୁ ଜଳଯୋଗାଣ ଏବଂ ନଈକୂଳ ସାହିର ଦୁଇଟି ନଳକୂପ ଶୁଭ ଉଦଘାଟନ କରିଥିଲେ । ରାଜ୍ଯସଭା ସାଂସଦଙ୍କ ଏହି ମାରାଥନ କାର୍ଯ୍ୟକ୍ରମ ଦେଖି ସଦରବ୍ଲକରେ ଶୁଭାଶିଷଙ୍କ ଲୋକପ୍ରିୟତା ବୃଦ୍ଧି ପାଉଥିବା ପରିଲକ୍ଷିତ ହୋଇଥିଲା ।
