ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ରାଜସୁନାଖଳା ଗ୍ରାମପଞ୍ଚୟତସ୍ଥିତ ସରକାରୀ ଉଚ୍ଚ ବିଦ୍ୟାଳୟର ୧୯୭୬ମାଟ୍ରିକ ବ୍ୟାଚ ଛାତ୍ରଛାତ୍ରୀମାନଙ୍କ ସ୍ବର୍ଣ୍ଣ ଜୟନ୍ତି ବନ୍ଧୁମିଳନ କାର୍ଯ୍ୟକ୍ରମ ରାଜସୁନାଖଳାସ୍ଥିତ କୋଟଗଡ଼ ଅନନ୍ତ ଗୁମ୍ଫାନିକଟରେ ୧୯୭୬ ମସିହା ମାଟ୍ରିକ ବ୍ୟାଚର ଛାତ୍ର ପୂର୍ଣଚନ୍ଦ୍ର ନାୟକଙ୍କ ଆବାହକତ୍ୱରେ ରବିବାରଦିନ ମହାଆଡମ୍ବର ସହକାରେ ସ୍ବର୍ଣ୍ଣ ଜୟନ୍ତୀ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି l
ଏହି ସ୍ବର୍ଣ୍ଣ ଜୟନ୍ତୀ ବନ୍ଧୁମିଳନ କାର୍ଯ୍ୟକ୍ରମରେ ୭୦ରୁ ଉର୍ଦ୍ଧ ପୁରାତନ ଛାତ୍ରଛାତ୍ରୀମାନେ ଏକତ୍ରିତ ହୋଇ ଅତ୍ୟନ୍ତ ଉତ୍ସାହିତ ଓ ଆନନ୍ଦିତ ସହ ପୁରୁଣା ସ୍ମୃତିକୁ ଉଜ୍ଜୀବିତ କରି ସ୍କୁଲ ସମୟର ସେହି ପୁରୁଣା ସମୟକୁ ମନ ପକାଇଥିଲେ । ଶିକ୍ଷାନୁଷ୍ଠାନ ବିନା ଶିକ୍ଷାର ବିକାଶ ଓ ପ୍ରଗତି ଅସମ୍ଭବ ବୋଲି ଆବାହକ ପୂର୍ଣ୍ଣା ଚନ୍ଦ୍ର ନାୟକ ଉପସ୍ଥିତ ବନ୍ଧୁ ଓ ତାଙ୍କର ପିଲାମାନଙ୍କୁ ପରାମର୍ଶ ଦେଇଥିଲେ l
ଏହି କାର୍ଯ୍ୟକ୍ରମକୁ ସତ୍ୟରଞ୍ଜନ ସେଠୀ, ପ୍ରଦୀପ କୁମାର ବିଶୋଇ,ସୁବ୍ରତ ସିଂହଦେଓ,ପୂର୍ଣ୍ଣ ଚନ୍ଦ୍ର ସାହୁ, କୃଷ୍ଣପ୍ରିୟା ଦାସ, ଆରତୀ ମହାପାତ୍ର, ମଞ୍ଜୁଲତା ସାହୁ, ପ୍ରଫୁଲ କୁମାର ଦାସ, ବିଜୟ କୁମାର ରଥ ପ୍ରଫୁଲ କୁମାର ସାହୁ, ଜୟକୃଷ୍ଣ ବରାଳ ପ୍ରମୁଖ ସହଯୋଗ କରି ପରିଚାଳନା କରିଥିଲେ l ୧୯୭୬ମାଟ୍ରିକ ବ୍ୟାଚ ସ୍ବର୍ଣ୍ଣ ଜୟନ୍ତୀ ବନ୍ଧୁମିଳନ କାର୍ଯ୍ୟକ୍ରମରେ ବହୁ ଛାତ୍ରଛାତ୍ରୀ ଓ ପରିବାରବର୍ଗ ଯୋଗଦେଇଥିଲେ l
ଆଗାମୀ ବର୍ଷ ଏହି ବନ୍ଧୁମିଳନ କାର୍ଯ୍ୟକ୍ରମରେ ସମସ୍ତ ବନ୍ଧୁମାନଙ୍କୁ ଏକତ୍ର କରି ସରସ ସୁନ୍ଦର ସହ ଧୂମଧାମରେ ପାଳନ କରିବାକୁ ଆବାହକ ପୂର୍ଣ୍ଣ ଚନ୍ଦ୍ର ନାୟକ ସୂଚନା ଦେଇଥିଲେ l ସ୍ବର୍ଗତ ବନ୍ଧୁ ଓ ଗୁରୁମାନଙ୍କୁ ମନେପକାଇ ଦୁଃଖ ପ୍ରକାଶ କରି ଅମର ଆତ୍ମାମାନଙ୍କର ସଦଗତି ପାଇଁ ୨ମିନିଟ ନୀରବ ପ୍ରାର୍ଥନା କରିଥିଲେ l ପରିଶେଷରେ ପୂର୍ଣ୍ଣ ଚନ୍ଦ୍ର ସାହୁ ସମସ୍ତଙ୍କର ନିରୋଗ ଜୀବନ କାମନା କରି ଧନ୍ୟବାଦ ଅର୍ପଣ କରିଥିଲେ l
