କଣ୍ଟାବାଞ୍ଜି (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- କେ.ଭି. ଉଚ୍ଚ ମାଧ୍ୟମିକ ବିଦ୍ୟାଳୟ, କଣ୍ଟାବାଞ୍ଜି ଦ୍ୱାରା +2 ଦ୍ୱିତୀୟ ବର୍ଷର ଛାତ୍ରଛାତ୍ରୀମାନଙ୍କୁ ବିଦାୟ ଜଣାଇବା ଉଦ୍ଦେଶ୍ୟରେ “ଅଭ୍ୟୁଦୟ” ନାମକ ଏକ ବିଦାୟ ସହ ଫନ୍ ଫେଷ୍ଟ କାର୍ଯ୍ୟକ୍ରମ ଅତ୍ୟନ୍ତ ଆଡମ୍ବର ଓ ସଫଳତାର ସହିତ ଆୟୋଜିତ ହୋଇଥିଲା ।
ଏହି କାର୍ଯ୍ୟକ୍ରମଟି ଛାତ୍ରଜୀବନର ଏକ ସ୍ମରଣୀୟ ମୁହୂର୍ତ୍ତ ଭାବେ ସମସ୍ତଙ୍କ ମନରେ ଗଭୀର ଛାପ ଛାଡ଼ିଦେଇଥିଲା । ପ୍ରଧାନଶିକ୍ଷକ ଡ଼. ମନୋଜ ପଟ୍ଟନାୟକଙ୍କ ଅଧ୍ୟକ୍ଷତାରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା l
ଏହି ଅବସରରେ ଉପସ୍ଥିତ ଥିବା ଗରିମାମୟ ଅତିଥିମାନେ ହେଲେ :-
ଶ୍ରୀ ଲକ୍ଷ୍ମଣ ବାଗ, ମାନନୀୟ ବିଧାୟକ, କଣ୍ଟାବାଞ୍ଜି
ଶ୍ରୀ ବରିୟମ୍ ସିଂହ ସାଲୁଜା, ଅଧ୍ୟକ୍ଷ, NAC କଣ୍ଟାବାଞ୍ଜି;
ଶ୍ରୀ ରାଜେନ୍ଦ୍ର ପୁରୋହିତ, ଅଧ୍ୟକ୍ଷ, ମହିଳା ଡିଗ୍ରୀ କଲେଜ,କଣ୍ଟାବାଞ୍ଜି
ଶ୍ରୀ ପ୍ରଶାନ୍ତ ପଣ୍ଡା, ଅଧ୍ୟକ୍ଷ, ଖରିଆର ସ୍ୱାୟତ୍ତ ମହାବିଦ୍ୟାଳୟ;
ଶ୍ରୀ ପ୍ରଫୁଲ୍ଲ ନାୟକ, ସଭାପତି, ବାର ଆସୋସିଏସନ୍, କଣ୍ଟାବାଞ୍ଜି
କାର୍ଯ୍ୟକ୍ରମ ଅବସରରେ ବିଦ୍ୟାଳୟର ପୂର୍ବତନ ଦେହାନ୍ତ ହୋଇଥିବା ପରିଚାଳନା କମିଟି ର ସଦସ୍ୟ ଓ କର୍ମଚାରୀମାନଙ୍କ ସ୍ମୃତିରେ ଏକ ଶ୍ରଦ୍ଧାଞ୍ଜଳି ସଭା ଆୟୋଜିତ ହୋଇଥିଲା, ଯାହା ଅତ୍ୟନ୍ତ ଭାବପୂର୍ଣ୍ଣ ଓ ଗମ୍ଭୀର ପରିବେଶ ସୃଷ୍ଟି କରିଥିଲା । ଏହି ସମଗ୍ର କାର୍ଯ୍ୟକ୍ରମର ସଫଳ ଆୟୋଜନ ପାଇଁ +2 ଇନ୍-ଚାର୍ଜ ଶ୍ରୀ ରାଜେଶ କୁମାର ମହାନ୍ତିଙ୍କର ଅବଦାନ ଅତ୍ୟନ୍ତ ପ୍ରଶଂସନୀୟ ଥିଲା । ତାଙ୍କର ନେତୃତ୍ୱ, ପରିକଳ୍ପନା ଓ ଅକ୍ଳାନ୍ତ ପରିଶ୍ରମ ଦ୍ୱାରା ଏହି କାର୍ଯ୍ୟକ୍ରମଟି ଏକ ଅଦ୍ଭୁତ ସଫଳତା ହାସଲ କରିଥିଲା ।
ଏହା ସହିତ, TK Musical, Mumbai ଦଳକୁ ଆମନ୍ତ୍ରଣ କରାଯାଇଥିଲା, ଯେଉଁମାନେ ସଙ୍ଗୀତ ମାଧ୍ୟମରେ ସମଗ୍ର ପରିବେଶକୁ ଉତ୍ସବମୟ କରିଥିଲେ । +2 ପ୍ରଥମ ବର୍ଷର ଛାତ୍ରଛାତ୍ରୀମାନେ ସୁନ୍ଦର ଭାବରେ ଗୀତ, ନୃତ୍ୟ, ଆଙ୍କରିଂ ଇତ୍ୟାଦି ସାଂସ୍କୃତିକ କାର୍ଯ୍ୟକ୍ରମ ପ୍ରସ୍ତୁତ କରି ସମସ୍ତଙ୍କୁ ମନୋହର କରିଥିଲେ ।
ତାଙ୍କର ପ୍ରତିଭା ଓ ଶିଷ୍ଟାଚାର ସଭାକୁ ଅଧିକ ଆକର୍ଷଣୀୟ କରିଥିଲା । ଏହି ଅବସରରେ ସମସ୍ତ ଗଣ୍ୟମାନ୍ୟ ଅତିଥି, ସ୍ଥାନୀୟ ମାଧ୍ୟମ ପ୍ରତିନିଧି, କଲେଜର ପୂର୍ବତନ ଛାତ୍ରଛାତ୍ରୀ ଓ କେ.ଭି. କଲେଜ, କଣ୍ଟାବାଞ୍ଜି ର ସମସ୍ତ ପୂର୍ବତନ ପ୍ରଧାନଶିକ୍ଷକମାନଙ୍କୁ ଉପଧୌକନ, ସ୍ମୃତିଚିହ୍ନ ଓ ପୁଷ୍ପଗୁଚ୍ଛ ଦ୍ୱାରା ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମ ରେ ଅନୁଷ୍ଠାନ ର ସମସ୍ତ କର୍ମଚାରୀ ମାନେ ସହଯୋଗ କରିଥିଲେ ।
