ବିହାର,ପଶ୍ଚିମବଙ୍ଗ,ଛତିଶଗଡ ଓ ଝାଡ଼ଖଣ୍ଡ ସମେତ ଆମ ରରାଜ୍ୟରୁ ଭାଗନେଲେ ୨୫ଶହରୁ ଊର୍ଦ୍ଧ୍ୱ ପରୀକ୍ଷାର୍ଥୀ
କୋରାଇ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ଯାଜପୁର ଜିଲାର ଅଗ୍ରଣୀ ଶିକ୍ଷାନୁଷ୍ଠାନ ଭାବେ ପରିଚିତ ପ୍ରୟାସ ବିଦ୍ୟାମନ୍ଦିରର ସିବିଏସଇ ଏକାଦଶ ଶ୍ରେଣୀରେ ନାମ ଲେଖାଇବା ପାଇଁ ରବିବାର ପ୍ରବେଶିକା ପରୀକ୍ଷା ହୋଇଥିଲା । ଏଥିରେ ପଡୋଶୀ ରାଜ୍ୟ ବିହାର, ପଶ୍ଚିମବଙ୍ଗ,
ଛତିଶଗଡ ଓ ଝାଡଖଣ୍ଡ ସମେତ ରାଜ୍ୟର କୋରାପୁଟ, ରାୟଗଡା, ସମ୍ବଲପୁର, ବରହ୍ମପୁର, କଳାହାଣ୍ଡି, ଅନୁଗୁଳ, ନୟାଗଡ ଆଦି ୩୦ଜିଲାରୁ ୨୫ଶହରୁ ଊର୍ଦ୍ଧ୍ୱ ପରୀକ୍ଷାର୍ଥୀ ଯୋଗଦେବା ଏକ କୁମ୍ଭମେଳ ସଦୃଶ୍ୟ ପରିଲକ୍ଷିତ ହୋଇଥିଲା । ଯାହା ଅନୁଷ୍ଠାନ ପାଇଁ ସର୍ବକାଳୀନ ରେକର୍ଡ ସୃଷ୍ଟି କରିଛି ।
୨୦୧୬ ମସିହାରେ ପ୍ରଥମେ ବ୍ୟାସନଗର ସହରରେ ପ୍ରତିଷ୍ଠିତ ହୋଇଥିବା ପ୍ରୟାସ ଶିକ୍ଷାନୁଷ୍ଠାନ ଏବେ ଓଡ଼ିଶାରେ ଅନ୍ୟତମ ଅଗ୍ରଣୀ ଶିକ୍ଷାନୁଷ୍ଠାନର ମାନ୍ୟତା ହାସଲ କରିଛି । ଏହି ଶିକ୍ଷାନୁଷ୍ଠାନ ପାଇଁ ବ୍ୟାସନଗର ସହରାଂଚଳ ରାଜ୍ୟ ଏକ ପ୍ରମୁଖ ‘ଶିକ୍ଷାହବ’ର ବାତାବରଣ ସୃଷ୍ଟିକରିଛି ।
ବୈପ୍ଳବିକ ଭାବେ ଶୈକ୍ଷିକ ସମାଧନ କରୁଥିବା ଏହି ଅନୁଷ୍ଠାନକୁ ସବୁ ମହଲରେ ପ୍ରଶଂସା କରାଯିବା ସହ ଅଭିଭାବକ ଓ ଛାତ୍ରୀଛାତ୍ରୀଙ୍କ ପ୍ରଥମ ପସନ୍ଦ ଭାବେ ପ୍ରୟାସ ପାଲୋଟିଛି । ଛାତ୍ରଛାତ୍ରୀଙ୍କ ଆଗ୍ରହକୁ ପ୍ରାଥମିକତା ଦେଇ ପ୍ରୟାସ ବିଦ୍ୟାମନ୍ଦିର ପକ୍ଷରୁ ପ୍ରବେଶିକା ପରୀକ୍ଷା ଲାଗି ରାଜ୍ୟର ୪ଟି ସ୍ଥାନରେ କେନ୍ଦ୍ର କରା ଯାଇଥିଲା ।
ଏଥିରେ ଯାଜପୁର ଜିଲା କୋରାଇ ବ୍ଳକର ତଣ୍ଡରା ସ୍ଥିତ ପ୍ରୟାସ ବିଦ୍ୟାମନ୍ଦିର କେନ୍ଦ୍ରରେ ୧୪୫୦ଜଣ, ବାଲେଶ୍ଵର କନ୍ଦ୍ରରେ ୪୭୦ଜଣ, ଭୁବନେଶ୍ଵର କେନ୍ଦ୍ରରେ ୩୧୫ ଓ ଅନୁଗୁଳ କେନ୍ଦ୍ରରେ ୨୮୫ଜଣ ସୁଦୂର ପଡୋଶୀ ରାଜ୍ୟ ବିହାର,
