ନିଆଳି (ଓଡ଼ିଶା ତାଜା ନ୍ୟୁଜ୍) ନି. ପ୍ର :- କଟକ ଜିଲ୍ଲା ଅନ୍ତର୍ଗତ ନିଆଳି ମହାବିଦ୍ୟାଳୟର, ପ୍ରାଣୀବିଜ୍ଞାନ ବିଭାଗ ପକ୍ଷରୁ “ଜୀବ ବିଜ୍ଞାନର ସାମ୍ପ୍ରତିକ ଅଗ୍ରଗତି” ବିଷୟରେ ଏକ ଆନ୍ତର୍ଜାତୀୟ ଏକ୍ସଟ୍ରା ମ୍ୟୁରାଲ୍ ଆମନ୍ତ୍ରିତ ଆଲୋଚନା ସଭା ସଫଳତାର ସହ ଆୟୋଜିତ ହୋଇଯାଇଛି । କାର୍ଯ୍ୟକ୍ରମର ଆରମ୍ଭରେ ଆମନ୍ତ୍ରିତ ଅତିଥିଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ କରାଯିବା ପରେ ଦେଶାତ୍ମିକ ସଙ୍ଗୀତ ପରିବେଷଣ କରାଯାଇଥିଲା । ବିଦ୍ୟାଳୟର ପ୍ରାଧ୍ୟାପକ ବିଭୁ ପ୍ରସାଦ ବିଶ୍ଵାଳଙ୍କର ସଭାପତିତ୍ବରେ ଅନୁଷ୍ଠିତ ସଭାରେ ନାକ୍ ସଂଯୋଜକ ସ୍ୱାଗତ ଭାଷଣ ସହ ଶିକ୍ଷାମୂଳକ କାର୍ଯ୍ୟକ୍ରମର ଗୁରୁତ୍ୱ ଉପରେ ଆଲୋକପାତ କରିଥିଲେ ।
ପ୍ରାଣୀବିଜ୍ଞାନ ବିଭାଗର ମୁଖ୍ୟ ଡ଼. ସତ୍ୟ ନାରାୟଣ ସାହୁ ଆଲୋଚ୍ୟ ପ୍ରସଙ୍ଗ ବିଷୟରେ ଓ ଆଧୁନିକ ଜୀବ ବିଜ୍ଞାନରେ ଗବେଷଣାର ଆବଶ୍ୟକତା ଉପରେ ଗୁରୁତ୍ୱ ଦେଇଥିଲେ । ଏଥିରେ ମୁଖ୍ୟ ବକ୍ତା ଭାବେ ଡ଼. ଦୀପକ କୁମାର ସାହୁ ଯୋଗ ଦେଇ ରିସର୍ଚ୍ଚ ସାଇଣ୍ଟିଷ୍ଟ-୩, ଆଇଓୱା ଷ୍ଟେଟ୍ ବିଶ୍ଵବିଦ୍ୟାଳୟ, ଯୁକ୍ତରାଷ୍ଟ୍ର, ଆମେରିକା,”ଜୀବ ବିଜ୍ଞାନରେ ସାମ୍ପ୍ରତିକ ଉନ୍ନତି ଓ ଭବିଷ୍ୟତ ସମ୍ଭାବନା ” ବିଷୟରେ ଗଭୀର ଓ ତଥ୍ୟବହୁଳ ଆଲୋଚନା କରିଥିଲେ ।
ଉକ୍ତ କାର୍ଯ୍ୟକ୍ରମର ଶେଷରେ ମୁଖ୍ୟ ଅତିଥିଙ୍କୁ ସମ୍ମାନିତ କରାଯାଇଥିଲା । ଏହି ସଭାରେ ଅଧ୍ୟାପିକା ପ୍ରିୟଦର୍ଶିନୀ ଲେଙ୍କା ଧନ୍ୟବାଦ ଜ୍ଞାପନ କରିଥିଲାବେଳେ ସଭାର ସଭାପତି ଆନୁଷ୍ଟାନିକ ଭାବେ କାର୍ଯ୍ୟକ୍ରମର ସମାପ୍ତି ଘୋଷଣା କରିଥିଲେ । ଅନ୍ୟମାନଙ୍କ ମଧ୍ୟରେ ଅଧ୍ୟାପକ ପ୍ରଦୀପ୍ତ କୁମାର ମିଶ୍ର, ଅଧ୍ୟାପିକା ସୁନୀତା ପରିଡ଼ା, ଅଧ୍ୟାପିକା ରଶ୍ମିତା ପାଢ଼ୀ, ପରୀକ୍ଷା ଗାର କର୍ମଚାରୀ ରାମେଶ୍ୱର ମହାନ୍ତି ଓ ପ୍ରାଣୀ ବିଜ୍ଞାନ ବିଭାଗର ସମସ୍ତ ଛାତ୍ରଛାତ୍ରୀ କାର୍ଯ୍ୟକ୍ରମକୁ ସଫଳ କରିଥିଲା । ଏହି ସଭାକୁ ପ୍ରାଣୀ ବିଜ୍ଞାନ ବିଭାଗର ଛାତ୍ରୀ ସ୍ଵାତୀ ତ୍ରିପାଠୀ ଓ ସୋନାଲି ସାହୁ ସଂଯୋଜନା କରିଥିଲେ ।
