କଟକ (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ଓଡିଶା କର୍ମଚାରୀ ସଂଗଠନର ଇତିହାସ” ପୁସ୍ତକ ଉନ୍ମୋଚିତ ଅବସରରେ ବିଶିଷ୍ଠ ନେତୃତ୍ୱ ମାନଙ୍କ ପକ୍ଷରୁ ଘୋଷଣାସ୍ବାଧୀନତା ପୂର୍ବ ଓ ପରବର୍ତ୍ତୀ ସମୟର ରାଜ୍ୟ କର୍ମଚାରୀ ସଂଗଠନ ମାନଙ୍କ ପକ୍ଷରୁ ବିଭିନ୍ନ ପ୍ରକାର ଆନ୍ଦୋଳନ ସଂଗ୍ରାମ ଓ ଅଧିକାର ସାବ୍ୟସ୍ତ ନିମନ୍ତେ ପର୍ଯ୍ୟାୟ ଭିତ୍ତିକ କାର୍ଯ୍ୟକ୍ରମ ସହିତ ସାଂଗଠନିକ ବିଷୟ ବସ୍ତୁ ଓ ଘଟଣା ବଳୀ ଉପରେ ଆଧାରିତ ରାଜ୍ୟର କର୍ମଚାରୀ ଆନ୍ଦୋଳନର ପ୍ରଥମ ‘ଇତିହାସ’ ରାଜ୍ୟର ବିଶିଷ୍ଠ କର୍ମଚାରୀ ନେତା,
ସ୍ଥମ୍ଭକାର ଓ ପ୍ରଶାସକ ଶ୍ରୀଯୁକ୍ତ ଦୁର୍ଗାଚରଣ ନାୟକଙ୍କ ଦ୍ବାରା ଲିଖିତ ଓ କର୍ମଚାରୀ ସାଂସ୍କୃତିକ ବିଚାର ମଞ୍ଚ ଦ୍ୱାରା ପ୍ରକାଶିତ ଓଡିଶା କର୍ମଚାରୀ ସଂଗଠନର ଇତିହାସ ପୁସ୍ତକ କଟକ ଯୋବ୍ରା ରୋଡ଼ ସ୍ଥିତ ଏସ.ଏନ.ସରକାର ମେମୋରିଆଲ ହଲ ଠାରେ ରାଜ୍ୟର ମଧ୍ୟ ବିତ୍ତ କର୍ମଚାରୀ ଆନ୍ଦୋଳନର ବିଶିଷ୍ଠ ନେତୃତ୍ୱ ଓ ଜୀବନବୀମା କର୍ମଚାରୀ ମାନଙ୍କର ପ୍ରତିଷ୍ଠିତ ନେତୃତ୍ୱ ଶ୍ରୀଯୁକ୍ତ ଗଜେନ୍ଦ୍ରନାଥ ମହାନ୍ତି ଙ୍କ କରକମଳରେ ଉନ୍ମୋଚିତ ହୋଇଛି ବୋଲି ଓଡିଶା ରାଜ୍ୟ ସରକାରୀ କର୍ମଚାରୀ ସମନ୍ୱୟ ସମିତି,
ଓଡିଶା ରାଜ୍ୟ ଅବସରପାପ୍ତ କର୍ମଚାରୀ ମହାସଂଘ ଓ କର୍ମଚାରୀ ସାଂସ୍କୃତିକ ବିଚାର ମଞ୍ଚ ପକ୍ଷରୁ ଭାନୁମତି ମହାନ୍ତି,ବିକାଶ ଚନ୍ଦ୍ର ମହାପାତ୍ର, ଗୋକୁଳାନନ୍ଦ ବେହେରା ଓ ଦ୍ଵାରିକାନାଥ ମହାନ୍ତି ଏକ ପ୍ରେସ ନୋଟ ରେ ପ୍ରକାଶ କରିଛନ୍ତି । କର୍ମଚାରୀ ସାଂସ୍କୃତିକ ବିଚାର ମଞ୍ଚର ସଭାପତି ଶ୍ରୀଯୁକ୍ତ ଉଦୟ ନାଥ ମହାପାତ୍ର ଆଜିର ଉନ୍ମୋଚନ ସଭାରେ ଅଧ୍ୟକ୍ଷତା କରିଥିଲେ । ଓଡ଼ିଶାର କର୍ମଚାରୀ ଓ ଶିକ୍ଷକ ମାନଙ୍କ ଦୀର୍ଘ ୮୦ବର୍ଷର ଆନ୍ଦୋଳନ କାର୍ଯ୍ୟକ୍ରମ ର ଇତିହାସକୁ ଆଧାର କରି ଆଜିର କାର୍ଯ୍ୟରତ କର୍ମଚାରୀ ଙ୍କୁ ସଂଗଠନ ମଧ୍ୟକୁ ଆଣି ଅନ୍ୟାୟ ଅତ୍ୟାଚାର ଓ