ପଶ୍ଚିମବଙ୍ଗ, ଝାଡ଼ଖଣ୍ଡ ଓ ଛତିଶଗଡ ସମତେ ଆମ ରାଜ୍ୟର ୩୦ଟି ଜିଲାରୁ ମୋଟ ୨୫୨୦ଜଣ ଛାତ୍ରଛାତ୍ରୀ ଏହି ପ୍ରବେଶିକା ପରୀକ୍ଷା ଦେବାକୁ ଆସିଥିଲେ । ତଣ୍ଡରା ସ୍ଥିତ ପ୍ରୟାସ ବିଦ୍ୟାମନ୍ଦିରରେ ୫୦୦ ଓ ବାଲେଶ୍ଵର ବିଦ୍ୟାମନ୍ଦିରରେ ୨୦୦ ସିଟ୍ ମିଶାଇ ମୋଟ ୭୦୦ ସିଟ୍ ନିମନ୍ତେ
ହୋଇଥିବା ଏହି ପ୍ରବେଶିକା ପରୀକ୍ଷା ଫଳ ଆସନ୍ତା ୧୧ତାରିଖରେ ରବିବାର ପ୍ରକାଶ ପାଇବା ପରେ କୃତୀ ଛାତ୍ରଛାତ୍ରୀ ସୂଚନାମତେ ନାମ ଲେଖାଇ ପାରିବେ ବାଲି ପ୍ରୟାସ ପକ୍ଷରୁ କୁହାଯାଇଛି । ଏହି ଅନୁଷ୍ଠାନ ପିଲାମାନଙ୍କୁ ସଫଳ ମଣିଷ ସୃଷ୍ଟିକରିବାରେ ଅକ୍ଳାନ୍ତା ଚେଷ୍ଟା ଓ
ପରିଶ୍ରମର ପ୍ରୟାସ କରିଥିବା ପ୍ରୟାସ ଅନୁଷ୍ଠାନ ବାର୍ଷିକ ଶତାଧିକ ଡାକ୍ତରୀ ଛାତ୍ର ସୃଷ୍ଟିକରିବା ସାରା ରାଜ୍ୟ ପାଇଁ ଗୌରବର ବିଷୟ ପାଲଟିଛି । ଚଳିତ ବର୍ଷ ନିଟ୍ ପରୀକ୍ଷାରେ ପ୍ରୟାସ ଅନୁଷ୍ଠାନରୁ ସର୍ବାଧିକ ୨୨୭ଜଣ ସରକାରୀ ମେଡିକାଲ କଲେଜରେ ସ୍ଥାନ ପାଇଥିବା ବେଳେ ସେଥିରୁ ଇଂଟିଗ୍ରେଟେଡ ପିଲା ୪୨ଜଣ (ଏମସ୍ରେ ୩ଜଣ) ପାଇଛନ୍ତି ।
ଏଥି ସହିତ ଇଂଟିଗ୍ରେଟେଡ ବ୍ୟାଚରୁ ଆଇଆଇଟିରେ ୨ଜଣ, ଏନଆଇଟିରେ ୨୧ଜଣ ପିଲା ସ୍ଥାନ ପାଇଛନ୍ତି । ଏହି ସଫଳତା ନେଇ ଏବେ ସର୍ବଭାରତୀୟ ସ୍ତରରେ ଛାତ୍ରଛାତ୍ରୀମାନଙ୍କର ପ୍ରୟାସ ପ୍ରଥମ ପସନ୍ଦ ଓ ଭରଷା ଯୋଗ୍ୟ ଶିକ୍ଷାନୁଷ୍ଠାନ ହୋଇପାରିଛି ।
ଏହି ଅନୁଷ୍ଠାରେ ପ୍ରବୀଣ ଶିକ୍ଷକଙ୍କ ଦ୍ବାରା ଉନ୍ନତମାନର ଶିକ୍ଷା ପ୍ରଦାନ ସହ ଶୀତତାପ ନିୟନ୍ତ୍ରୀତ ଡିଜିଟାଲ କ୍ଲାସରୁମ, କ୍ରୀଡା ଶୈକ୍ଷିକ ସହ ଶୃଙ୍ଖଳିତ ଓ ଉତ୍ସାହପ୍ରଦ ଶିକ୍ଷା ପ୍ରଣାଳୀରେ ଶିକ୍ଷାଦାନ କରି ଶତପ୍ରତିଶତ ପିଲାଙ୍କୁ ପ୍ରଥମ ଶ୍ରେଣୀରେ ଉତୀର୍ଣ୍ଣ କରାଇବା ପ୍ରୟାସ ବିଦ୍ୟାମନ୍ଦିରର ପ୍ରୟାସ ରହିଛି
ବୋଲି ଅନୁଷ୍ଠାନର ଚେୟାରମ୍ୟାନ ନିହାର ରଞ୍ଜନ ଦାସ ଆମ ପ୍ରତିନିଧୂଙ୍କୁ ସୂଚନା ଦେଇଛନ୍ତି । ଅନୁଷ୍ଠିତ ପରୀକ୍ଷାକୁ ଅନୁଷ୍ଠାନର ସମସ୍ତ ଅଧ୍ୟାପକ/ଅଧ୍ୟାପିକା ଓ କର୍ମଚାରୀ ମାନେ ଉପସ୍ଥିତ ରହି ପରିଚାଳନାରେ ସହଯୋଗ କହିଥିଲେ l
