ତାଲୁକ ଆଇନ୍ ସେବା କମିଟି, ରଣପୁର
ରଣପୁର (ଓଡ଼ିଶା ତାଜା ନ୍ୟୁଜ୍) (ନି. ପ୍ର ) :- ସୋମବାର ଦିନ ସକାଳ 8:30 ମିନିଟ ରେ ସାଇକେଲ ରାଲି ମାଧ୍ୟମରେ , ବାଲ୍ୟବିବାହ ମୁକ୍ତ ଭାରତ ପାଇଁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଅଛି । ଏହି ସଚେତନତା କାର୍ଯ୍ୟକ୍ରମ ର ଶୁଭାରମ୍ଭ, ରଣପୁର କୋର୍ଟ ର ବରିଷ୍ଠ ବିଚାରପତି ଶ୍ରୀମତୀ ଅନୁଶ୍ରୁତୀ ଚୌଧୁରୀ ଓ ଶ୍ରୀଯୁକ୍ତ ପୁନ୍ୟଶ୍ଲୋକ ଦାଶ ମହୋଦୟ ଙ୍କ କର କମଳରେ ହୋଇଥିଲା ।
ଏହି କାର୍ଯ୍ୟକ୍ରମ ରେ ରଣପୁର କଲେଜ ର ୭୦ ରୁ ଉର୍ଦ୍ଧ ଛାତ୍ର, ଛାତ୍ରୀ ମାନେ ନିଜ ନିଜ ସାଇକେଲ ମାଧ୍ୟମରେ ରଣପୁର ସିଭିଲ କୋର୍ଟ ରୁ ବାହାରି , ତହସିଲ୍ କାର୍ଯ୍ୟାଳୟ, ରଣପୁର ବସ ଷ୍ଟାଣ୍ଡ ଦେଇ ସହିଦ୍ ରଘୁ ଦିବାକର ମଣ୍ଡପ ପର୍ଯ୍ୟନ୍ତ ରାଲି କରି ସମାଜକୁ ଏକ ବାଲ୍ୟ ବିବାହ ମୁକ୍ତ କରି ଗଢି ତୋଳିବା ପାଇଁ ପ୍ରଚାର ପ୍ରସାର କରିଥିଲେ ।
ରଣପୁର ଥାନା ଅଧିକାରୀଙ୍କ ଦ୍ବାରା ଟ୍ରାଫିକ ବ୍ୟବସ୍ଥା ର କୌଣସି ଅସୁବିଧା ନ ହେବା ଭଳି ବେବସ୍ଥା ମଧ୍ଯ କରାଯାଇଥିଲା । ଏହି କାର୍ଯ୍ୟକ୍ରମ ରେ ରଣପୁର ବାର ଆସୋସିଏସନ୍ ର ଆଇନ୍ ଜୀବି ମାନେ ଅଂଶ ଗ୍ରହଣ କରିଥିଲେ । ରଣପୁର ବାର ଆସୋସିଏସନ୍ ର ଓକିଲ ସୁଦର୍ଶନ ମାନସିଂହ, ଶ୍ରୀକାନ୍ତ କୁମାର ସାହୁ, ସୁବାଷ ଚନ୍ଦ୍ର ଜେନା,
କୃପାସିନ୍ଧୁ ବେହେରା, ପ୍ରିୟବ୍ରତ ପ୍ରହରାଜ,ହେମପ୍ରଭା ମିଶ୍ର, ଶତୃଘ୍ନ ପାଇକରାୟ ଓ ସତ୍ୟରଞ୍ଜନ ମତ୍ତା ପ୍ରମୁକ ଅଂଶ ଗ୍ରହଣ କରିଥିଲେ । ରଣପୁର କୋର୍ଟ ର ଅଧିକାର ମିତ୍ର ଯଥା ପ୍ରମୋଦ କୁମାର ସାହୁ, ସଞ୍ଜୟ କୁମାର ବେହେରା, କୁନିବାଳ ବିଶ୍ଵାଳ,ଚାରୁଲତା ଦେବୀ ଓ ରଣପୁର କୋର୍ଟ ର କର୍ମଚାରୀ ମାନେ ଏହି କାର୍ଯ୍ୟକ୍ରମକୁ ସୁଚାର୍ ରେ ପରିଚାଳିତ କରିବା ପାଇଁ ସମୂର୍ଣ୍ଣ ସହଯୋଗ କରିଥିଲେ ।
ଜାତୀୟ ପତାକା ଉତ୍ତୋଳନ ପରେ ପରେ ଏହି ଆଇନ୍ ସଚେତନତା କାର୍ଯ୍ୟକ୍ରମରେ ରଣପୁର କଲେଜ ର ଛାତ୍ର ଛାତ୍ରୀ ସାଇକେଲ ରାଲି ମାଧ୍ୟମରେ ରଣପୁର ନିଗମ ପରିକ୍ରମା କରିବା ସହ ସମାଜକୁ କିପରି ବାଲ୍ୟ ବିବାହ ମୁକ୍ତ କରି ହେବ ସ୍ଲୋଗାନ ମଧ୍ୟମରେ ନିଜର ସ୍ଵର ସଂଯୋଜନା କରିଥିଲେ ।
