ଅଧକ୍ଷାଙ୍କ ନିର୍ଯ୍ୟାତନା ବିରୋଧରେ ଅଧ୍ୟାପକଙ୍କ ନିରବ ପ୍ରତିବାଦ

ରାଜସୁନାଖଳା ମହାବିଦ୍ୟାଳୟରେ ଅଧ୍ୟକ୍ଷା ସଂଯୁକ୍ତା ମିଶ୍ରଙ୍କ ଅନ୍ୟାୟ, ଅନୀତି ଓ ନିର୍ଯ୍ୟାତନା ବିରୋଧରେ ଅଧ୍ୟାପକଙ୍କ ନୀରବ ପ୍ରତିବାଦ l

ରଣପୁର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :-  ରଣପୁର ଶିକ୍ଷାବ୍ଲକ ଅନ୍ତର୍ଗତ ରାଜସୁନାଖଳା ମହାବିଦ୍ୟାଳୟରେ ଅଧ୍ୟକ୍ଷା ସଂଯୁକ୍ତା ମିଶ୍ର ଦାୟିତ୍ଵ ଗ୍ରହଣ କରିବା ପରଠାରୁ ମହାବିଦ୍ୟାଳୟରେ ଅନ୍ୟାୟ, ଅନୀତି କାର୍ଯ୍ୟରେ ଲିପ୍ତ ରହିବା ସହିତ ମହାବିଦ୍ୟାଳୟରେ କାର୍ଯ୍ୟରତ କର୍ମଚାରୀମାନଙ୍କୁ ଦୁର୍ବ୍ୟବହାର କରିଆସୁଛନ୍ତି l

ଏହି ସମ୍ପର୍କରେ ଉପରିସ୍ଥ ଅଧିକାରୀ ତଥା ନୟାଗଡ଼ ଜିଲ୍ଲାର ଉପଜିଲ୍ଲାପାଳଙ୍କୁ କର୍ମଚାରୀ ବୃନ୍ଦ ବାରମ୍ବାର ଅଭିଯୋଗ କରିବା ସତ୍ତ୍ଵେ ଉପଜିଲ୍ଲାପାଳ କୌଣସି ପଦକ୍ଷପ ଗ୍ରହଣ ନ କରିବା ଦ୍ୱାରା ଅଧକ୍ଷା ମହୋଦୟ ଙ୍କର ବେଖାତିର୍ ଭାବ ବହୁମାତ୍ରାରେ ବଢି ବଢି ଚାଲିଛି ଏବଂ ଆକ୍ରୋଶ ମୂଳକ ଭାବେ ଅଧ୍ଯକ୍ଷା ମହାବିଦ୍ୟାଳୟର ପରିଚାଳନା କମିଟି ଦ୍ଵରା ସ୍ଥାୟୀ ନିଯୁକ୍ତି ପ୍ରାପ୍ତ ଅଧ୍ୟାପକ ଡ. ପଦ୍ମ ଚରଣ ସାହୁଙ୍କୁ ଶାରୀରିକ ଏବଂ ମାନସିକ ନିର୍ଯ୍ୟାତନା ଦେଉଛନ୍ତି

ଯେପରିକି ଅଧ୍ୟାପକ ମହୋଦୟଙ୍କୁ ଅଧକ୍ଷା ନିଜର ଅଇଁଠା ଚା ଏବଂ କଫି ପିଇବା ପାଇଁ ବାଧ୍ୟ କରିବା, ନିଜ ଅଫିସ ରେ ଅଧ୍ୟାପକ ଙ୍କୁ କାନଧରି ବସାଉଠା କରିବା ସହିତ ଅଧ୍ୟାପକଙ୍କ ଭଉଣୀ ବାହାଘର ସମୟରେ ତାଙ୍କୁ ଛୁଟି ପ୍ରଦାନ ନକରି ତୋ ବାପା ଝିଅ ବାହାଘର କରିବେ ତୁ କଣ ପାଇଁ ଛୁଟି ନବୁ ତତେ ଛୁଟି ଦେବିନି ତତେ ଯଦି ବନ୍ଧୁ ନିମନ୍ତ୍ରଣ କରିବାର ଅଛି ଫୋନରେ କହିଦେ ନହେଲେ l

