ଓଡ଼ିଶା ତାଜା ନ୍ୟୁଜ (୨୨ ସେପ୍ଟେମ୍ବର ମଙ୍ଗଳବାର) ବରଗଡ଼ :- କେନ୍ଦ୍ର ସରକାରଙ୍କ ଦ୍ଵାରା କୃଷି ବିଲକୁ ସ°ସଦରେ ପାରିତ କରିବା, ଏବଂ ବିଲ୍ କୁ ରାଷ୍ଟ୍ରପତି ଙ୍କ ନୀକଟକୁ ପଠାଇ ମୋହର ଲଗାଇବା ପ୍ରୟାସ କୁ ଆଜି ଆମ ଆଦମୀ ପାର୍ଟି ବରଗଡ଼ ଜିଲ୍ଲା ପକ୍ଷରୁ ସ୍ଥାନୀୟ ଗାନ୍ଧୀ ଛକ ଠାରେ ବିରୋଧ କରାଯାଇଥିଲା । ଏହି ବିଲ୍ ରେ ମହାମହିମ ରାଷ୍ଟ୍ରପତି ସ୍ବାକ୍ଷର ନ କରିବାକୁ ପାର୍ଟିର ଜିଲ୍ଲା ଆବାହକ ଭବିନୀ ସାହୁ ଏକ ଚିଠି ଲେଖି ଅନୁରୋଧ କରିଛନ୍ତି । ଚିଠି ରେ ସେ ଉଲ୍ଲେଖ କରିଛନ୍ତି ଯେ, ଦେଶରେ କୃଷକଙ୍କ ସ୍ଥିତ ଗମ୍ଭୀର ଅଟେ ।ଏହି ସମୟରେ କେନ୍ଦ୍ର ସରକାର ସମୁହ କୃଷି ବିଲକୁ ବିନା ଆଲୋଚନା ରେ, କେବଳ ବାଚନିକ ଭୋଟରେ ପାରିତ କରିଛନ୍ତି । ଏହି କୃଷି ବିଲ ଚାଷୀ ମାନଙ୍କୁ ରସାତଳ କୁ ଠେଲି ଦେବ ବୋଲି ସେ କହିଛନ୍ତି । ଚାଷୀଙ୍କ ଆର୍ଥିକ ମେରୁଦଣ୍ଡ ସୁଦୃଢ଼ ପାଇଁ ସ୍ବାମୀ ନାଥନ କମିଟି ର ସୁପାରିଶକୁ ଲାଗୁ କରିବାକୁ ଦାବୀ କରିଛନ୍ତି । ବିକ୍ଷୋଭ ପ୍ରଦର୍ଶନ ରେ ରାଜ୍ୟ ସମ୍ପାଦକ ଅମିତାଭ ପାତ୍ର,ମେରିୟମ ବାର୍ଲା ପ୍ରମୁଖ ଉପସ୍ଥିତ ଥିଲେ । (ରିପୋର୍ଟ ସତ୍ୟ ନାରାୟଣ ପ୍ରଧାନ)
