ମା’ ବାଗଦେବୀଙ୍କ ଯାତ୍ରା ଉତ୍ସବ ମହାସମାରୋହରେ ପାଳିତ।
ନୂଆଗାଁ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଜାକେଡ଼ା ଗ୍ରାମ ପଞ୍ଚାୟତ ୩୦ଖଣ୍ଡ କୋରଡ଼ାମାଳ ମୌଜା କନ୍ଧଖାଲମଡ଼ା ପୋଡ଼ାଗଡ ଠାରେ ମା’ ବାଗଦେବୀ ଠାକୁରାଣୀଙ୍କ ପୀଠରେ ବାର୍ଷିକ ଯାତ୍ରା ଅନୁଷ୍ଠିତ ହୋଇଯାଇଛି । ଏହି ଯାତ୍ରା ଉତ୍ସବରେ ରବିବାର ଠାରୁ ମଙ୍ଗଳବାର ପର୍ଯ୍ୟନ୍ତ ୩ଦିନ ଧରି ପର୍ଶୁରାମ ମାତୃ ହତ୍ୟା,
ତ୍ରିପୁରା ବିଜୟୀ ନାଗାର୍ଜୁନ ଓ ରାମ ଜନ୍ମ ମହାଆଡମ୍ବରରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ବାର୍ଷିକ ଯାତ୍ରା ଉତ୍ସବରେ ମୁଖ୍ୟ ଅତିଥି ଭାବେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଯୋଗଦେଇ ମା’ ଙ୍କୁ ଦର୍ଶନ କରିବା ସହ ସମସ୍ତ ଅଞ୍ଚଳବାସୀଙ୍କ ସୁଖ ,ସମୃଦ୍ଧି କାମନା କରିଥିଲେ ।
ଅଞ୍ଚଳର ବିଭିନ୍ନ ସମସ୍ୟା ଉପରେ ପଚାରି ବୁଝିବା ସହ ମା ’ ଙ୍କ ମନ୍ଦିରର ଉନ୍ନତି କରଣ ଓ ମା’ ଙ୍କ ପୀଠରେ ପାନୀୟ ଜଳ ସମସ୍ୟା ଲାଗି ରହୁଥିବା ନେଇ ଏକ ନଳକୂପ ଖନନ କରିବା ପାଇଁ ପ୍ରତିଶୃତି ଦେଇଥିଲେ । ତତ ସହିତ ଆଗାମୀ ଦିନରେ ସମଗ୍ର ଅଞ୍ଚଳର ବିକାଶ ଉପରେ ଗୁରୁତ୍ୱ ଦିଆଯିବ ବୋଲି ଦଶପଲ୍ଲା ବିଧାୟକ ଶ୍ରୀ ବେହେରା ପ୍ରକାଶ କରିଥିଲେ ।
ସମ୍ମାନିତ ଅତିଥି ବ୍ଲକ ଅଧ୍ୟକ୍ଷା ଙ୍କ ପ୍ରତିନିଧି ଶଙ୍କର୍ଷଣ ବେହେରା,ସରପଞ୍ଚ ପ୍ରତିନିଧି ବୁଲୁ ମଳିକ,ସମିତି ସଭ୍ୟା ପ୍ରଭାତୀ ମଳିକ,ପାରାଢ଼ିପି ସରପଞ୍ଚ ବିଭୂତି ଭୂଷଣ ପ୍ରଧାନ, ପ୍ରକାଶ କୁମାର ନାୟକ,ଇନ୍ଦ୍ର ମଳିକ ଓ ପ୍ରକାଶ ମଳିକ ପ୍ରମୁଖ ମଞ୍ଚାସିନ ଥିଲେ।ଏହି ଉତ୍ସବ ଦୀର୍ଘ ୫୦ ବର୍ଷରୁ ଉର୍ଦ୍ଧ୍ୱ ହୋଇ ଆସୁଥିବା ମା’ ବାଗଦେବୀ ଯାତ୍ରା କମିଟିର ସଭାପତି ନରସିଂହ ଜାନି,
ଉପସଭାପତି ମଣ୍ଡୁଆ ମଳିକ, ସମ୍ପାଦକ ଅଇଁଠା ମଳିକ ମତାମତ ଦେଇଥିଲେ । ଏହି ସାଂସ୍କୃତିକ କାର୍ଯ୍ୟକ୍ରମ ଦେଖିବା ପାଇଁ ବିଭିନ୍ନ ଅଞ୍ଚଳରୁ ଜନସମାଗମ ହୋଇଥିବା ଦେଖିବାକୁ ମିଳିଥିଲା । ମା’ ବାଗଦେବୀ ଠାକୁରାଣୀଙ୍କ ବାର୍ଷିକ ଯାତ୍ରା ସମସ୍ତ ଅଞ୍ଚଳବାସୀଙ୍କ ସହଯୋଗରେ ଶାନ୍ତିଶୃଙ୍ଖଳା ସହ ସମାପନ ହୋଇଥିଲା ।