ସେ ବନ୍ଧୁ ମାନଙ୍କ ସହିତ ଗୁଆ ସମ୍ପର୍କ କାଟି ଦେ କହିବା ସହିତ ଦୁର୍ବ୍ୟବହାର ପ୍ରଦର୍ଶନ କରୁଛନ୍ତି, ଦରମା ବନ୍ଦ କରିବାର ଧମକ ଦେଖାଇ ଅନୈତିକ କାର୍ଯ୍ୟରେ ତାଙ୍କ ସାଥ୍ ଦବାକୁ ବାଧ୍ୟ କରିବା ସହିତ ତାଙ୍କୁ ସମର୍ଥନ ନ ଜଣାଇଲେ ଆଗକୁ ଚାକିରି ବାବଦରେ ହେବାକୁ ଥିବା ସରକାରୀ ଭେରିଫିକେସନ୍ ରେ ବାଧା ସୃଷ୍ଟି କରିବା ସହିତ ଭେରିଫିକେସନ୍ କରେଇ ଦେବେ ନାହିଁ ବୋଲି ଧମକ ଦେଉଛନ୍ତି

ଏବଂ ମନଗଢ଼ା, ଭିତ୍ତିହୀନ, ଅମୂଳକ ଦୋଷାରୋପ କରି ନୋଟିସ ଜାରି କରି ମାନସିକ ସ୍ତରରେ ଚାପ ପ୍ରୟୋଗ କରୁଅଛନ୍ତି| ଏଥି ସହିତ ମହାବିଦ୍ୟାଳୟର ବାର୍ଷିକ କ୍ରୀଡା ଉତ୍ସବ ବାବଦରେ ଖର୍ଚ୍ଚର ବିଲ୍ କରେଇବା ପାଇଁ ଅଧ୍ୟକ୍ଷା 15000/_ ଟଙ୍କା ଓ ପିଲାଙ୍କର ବିଶ୍ୱବିଦ୍ୟାଳୟ ଖେଳର TA ଏବଂ DA ଟଙ୍କାରୁ 2500/_ ଟଙ୍କା ଡ. ପଦ୍ମ ଚରଣ ସାହୁଙ୍କ ଠାରୁ ନେଇଥିବା ନିଜେ ଅଧ୍ୟାପକ ଡ. ପଦ୍ମ ଚରଣ ସାହୁ ପ୍ରକାଶ କରିଛନ୍ତି l

ପରିଣାମ ସ୍ୱରୂପ ଆଜିଠାରୁ ଜୈନିକ ଅଧ୍ୟାପକ ମହୋଦୟ ଅଧ୍ୟକ୍ଷାଙ୍କ କାର୍ଯ୍ୟାଳୟ ସମ୍ମୁଖରେ କଳା ବ୍ୟାଜ୍ ପରିଧାନ କରି, ପ୍ଲାକାର୍ଡ ଧରି ନୀରବ ପ୍ରତିବାଦରେ ବସିରହିଛନ୍ତି ! ଆଜି ମହାବିଦ୍ୟାଳୟର ପ୍ରତିଷ୍ଠା ଦିବସରେ ମୁଖ୍ୟତିଥିଭାବେ ବିଧାନସଭା ବାଚସ୍ପତି ତଥା ରଣପୁର ବିଧାୟିକା ସୁରମା ପାଢ଼ୀ ଯୋଗଦେଇଥିବା ବେଳେ ଅଧ୍ୟାପକ ଡ଼ ପଦ୍ମ ଚରଣ ସାହୁ ଅଧ୍ୟକ୍ଷାଙ୍କ ନିର୍ଯ୍ୟାତନା ବିଷୟରେ ଅବଗତ କରାଅଛନ୍ତି l

ଏଥି ବାଚସ୍ପତୀଙ୍କୁ ଅଧ୍ୟାପକ ଶ୍ରୀ ସାହୁ ଲିଖିତ ଦାବିପତ୍ର ପ୍ରଦାନ କରିଥିଲେ l ଅଧ୍ୟାପକ ଶ୍ରୀ ସାହୁଙ୍କ ସୂଚନା ଅନୁସାରେ ଉପରିସ୍ଥ ଅଧିକାରୀ ଏହାର ବିଚାର କରି ସମାଧାନର ବାଟ ବାହାର ନକରିବା ପର୍ଯ୍ୟନ୍ତ ସେ ନୀରବ ପ୍ରତିବାଦ ଜାରି ରଖିବେ l ଏହି ସମ୍ପର୍କରେ ଅଧକ୍ଷାଙ୍କ ମତାମତ ନେବାକୁ ଚେଷ୍ଟା କରିବାରୁ ସେ କୌଣସି ପ୍ରତିକ୍ରିୟା ନଦେଇ ଏଡ଼େଇ ଚାଲି ଯାଇଥିଲେ l