ପୁରୀ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ପବିତ୍ର ଧର୍ମକ୍ଷେତ୍ର ଶ୍ରୀକ୍ଷେତ୍ର । ପବିତ୍ର ତୀର୍ଥ ପୁଷ୍କରଣୀ ଶ୍ବେତଗଙ୍ଗାରେ ପିଣ୍ଡଦାନ କଲେ ପିତୃପୁରୁଷ ଶାନ୍ତି ହୋଇଥାନ୍ତି ବୋଲି ବିଶ୍ଵାସ ରହିଛି । ଗଙ୍ଗାଜଳ ପରି ପବିତ୍ର ଶେତ୍ବଗଙ୍ଗା ଜଳ । ବୁଧବାର ସକାଳୁ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶ୍ବେତଗଙ୍ଗାରେ ପିଣ୍ଡଦାନ କରିବେ । ଏଥିପାଇଁ ଝଲସି ଉଠୁଛି ଶ୍ବେତଗଙ୍ଗା ପୁଷ୍କରିଣୀର ଚତୁଃପାର୍ଶ୍ଵ । ଆଲୋକ ମାଳାରେ ଉଜ୍ଜ୍ବଳମୟ ହୋଇଛି ଶ୍ବେତଗଙ୍ଗା ।
ଶ୍ବେତଗଙ୍ଗା ପାହାଚରେ ଝୋଟି ଚିତା ପଡିଛି । ପାହାଚର ମଝିରେ ଷ୍ଟିଲ ବ୍ଯାରିକେଡ ହୋଇଛି । ଚାରିପଟ ରଙ୍ଗ କରାଯାଇଛି । ପିଣ୍ଡଦାନ କରିବା ପାଇଁ ଥିବା ଶ୍ରୋତ୍ରୀୟ ବ୍ରାହ୍ମଣଙ୍କ ମନ୍ତ୍ର ଉଚ୍ଚାରଣରେ ପ୍ରକମ୍ପିତ ହେବ ଶ୍ବେତଗଙ୍ଗା ପରିସର । ଶ୍ବେତଗଙ୍ଗା ପାଣି ପରିଷ୍କାର ପରିଚ୍ଛନ୍ନ କରାଯାଇଛି । ପ୍ରଶାସନ ପକ୍ଷରୁ ସମସ୍ତ ବ୍ଯବସ୍ଥା କରାଯାଇଛି ।
ରାଷ୍ଟ୍ରପତିଙ୍କ ଗସ୍ତ ଯୋଗୁ ଶ୍ବେତଗଙ୍ଗା ଉର୍ନ୍ନତିକରଣ ହୋଇଛି । ପୋଲିସ ପକ୍ଷରୁ ବ୍ଯାପକ ସୁରକ୍ଷା ବ୍ଯବସ୍ଥା କରାଯାଇଛି । ବନ୍ଧୁକଧାରୀ ପୋଲିସ ପୁଷ୍କରିଣୀର ଚାରିପଟେ ଥିବା ଉଚ୍ଚ କୋଠାରେ ଜଗିରହିବେ । ପିଣ୍ଡଦାନ ପରେ ରାଷ୍ଟ୍ରପତି ଶ୍ରୀମନ୍ଦିର ଯାଇ ଶ୍ରୀଜୀଉଙ୍କୁ ଦର୍ଶନ କରିବେ ।
