କଟକ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ସମଗ୍ର ଭାରତବର୍ଷ ୭୭ ତମ ସାଧାରଣତନ୍ତ୍ର ଦିବସ ପାଳନ କରୁଥିବା ବେଳେ ଆଜି କଟକର ଇଣ୍ଡୋର ଷ୍ଟାଡିୟମ୍ ଠାରେ ଆୟୋଜିତ ଏକ ରକ୍ତଦାନ ଶିବିର କାର୍ଯ୍ୟକ୍ରମରେ ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ ଯୋଗ ଦେଇ ସ୍ୱପ୍ନ ଫାଉଣ୍ଡେସନକୁ ପ୍ରସଂଶା କରିବା ସହ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ। ଆଉ ମଧ୍ୟ ମୂଖ୍ୟ ମନ୍ତ୍ରୀ ଶ୍ରୀଯୁକ୍ତ ମାଝୀ କଟକର ବାରବାଟି ଷ୍ଟାଡିୟମରେ ସାଧାରଣ ତନ୍ତ୍ର ଦିବସ ସମାରୋହରେ ଯୋଗ ଦେଇ ଗଣ ତନ୍ତ୍ର ଦିବସର ମହାନତା ବିଷୟରେ ଉଦବୋଧନ ଦେଇଥିଲେ ।
ସେହି ପରି ଓଡିଶା ଉଚ୍ଚ ନ୍ୟାୟାଳୟ, କଟକ ଜିଲ୍ଲାପାଳ, ମହାନଗର ନିଗମ, କଟକ ବଡ ମେଡିକାଲ,ଶିଶୁ ଭବନ, ରେଭେନ୍ସା କଲେଜ, ବନ୍ଦେ ଉତ୍କଳ ଲୋକକଳା ଓ ଲୋକ ସଂସ୍କୃତି ମହାସଂଘ,ନୀଳଚକ୍ର ଅନୁଷ୍ଠାନ, ଉପଜିଲ୍ଲାପାଳ, ସମେତ ବହୁ ସରକାରୀ, ବେସରକାରୀ କାର୍ଯ୍ୟାଳୟ ଏବଂ ଶିକ୍ଷାନୁଷ୍ଠାନରେ ୭୭ ତମ ସାଧାରଣ ତନ୍ତ୍ର ଦିବସ ମହାସମାରୋହରେ ପାଳିତ ହୋଇଯାଇଛି,
ସେହିପରି କଟକ ଜିଲ୍ଲା ଜିଲ୍ଲାର ମାହାଙ୍ଗା ଅଞ୍ଚଳର ଥାନା ଓ ମୂଖ୍ୟ ପ୍ରାଣୀ ଚିକିତ୍ସା କେନ୍ଦ୍ର, ସ୍ଵାସ୍ଥ୍ୟ କେନ୍ଦ୍ର, ସାମାଜିକ ଅନୁଷ୍ଠାନ କଳିଙ୍ଗ ସମାଜ ସେବା ସଙ୍ଗଠନ, ଏବଂ ଫୁଲନଖରା , କଣ୍ଟାପଡ଼ା ଏବଂ ନିଆଳି ଅଂଚଳରେ ଥିବା ବିଭିନ୍ନ ଶିକ୍ଷାନୁଷ୍ଠାନ, ବ୍ଲକ, ତହସିଲ, କୋର୍ଟ, ଡାକ୍ତରଖାନାମାନଙ୍କରେ ସାଧାରଣ ତନ୍ତ୍ର ଦିବସ ପାଳିତ ହୋଇଯାଇଛି ।
ଏହି ପବିତ୍ର ସାଧାରଣ ତନ୍ତ୍ର ଦିବସ ଉପଲକ୍ଷେ ୨୩ ତମ ବାର୍ଷିକ ରକ୍ତଦାନ ଶିବିର ଓ ବନ୍ଧୁ ମିଳନ କଣ୍ଟାପଡ଼ା ବ୍ଳକର”ଆମ ଅଧିକାର” ସଙ୍ଗଠନ ପକ୍ଷରୁ ଆୟୋଜିତ ୭୭ ତମ ସାଧାରଣ ତନ୍ତ୍ର ଦିବସ ପାଳନ ଅବସରରେ ରକ୍ତଦାନ ଶିବିର, ଦେଶ ପାଇଁ ପ୍ରାଣ ବଳି ଦେଇଥିବା ସହିଦ ବୀରମାନଙ୍କ ଲାଗି ସ୍ମୃତି ଚାରଣ , ବନ୍ଧୁ ମିଳନ, ବିଭିନ୍ନ କ୍ଷେତ୍ରରେ କୃତିତୋ ଅର୍ଜନ କରିଥିବା କୃତୀ ବ୍ୟକ୍ତିମାନଙ୍କୁ ସମ୍ମାନୀତ କରାଯିବା,
ଓ ରାଜ୍ୟର ବିଶିଷ୍ଟ କଳାକାର ମାନଙ୍କ ଦ୍ବାରା କଳା ଓ ସଂସ୍କୃତିକ କାର୍ଯ୍ୟକ୍ରମ ସହିତ। “ଆମ ଅଧିକାର” ଅନୁଷ୍ଠାନର ରବି ନାରାୟଣ ମହାପାତ୍ର ମଞ୍ଚରେ ଆୟୋଜିତ ଉତ୍ସବରେ ଓଲଟପୁର ମେଡିକାଲ ନିରତାରର ଡାଇରେକ୍ଟର ପତିତପାବନ ମହାନ୍ତି, ଆମ ଅଧିକାର ଅନୁଷ୍ଠାନର ମୁଖ୍ୟ ପ୍ରମୋଦ କୁମାର ନାୟକଙ୍କ ସମେତ ବହୁ ବିଶିଷ୍ଟ ଅତିଥିମାନେ ଯୋଗ ଦେଇ କୃତୀ ବ୍ୟକ୍ତିମାନଙ୍କୁ ସମ୍ମାନୀତ କରିଥିଲେ ।
ଏଥିରେ ବାଲିପାଟଣା, ନିଆଳି, କଣ୍ଟାପଡ଼ା, ସମେତ ବିଭିନ୍ନ ଜିଲ୍ଲାରୁ ଆସିଥିବା ଶହ ଶହ ଶ୍ରଦ୍ଧାଳୁ, ସମାଜ ସେବୀ, କଳାକାର, ରକ୍ତଦାତା, ଶିକ୍ଷକମାନେ ଯୋଗ ଦେଇ ୭୭ ତମ ସାଧାରଣ ତନ୍ତ୍ର ଦିବସ ପାଳନ , ପତାକା ଉତୋଳନ, ସଫେଇ କାର୍ଯ୍ୟ ଆଦି ବିଭିନ୍ନ ସାମାଜିକ ଜନ କଲ୍ୟାଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
