କଟକ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ୭୭ ତମ ସାଧାରଣତନ୍ତ୍ର ଦିବସ ଅବସରରେ ଭୁବନେଶ୍ୱରରେ ଏକ ବର୍ଣ୍ଣାଢ୍ୟ ଉତ୍ସବରେ ପୋଲିସ୍ ସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ଯୋଗୁଁ ଯେଉଁ ଅଧିକାରୀମାନଙ୍କୁ ଓଡ଼ିଶାର ମାନ୍ୟବର ରାଜ୍ୟପାଳ ପୁରସ୍କୃତ କରିଥିଲେ ,ସେମାନଙ୍କ ମଧ୍ୟରେ ଥୂଲେ କଟକ ୬ଷ୍ଠ ସ୍ବତନ୍ତ୍ର ଆରକ୍ଷୀ ସୁରକ୍ଷା ବଳ ତଥା ପୋଲିସ୍ ମୋଟର ପରିବହନ ବିଭାଗର ଅଧୂକ୍ଷକ ଶ୍ରୀ ସୂର୍ଯ୍ୟନାରାୟଣ ମଲ୍ଲିକ । ଏହି ଅଧିକାରୀ ଜଣକ ୬ଷ୍ଠ ବାଟାଲିୟନର ଦାୟିତ୍ୱ ଗ୍ରହଣ କରିବା ପରଠାରୁ ଏହି ବାଟାଲିୟନ ବିଭିନ୍ନ ସ୍ଥାନରେ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିବା ସହ ଦଳଗତ ଭାବେ ଶ୍ରେଷ୍ଠ ବାଟାଲିୟନ,
କ୍ରୀଡ଼ା କ୍ଷେତ୍ରରେ ଶ୍ରେଷ୍ଠ ଦଳ ଓ ଶ୍ରେଷ୍ଠ କମାଣ୍ଡୋ ଦଳ ଭାବେ ପ୍ରଥମ ସ୍ଥାନ ଅଧିକାର କରି କଟକ ପୋଲିସ୍ ବିଭାଗକୁ ସୁନାମ ଆଣି ଦେଇଛି । ବାଟାଲିୟନର ଦୂର୍ଗପତି ଶ୍ରୀ ମଲ୍ଲିକ ଙ୍କ ତତ୍ୱାବଧାନରେ ଏହି ବାଟାଲିୟନ ପରିସରରେ ପ୍ରଥମ ଥର ଲାଗି ମହାପ୍ରଭୁ ଶ୍ରୀଜଗନ୍ନାଥଙ୍କର ରଥ ତିଆରିର ଶୁଭାରମ୍ଭ ହେବା ସହ ଶ୍ରୀଗୁଣ୍ଡିଚା ମନ୍ଦିରର ନିର୍ମାଣ ହୋଇପାରିଛି । ଯାହାକି ଦୂର୍ଗପତିଙ୍କର ଧାର୍ମିକ ଭାବନାର ଏକ ଉଦାହରଣ ବୋଲି ଜଣାଯାଏ । ଦୂର୍ଗପତି ଶ୍ରୀ ମଲ୍ଲିକ ଏକାଧାରରେ ଜଣେ ଶ୍ରେଷ୍ଠ ପ୍ରଶାସକ,
ଶୃଙ୍ଖଳିତ ବ୍ୟକ୍ତିତ୍ୱ, ମିଷ୍ଟଭାଷୀ ଓ ସନାତନ ଧର୍ମର ସୁରକ୍ଷାକାରୀ । ଭାରତର ମହାମହିମ ରାଷ୍ଟ୍ରପତି ଦ୍ବାରା ମନୋନୀତ ହୋଇଥିବା ଶ୍ରୀ ସୂର୍ଯ୍ୟନାରାୟଣ ମଲ୍ଲିକଙ୍କୁ ୭୭ ତମ ସାଧାରଣତନ୍ତ୍ର ଦିବସରେ ଭୂବନେଶ୍ୱର ଠାରେ ଏକ ବର୍ଣ୍ଣାଢ୍ୟ ପରିବେଶରେ ଓଡ଼ିଶାର ରାଜ୍ୟପାଳ ଶ୍ରୀ ହରିଭାଇ କମ୍ବୁପତି ଏହି ରାଷ୍ଟ୍ରପତି ପଦକ ଶ୍ରୀ ମଲ୍ଲିକଙ୍କୁ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଓ
ଅନ୍ୟାନ୍ୟ ମନ୍ତ୍ରୀଙ୍କ ସହ ଓଡ଼ିଶାର ବହୁ ପ୍ରଶାସନିକ ଅଧିକାରୀ ତଥା ଓଡ଼ିଶା ପୋଲିସ୍ ବିଭାଗ ର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ଏହି ରାଷ୍ଟ୍ରପତି ପଦକ ପ୍ରାପ୍ତ ଦୂର୍ଗପତିଙ୍କୁ ପାଇ ବାଟାଲିୟନର ସମସ୍ତ ଅଧିକାରୀ ଓ କର୍ମଚାରୀଙ୍କ ମନରେ ଉତ୍ସାହ ଦେଖିବାକୁ ମିଳିଥିଲା । ଶ୍ରୀ ମଲ୍ଲିକ ବାଟାଲିୟନ ପରିସରରେ ପହଞ୍ଚିବା ପରେ ବାଟାଲିୟନ ପକ୍ଷରୁ ଏକ ସ୍ୱତନ୍ତ୍ର ଶୋଭାଯାତ୍ରାରେ ଶ୍ରୀ ମଲ୍ଲିକଙ୍କୁ ସ୍ବାଗତ କରାଯାଇଥିଲା ।
