ବେଲପଡ଼ା (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ବଲାଙ୍ଗୀର ଜିଲ୍ଲା କଣ୍ଟାବାଞ୍ଜିର ଅଗ୍ରଣୀ ଅନୁଷ୍ଠାନ ନିର୍ଝରିଣୀ ତରଫରୁ ସ୍ଥାନୀୟ ସିଗନାଲ ପଡାରେ ନିଆରା ସମ୍ପର୍କ ପିଲାଙ୍କ ମୁହଁରେ ହସ କାର୍ଯ୍ୟକ୍ରମ ମାଧ୍ୟମରେ ଜାତୀୟ ଯୁବ ଦିବସ ଓ ବନ୍ଦେ ମାତରମର ୧୫୦ତମ ବର୍ଷ ପୂର୍ତ୍ତି ଉତ୍ସବ ପାଳିତ ହୋଇଥିଲା । ଅନୁଷ୍ଠାନର ସଭାପତି ରାମଚନ୍ଦ୍ର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ସେବା ନିବୃତ୍ତ ମେଜର କମଳ କିଶୋର ବେହେରା ମୁଖ୍ୟ ଅତିଥି, ପ୍ରଶାସନିକ ଅଧିକାରୀ ସନ୍ତୋଷ ନାଗ ମୁଖ୍ୟବକ୍ତା ଭାବରେ ଯୋଗ ଦେଇଥିଲେ।ସମ୍ପାଦକ ବିରଞ୍ଚି ନାରାୟଣ ଦାଶ ସଭା ପରିଚାଳନା ଓ ଉପସଭାପତି ସୂର୍ଯ୍ୟକାନ୍ତ ରଣା ଧନ୍ୟବାଦ ଅର୍ପଣ କରିଥିଲେ ।
କଣ୍ଠଶିଳ୍ପୀ ଗଣପତି ବେହେରା, ତୁଷାର ବଡଜେନା, ଅଞ୍ଜଳି ମାଝୀ, ଦୀପା ନାୟକ ବନ୍ଦେ ମାତରମ ରାଷ୍ଟ୍ରୀୟ ଗୀତ ଗାଇଥିଲେ । ଜାତୀୟ ଯୁବ ଦିବସ ଅବସରରେ ମେଟ୍ରିକ ଟପର ସୁଶ୍ରୀ ବର୍ଷାରାଣୀ ଆଚାରୀ,ଅଟଳ ବିହାରୀ ବାଜପେୟୀଙ୍କ ଜନ୍ମ ଜୟନ୍ତୀରେ ଦିଲ୍ଲୀ ପାର୍ଲିଆମେଣ୍ଟରେ ବକ୍ତବ୍ୟ ପ୍ରଦାନ କରିଥିବା ରାଜ ଆର୍ଯ୍ୟନ ଦୋରାଙ୍କୁ ସମ୍ବର୍ଦ୍ଧିତ କରାଯାଇଥିଲା । ତାପରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ବେଲୁନଫୁଙ୍କା, ପୁଚି, ମ୍ୟୁଜିକ ଚେୟାର ପ୍ରତିଯୋଗିତା କରାଯାଇ ପୁରସ୍କୃତ କରାଯାଇଥିଲା ।
ଏହି କାର୍ଯ୍ୟକ୍ରମରେ ନରେନ୍ଦ୍ର ସୁନା, ଥମିର ଛତ୍ରିଆ, କିଶୋର ବରିହା,ହେରମ୍ବ ବାଗ,ସବିତା ରଣା,ମଞ୍ଜୁଲତା ଧରୁଆ, ଉମାକାନ୍ତୀ ସରାଫ,ରାଜେନ୍ଦ୍ର ଦୋରା, ରେଣୁକା ବେହେରା,ନବ୍ୟା ସେଠ,ତରୁଣ ସେନ ପୁଟେଲ, ମିଚି ରଣା, ପ୍ରହଲ୍ଲାଦ ରଣା ଆଦି ସହଯୋଗ କରିଥିଲେ । ସେହିପରି ପଖନମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟରେ ଜାତୀୟ ଯୁବ ଦିବସ ଓ ବନ୍ଦେ ମାତରମ ଉତ୍ସବ ପାଳିତ ହୋଇଥିଲା । ଏହି ଉତ୍ସବରେ ହରିଶଙ୍କର ସାହୁ,ସିଆରସିସି ଧନସିଂ ମାଝୀ, ବିରଞ୍ଚି ନାରାୟଣ ଦାଶ,ମନୋଜ ତାଣ୍ଡୀ, ବିରଞ୍ଚି ଖର୍ସେଲ, ଭବାନୀ ମାଝୀ ଯୋଗ ଦେଇଥିଲେ।ଛାତ୍ରଛାତ୍ରୀ ମାନେ ବନ୍ଦେ ମାତରମ ଗୀତ ଗାଇବା ସହିତ ସଂକଳ୍ପ ନେଇଥିଲେ ।
