ବାଲିପାଟଣା (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଖୋର୍ଦ୍ଧା ଜିଲ୍ଲା , ଜୟଦେବ ନିର୍ବାଚନ ମଣ୍ଡଳୀ ଅନ୍ତର୍ଗତ ବାଲିପାଟଣା ସ୍ଥିତ ମା ଗିରୀଙ୍ଗେଶ୍ୱରି ମନ୍ଦିର ନିକଟରେ ସିଦ୍ଧି ବିନାୟକ ଚାରିଟେବୁଲ ଟ୍ରଷ୍ଟ, ଜୟଦେବ ବିକାଶ ମଞ୍ଚ, ଡାକ୍ତର ଅଗ୍ରୱାଲ ଆଇ ହସ୍ପିଟାଲ ଏଵଂ ଦିଶା ହେଲଥ ସେଣ୍ଟରର ମିଳିତ ଆନୁକୁଲ୍ୟରେ ଏକ ମାଗଣା ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ଏହି ମାଗଣା ଚକ୍ଷୁ ଚିକିତ୍ସା ସେବା ଶିବିର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସିଦ୍ଧି ବିନାୟକ ଚାରିଟେବୁଲ ଟ୍ରଷ୍ଟର ଅଧ୍ୟକ୍ଷ ସତ୍ୟପ୍ରିୟ ବେହେରା, ଅଭିନେତ୍ରୀ ବିଦୁସ୍ମିତା ମନ୍ତ୍ରୀ, ଶୀତଲ ପାଢ଼ୀ,
ସୁଭଦ୍ରା ପାଣିଗ୍ରାହୀ ପ୍ରମୁଖ ଯୋଗ ଦେଇ ଶିବିରଟିକୁ ଉଦ୍ଘାଟନ କରିଥିଲେ । ଏଥିରେ ବାଲିପାଟଣା ଓ ବାଲିଅନ୍ତା ବ୍ଲକ ଅଞ୍ଚଳର ୧୪୭ ଜଣର ଚକ୍ଷୁ ପରୀକ୍ଷା କରାଯାଇ ମାଗଣା ଚଷମା ପ୍ରଦାନ କରାଯାଇଥିଲା । ଆଉ ମଧ୍ୟ ଏହି ଶିବିରରେ ୧୦୦ ଜଣଙ୍କର ସ୍ବାସ୍ଥ୍ୟ ପରୀକ୍ଷା ସହ ମଧୂମେୟ ରୋଗ ପରୀକ୍ଷା କରାଯାଇଥିଲା । ଏହି କାର୍ଯ୍ୟକ୍ରମରେ ଡ଼ା ପ୍ରଫୁଲ ନାୟକ, ଦିଲ୍ଲୀପ ନାୟକ, ଅନୂତା ନାୟକ, ଚିନ୍ମୟ ଜେନା, ଗଣେଶ୍ୱର ବେହେରା, ଲକ୍ଷ୍ମୀଧର ବେହେରା, ବିରେନ୍ଦ୍ର କୁମାର, ତନ୍ମୟ କୁମାର ସିଆଲ , ରାଜେଶ କୁମାର ଲେଙ୍କା, ପ୍ରମୁଖ ନିୟୋଜିତ ଥିଲେ ।
ଉକ୍ତ କାର୍ଯ୍ୟକ୍ରମରେ ଜୟଦେବ ବିକାଶ ମଞ୍ଚର ଉପସଭାପତି ବସନ୍ତ ଦାଶ, ଅକ୍ଷୟ କୁମାର ସାହୁ, ବିଜୟ ପ୍ରଧାନ, ଗୌତମ ପ୍ରଧାନ, ପୂର୍ଣ୍ଣ ଚନ୍ଦ୍ର ମାହୁନ୍ତ, ରାଜ କିଶୋର ପ୍ରଧାନ, ଦୁର୍ଯ୍ୟୋଧନ ସାହୁ, ସୂର୍ଯ୍ୟକାନ୍ତ ମୁଖୀ, ରତିକାନ୍ତ ପ୍ରଧାନ, ରଞ୍ଜନ ପ୍ରଧାନ, ଶ୍ରାବଣ କୁମାର ପ୍ରଧାନ, ଭରତ ବେହେରା ପ୍ରମୁଖ ସଭ୍ୟମାନେ ପରିଚାଳନାରେ ସହଯୋଗ କରିଥିଲେ । ଶେଷରେ ବହୁ ବୃଦ୍ଧ ବୃଦ୍ଧା ମାନଙ୍କୁ ଅନୁଷ୍ଠାନ ପକ୍ଷରୁ କମ୍ବଳ ବଣ୍ଟନ କରାଯାଇଥିଲା । ଅନୁଷ୍ଠାନର ଏହି କାର୍ଯ୍ୟକ୍ରମକୁ ସବୁଠି ପ୍ରଶଂସା କରାଯାଇଛି l
