କଳାହାଣ୍ଡି (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ବୁଧବାର ପବିତ୍ର ମକର ସଂକ୍ରାନ୍ତି ଅବସରରେ ନର୍ଲା ବ୍ଳକ ଅନ୍ତର୍ଗତ ଭୀମକେଲା ରାମେଶ୍ବର ମହାଦେବ ମନ୍ଦିରରେ ମକରମେଳା ପର୍ବ ଅନୁଷ୍ଠିତ ହୋଇଛି । ୨୦ ତମ ମକର ମେଳା ପାଇଁ ଗ୍ରାମବାସୀଙ୍କ ପକ୍ଷରୁ ପୂର୍ବ ପ୍ରସ୍ତୁତି ସହ ଏଠାରେ ଷୋହଳ ପ୍ରହର ନାମଯଜ୍ଞ ମଧ୍ୟ ଆୟୋଜିତ ହୋଇଯାଇଛି । ମକର ସଂକ୍ରାନ୍ତି ସକାଳୁ ମନ୍ଦିର ପୂଜକ ଲଲିତ ଥନାପତି ଓ ଚିନ୍ତାମଣି ଥନାପତି ମହାଦେବଙ୍କ ସ୍ବତନ୍ତ୍ର ନୀତିକାନ୍ତି ଶେଷ କଲା ପରେ ଏଠାରେ ହରି ଓ ହରଙ୍କ ମିଳନ ପର୍ବ ହୋଇଥିଲା ।
ଷୋହଳ ପ୍ରହର ନାମଯଜ୍ଞରେ ଧବଳେଶ୍ୱର ସା ଓ ତାଙ୍କ ଧର୍ମପତ୍ନୀ କର୍ତ୍ତା ରୂପେ ଦାୟିତ୍ୱ ନିର୍ବାହ କରିଥିଲେ । ଭୀମକେଲା , ସେପୁର ପୁଅ ଦଳ ସହ ଡମପଦର, ଲଡୁଗାଁ, କୋଲିଗାଁ, କମର୍ଦ୍ଧା, ତଲମଲ୍ଲା, କରାଟିକିଲି ଆଦିର ଝିଅ ସଂକିତ୍ତନ ମଣ୍ଡଳୀ ଯୋଗଦାନ କରି ହରନାମ ନେଇ ଥିଲେ । ନାମଯଜ୍ଞ ସ୍ଥଳରେ ସମସ୍ତ ଜନସାଧାରଣଙ୍କ ପାଇଁ ଅନ୍ନ ଭୋଗ ବ୍ୟବସ୍ଥା ହୋଇଥିବା ବେଳେ ସନ୍ଧ୍ୟା ସମୟରେ ପ୍ରବଳ ଶୀତ ଅନୁଭୂତ ହେଉଥିବା ସତ୍ତ୍ବେ ହଜାର ହଜାର ଭକ୍ତଙ୍କ ସମାଗମ ଏହି ପୀଠରେ ଦେଖିବାକୁ ମିଳିଥିଲା । ପ୍ରଦୀପ କୁମାର ଗଉଡ କଳାହାଣ୍ଡି ବ୍ୟୁରୋ ଚିପ ।
