କଣ୍ଟାବାଞ୍ଜି (ଓଡ଼ିଶା ତାଜା ନ୍ୟୁଜ୍) ନି. ପ୍ର :- କଣ୍ଟାବାଞ୍ଜି ମାଟିର ମହୋତ୍ସବ କମିଟିର ସଦସ୍ୟ ଙ୍କୁ ସମ୍ବର୍ଦ୍ଧିତ କରିଛନ୍ତି କେଭି ମହାବିଦ୍ୟାଳୟର ସ୍ନାତକୋତ୍ତର ଓଡ଼ିଆ ବିଭାଗର ଛାତ୍ରଛାତ୍ରୀ । ବିଭାଗୀୟ ମୁଖ୍ୟ ଡ଼ ସଂଜୟ କୁମାର ମିଶ୍ର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସ୍ୱତନ୍ତ୍ର ସମ୍ବର୍ଦ୍ଧିତ କାର୍ଯ୍ୟକ୍ରମରେ କଣ୍ଟାବାଞ୍ଜି ମାଟିର ମହୋତ୍ସବ କମିଟି ସଭାପତି ବ୍ରଜ ଶ୍ୟାମ ଗୁରୁ, ସମ୍ପାଦକ ବେଦବ୍ୟାସ ନାଗ, ମହୋତ୍ସବ ମୁଖ୍ୟ ସଂଯୋଜକ ପୁଷ୍ପକେତୁ ବେହେରା ସହ ଅନ୍ୟ ସଦସ୍ୟ ମାନେ ସାମିଲ ଥିଲେ ।
ଏହି ସଭାରେ ଓଡ଼ିଆ ବିଭାଗ ର ଛାତ୍ରଛାତ୍ରୀ ମାନେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦେବା ସହ ପ୍ରାରମ୍ଭିକ ବନ୍ଦନା କରିଥିଲେ । ୨ୟ ବର୍ଷରେ କମିଟି ଭବ୍ୟ ଆୟୋଜନ କରିବା ସହ ବିଭିନ୍ନ ପ୍ରତିଯୋଗିତାରେ କଣ୍ଟାବାଞ୍ଜି ସହରର ମହିଳା, ଯୁବ ଗୋଷ୍ଠୀ, ସହରବାସୀ ଙ୍କୁ ସାମିଲ କରିଥିବାରୁ ଧନ୍ୟବାଦ ଦେଇଥିଲେ । ମେହେନ୍ଦୀ, ରଙ୍ଗୋଲି, ଆର୍ଟ ଆଣ୍ଡ କ୍ରାଫ୍ଟ, ହୁଲା ହୁଲି ଶଙ୍କ ଫୁକା, ଗଣ ଦୌଡ଼, ପିଠା ପଣା ଆମର ପିନ୍ଧନ ଉଢନ ଭଲି ପ୍ରତିଯୋଗିତାରେ ଶତାଧିକ ମହିଳା ଓ ଯୁବକ ସାମିଲ ହୋଇ ମହୋତ୍ସବ କୁ ଭବ୍ୟ କରିଥିଲେ ।
ତେବେ ଏଭଳି ଅଭିନବ ପ୍ରୟାସ ରଖି କାର୍ଯ୍ୟକ୍ରମ କୁ ସଫଳ କରିଥିବା ରୁ ଧନ୍ୟବାଦ ଦେଇଥିଲେ । ଯେଉଁ ଛାତ୍ରଛାତ୍ରୀ ମାମେ ଏଥିରେ ସାମିଲ ହୋଇ କୃତିତ୍ୱ ହୋଇଛନ୍ତି ସେମାନେ ମଧ୍ୟ ନିଜ ଅନୁଭୂତି ମଧ୍ୟ ବଖାଣି ଥିଲେ । ପରେ ମକର ସଂକ୍ରାନ୍ତି ଉଦ୍ଦେଶ୍ୟରେ ସମସ୍ତ ଙ୍କୁ ଶୁଭେଚ୍ଛା ଦେଇ ଥିଲେ । କମିଟି ସମ୍ପାଦକ ମଧ୍ୟ ସମସ୍ତ ଙ୍କୁ ଧନ୍ୟବାଦ ଦେଇ ସମସ୍ତେ ଏକ ହୋଇ ଆମେ ଏଭଳି ମହୋତ୍ସବ ସବୁ ବର୍ଷ ପାଳିତ କରିବା ସହଯୋଗ ରଖିଥିବେ ବୋଲି କହିଥିଲେ ।
ସୁବ୍ୟବସ୍ଥା କରି ମହୋତ୍ସବ ପରିଚାଳନା କରିଥିବା ରୁ ଓଡ଼ିଆ ବିଭାଗ ମୁଖ୍ୟ ଶ୍ରୀ ମିଶ୍ର ମଧ୍ୟ ସମସ୍ତ ଙ୍କୁ ଧନ୍ୟବାଦ ଦେଇଥିଲେ । କଣ୍ଟାବାଞ୍ଜି ମାଟିର ମହୋତ୍ସବ କମିଟିର ବରିଷ୍ଠ ସଦସ୍ୟ ଦିନେଶ ମହାନନ୍ଦ, ରୋହନ ମହତ, ବିମଲ ହାତୀ, ପ୍ରକାଶ ପଧାନ, ମୋହନ ସୁନା, ରଶ୍ମୀରଞ୍ଜନ ପୁଟେଲ, ତୁଳସୀ ଜଗତ, ରାଜୁ ବାରିକ ପ୍ରମୁଖ ଉପସ୍ଥିତ ଥିଲେ ।