ଅଧିକାର ଉପରେ ହେଉଥିବା ଆକ୍ରମଣ ବିରୁଦ୍ଧରେ ସଂଗ୍ରାମକୁ ଜୋରଦାର କରିବାକୁ ଉକ୍ତ ଇତିହାସ ପୁସ୍ତିକାଟି ସହାୟକ ହେବବୋଲି କାର୍ଯ୍ୟକ୍ରମର ମୁଖ୍ୟ ଅତିଥି ଡ଼ଃ ସତ୍ୟ ରାୟ ତାଙ୍କ ବକ୍ତବ୍ୟରେ ସୂଚନା ଦେଇଥିଲେ । ଦେଶ ଓ ରାଜ୍ୟ ର ଜାତୀୟ ସମ୍ପତ୍ତିର ରକ୍ଷା, ନିଜର ଅଧିକାର ଓ ଦାବିକୁ ବିଭେଦଗ୍ରସ୍ତ କରି କର୍ମଚାରୀ ଆନ୍ଦୋଳନକୁ ଦ୍ବିଧାବିଭକ୍ତ କରିବା ଉଦ୍ଦେଶ୍ୟରେ ଜାତି, ଧର୍ମ, ବର୍ଣ୍ଣ ଓ ଅଂଚଳ ଆଦି ସ୍ପର୍ଶକାତର ପ୍ରସଙ୍ଗ ମାନ ଉତ୍ଥାପନ କରାଯାଉଛି ।
ଏହିସବୁ ବିଭେଦ କାମୀ ଚକ୍ରାନ୍ତକୁ ପରାସ୍ତ କରିବାକୁ ହେଲେ ଆମ୍ଭ ମାନଙ୍କୁ ଆମ୍ଭ ଆନ୍ଦୋଳନର ଇତିହାସ ପୃଷ୍ଠାକୁ ଦେଖି ପୂର୍ବସୁରୀଙ୍କ ପଦାଙ୍କ ଅନୁସରଣ କରି କର୍ମଚାରୀ ଓ ପେନସନ ଭୋଗୀଙ୍କ ମଧ୍ୟରେ ବ୍ୟାପକ ଏକତା ଗଢି ତୋଳି ବାକୁ କାର୍ଯ୍ୟକ୍ରମର ମୁଖ୍ୟବକ୍ତା ଶ୍ରୀଯୁକ୍ତ ଅଭୟ କୁମାର ଦାସ ଆହ୍ୱାନ ଦେଇଥିଲେ । ଏହିକାର୍ଯ୍ୟକ୍ରମରେ ଅନ୍ୟତମ ସମ୍ମାନୀୟ ବକ୍ତା ଶ୍ରୀ ପ୍ରତାପ ଚନ୍ଦ୍ର ଦାସ, ପ୍ରଫୁଲ୍ଲ କୁମାର ମହାପାତ୍ର, ଶ୍ରୀମତୀ ସାହୁ, ଲିଙ୍ଗରାଜ ମହାନ୍ତି,
ଶ୍ରୀମତୀ ଝରଣା ଜେନା ଓ ରାଜ୍ୟର ବିଶିଷ୍ଠ ଶ୍ରମିକ ନେତା ରବିନାରାୟଣ ମଲ୍ଲିକ ଓ ନିର୍ମଳ ଚନ୍ଦ୍ର ଦାସ ସରକାରଙ୍କ ଦେଶ ସ୍ୱାର୍ଥ ନିରୋଧୀ ନୀତି ବିରୁଦ୍ଧରେ ୧୨ ଫେବୃଆରୀ ସଂଗଠିତ ହେବାକୁ ଯାଉଥିବା ସାଧାରଣ ଧର୍ମଘଟାକୁ ସଫଳ କରିବାକୁ ଆହ୍ୱାନ ଦେଇଥିଲେ ।ପୁସ୍ତକର ଲେଖକ ଶ୍ରୀଯୁକ୍ତ ଦୁର୍ଗା ଚରଣ ନାୟକ ଓ ତାଙ୍କର ସହଯୋଗୀ ଶ୍ରୀମତୀ ସ୍ନିଗ୍ଧା ପଟନାୟକଙ୍କୁ ଆୟୋଜକଙ୍କ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ କଟକ, ଭୁବନେଶ୍ୱର ସହିତ ସାରା ରାଜ୍ୟରୁ ଶତାଧିକ କର୍ମଚାରୀ ଓ ପେନସନର ଯୋଗ ଦେଇଥିବା ବିଷୟ ବିକାଶ ଚନ୍ଦ୍ର ମହାପାତ୍ର ଜଣାଇ ଛନ୍ତି ।
