ବୋଲଗଡ଼ (ଓଡ଼ିଶା ତାଜା ନ୍ୟୁଜ୍) ନି. ପ୍ର :- ବୋଲଗଡ଼ ସଦର ମହକୁମାସ୍ଥିତ ଗାନ୍ଧୀ ନଗର ନୂଆସାହିଠାରେ ବୋଲଗଡ଼ ଗୋଷ୍ଠୀ ଶିକ୍ଷା ଅଧିକାରୀ ପ୍ରମୋଦ କୁମାର ସ୍ବାଇଁଙ୍କ ଅଧ୍ୟକ୍ଷତାରେ ଇଣ୍ଡିଆନ ଓଭରସିଜ ବ୍ୟାଙ୍କ କର୍ମଚାରୀ ସ୍ୱର୍ଗତା ଶିଶୁଳା ସାହୁଙ୍କ ଉଦ୍ଦେଶ୍ୟରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଅଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପୂର୍ବତନ ସହ-ଗୋଷ୍ଠୀଶିକ୍ଷା ଅଧିକାରୀ ପଦ୍ମଚରଣ ବେହେରା ଓ ସମ୍ମାନିତଅତିଥି ଭାବେ ସ୍ଥାନୀୟ ଇଣ୍ଡିଆନ ଓଭରସିଜ ବ୍ୟାଙ୍କର ଶାଖା ପରିଚାଳକ ରଶ୍ମି ରଞ୍ଜନ ବେହେରା,
ପ୍ରାଥମିକ ଶିକ୍ଷକ ସଂଘର ସଭାପତି ଅପର୍ତି ଅଟ୍ଟ, ଶିକ୍ଷକ ଶୈଲେନ୍ ପଟ୍ଟନାୟକ, ଭିକାରୀ ପୁଷ୍ଟି, ପ୍ରସନ୍ନ କୁମାର ରଣା, ତ୍ରିଲୋଚନ ସାହୁ,ହରଷ ସାହୁ ତଥା ସ୍ଥାନୀୟ ଇଣ୍ଡିଆନ ଓଭରସିଜ ବ୍ୟାଙ୍କର କର୍ମଚାରୀମାନେ ଉପସ୍ଥିତ ଥିଲେ। ପ୍ରଥମେ ସ୍ୱର୍ଗତା ସାହୁଙ୍କର ଫଟୋ ଚିତ୍ରରେ ଧୂପ, ପୁଷ୍ପମାଲ୍ୟ ଅର୍ପଣ କରିଥିଲେ । ଶିକ୍ଷକ ଭିକାରୀ ପୁଷ୍ଟି ସ୍ମୃତି ଚାରଣ କରି ମାଆ ହିଁ ସ୍ୱର୍ଗଠାରୁ ମଧ୍ୟ ମହାନ୍ ଏବଂ ଗରୁଡ଼ ପୁରାଣରେ ବର୍ଣ୍ଣିତ ଜନ୍ମ, ମୃତ୍ୟୁ,ପ୍ରେତ, ମୁକ୍ତି ସମ୍ବନ୍ଧୀୟ ବହୁ ଉପାଦେୟ ତଥ୍ୟ ଉପସ୍ଥାପନ କରିଥିଲେ ।
ପୂର୍ବତନ ସହଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ବେହେରା ମାତାପିତାଙ୍କର ଉପଯୁକ୍ତ ଯତ୍ନ ନେବା ପାଇଁ ପରାମର୍ଶ ଦେଇଥିଲେ । ସଭାପତି ଶ୍ରୀ ସ୍ୱାଇଁ ଏକ ସ୍ୱରଚିତ କବିତା ଆବୃତ୍ତି କରି ସ୍ୱର୍ଗତା ସାହୁଙ୍କର ସରଳତା,ସଚୋଟ୍ଟତା,ନିଷ୍କପଟତା ଆଦି ସୁଗୁଣ ବିଷୟରେ ବର୍ଣନା କରିଥିଲେ । ସ୍ୱର୍ଗତା ସାହୁ ସ୍ଥାନୀୟ ଇଣ୍ଡିଆନ ଓଭରସିଜ ବ୍ୟାଙ୍କରେ ଚତୁର୍ଥ ଶ୍ରେଣୀ କର୍ମଚାରୀ ଭାବେ କାର୍ଯ୍ୟ କରି ଅବସର ଗ୍ରହଣ କରିଥିଲେ ଏବଂ ୯୩ବର୍ଷ ବୟସରେ ଗତ ମାସ ୨୩ ତାରିଖରେ ବୟସାଧିକ୍ୟ କାରଣରୁ ମୃତ୍ୟୁ ବରଣ କରିଥିଲେ ।
ସ୍ବର୍ଗତ ଶିଶୁଳା ସାହୁ ଏକାଧାରରେ ଜଣେ କର୍ମଠ, ନିଷ୍ଠାବାନ, ପରୋପକାରୀ, ଧର୍ମପରାୟଣ ବ୍ୟକ୍ତି ଥିଲେ ! ଉକ୍ତ କାର୍ଯ୍ୟକ୍ରମକୁ ଶିକ୍ଷକ ପ୍ରଫୁଲ୍ଲ କୁମାର ସିଂହ ସଂଯୋଜନା କରିଥିବା ବେଳେ ପରିଶେଷରେ ସ୍ୱର୍ଗତା ସାହୁଙ୍କର କନିଷ୍ଠ ପୁତ୍ର ଲକ୍ଷ୍ମୀଧର ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ଏବଂ ନରସିଂହ ସାହୁ ସହଯୋଗ କରିଥିଲେ ।
